ਜੇ ਤੁਸੀਂ ਵੀ ਮਸ਼ਹੂਰ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ਦਾ ਬਹੁਤ ਜ਼ਿਆਦਾ ਇਸਤੇਮਾਲ ਕਰਦੇ ਹੋ ਤਾਂ ਤੁਹਾਨੂੰ ਇਕ ਵਾਰ ਇਸ ਖਬਰ ‘ਤੇ ਧਿਆਨ ਦੇਣ ਦੀ ਲੋੜ ਹੈ। ਦਰਅਸਲ ਇੰਸਟਾਗ੍ਰਾਮ ‘ਤੇ ਐਕਟਿਵ ਯੂਜ਼ਰਸ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਅਜਿਹੇ ‘ਚ ਅੱਜਕਲ੍ਹ ਹੈਕਰਸ ਵੀ ਕਾਫੀ ਐਕਟਿਵ ਹੋ ਗਏ ਹਨ, ਜੋ ਉਨ੍ਹਾਂ ਯੂਜ਼ਰਸ ਨੂੰ ਨਿਸ਼ਾਨਾ ਬਣਾ ਰਹੇ ਹਨ ਜਿਨ੍ਹਾਂ ਦੇ ਅਕਾਊਂਟ ਕਮਜ਼ੋਰ ਹਨ, ਯਾਨੀ ਉਨ੍ਹਾਂ ਯੂਜ਼ਰਸ ਜਿਨ੍ਹਾਂ ਦੀ ਪ੍ਰਾਈਵੇਸੀ ਕਮਜ਼ੋਰ ਹੈ। ਆਓ ਜਾਣਦੇ ਹਾਂ ਕਿ ਤੁਸੀਂ ਆਪਣੀ ਪ੍ਰੋਫਾਈਲ ਨੂੰ ਮਜ਼ਬੂਤ ਕਰਕੇ ਹੈਕਰਾਂ ਤੋਂ ਆਪਣੇ ਆਪ ਨੂੰ ਕਿਵੇਂ ਬਚਾ ਸਕਦੇ ਹੋ।
ਟੂ-ਫੈਕਟਰ ਆਥੈਂਟਿਕੇਸ਼ਨ ਨੂੰ ਆਨ ਕਰੋ
ਇੰਸਟਾਗ੍ਰਾਮ ਅਕਾਊਂਟ ਨੂੰ ਟੂ-ਫੈਕਟਰ ਆਥੈਂਟਿਕੇਸਨ ਰਾਹੀਂ ਵਾਧੂ ਸੁਰੱਖਿਆ ਮਿਲਦੀ ਹੈ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਕੋਈ ਤੁਹਾਡੀ ਪ੍ਰੋਫਾਈਲ ਨੂੰ ਨਿਸ਼ਾਨਾ ਬਣਾ ਸਕਦਾ ਹੈ ਤਾਂ ਇਸ ਦੀ ਵਰਤੋਂ ਕਰੋ।
ਆਪਣੀ ਡਿਵਾਈਸ ‘ਤੇ Instagram ਐਪ ਖੋਲ੍ਹੋ ਅਤੇ ਆਪਣੇ ਪ੍ਰੋਫਾਈਲ ਦੇ ਸੱਜੇ ਪਾਸੇ ਪ੍ਰੋਫਾਈਲ ਆਈਕਨ ‘ਤੇ ਟੈਪ ਕਰੋ।
ਇਸ ਤੋਂ ਬਾਅਦ ਉੱਪਰ ਦਿੱਤੀਆਂ ਗਈਆਂ ਤਿੰਨ ਲਾਈਨਾਂ ‘ਤੇ ਕਲਿੱਕ ਕਰੋ ਅਤੇ ਫਿਰ ਸੈਟਿੰਗਜ਼ ਅਤੇ ਪ੍ਰਾਈਵੇਸੀ ‘ਤੇ ਜਾਓ।
ਫਿਰ ਅਕਾਊਂਟ ਸੈਂਟਰ ‘ਤੇ ਜਾਓ ਅਤੇ ਪਾਸਵਰਡ ਅਤੇ ਸੁਰੱਖਿਆ ‘ਤੇ ਕਲਿੱਕ ਕਰੋ।
ਟੂ-ਫੈਕਟਰ ਆਥੈਂਟਿਕੇਸ਼ਨ ਦੇ ਅਧੀਨ ਆਥੈਂਟਿਕੇਸ਼ਨ ਅਤੇ ਟੈਕਸਟ ਮੈਸੇਜਿਸ ‘ਤੇ ਜਾਓ।
ਇਸ ਤੋਂ ਬਾਅਦ ਦਿੱਤੀਆਂ ਹਦਾਇਤਾਂ ਨੂੰ ਪੂਰਾ ਕਰੋ।
ਰਿਵਿਊ ਐਂਡ ਮੈਨੇਜ ਲਾਗਇਨ ਐਕਟੀਵਿਟੀ
- ਇਸ ਪ੍ਰਕਿਰਿਆ ਵਿੱਚ ਕਿਸੇ ਵੀ ਗਲਤ ਗਤੀਵਿਧੀ ਨੂੰ ਆਸਾਨੀ ਨਾਲ ਟਰੈਕ ਕੀਤਾ ਜਾ ਸਕਦਾ ਹੈ।
- ਆਪਣੀ ਡਿਵਾਈਸ ‘ਤੇ Instagram ਐਪ ਖੋਲ੍ਹੋ ਅਤੇ ਪ੍ਰੋਫਾਈਲ ਦੇ ਸੱਜੇ ਪਾਸੇ ਪ੍ਰੋਫਾਈਲ ਆਈਕਨ ‘ਤੇ ਟੈਪ ਕਰੋ।
- ਇਸ ਤੋਂ ਬਾਅਦ ਉੱਪਰ ਦਿੱਤੀਆਂ ਗਈਆਂ ਤਿੰਨ ਲਾਈਨਾਂ ‘ਤੇ ਕਲਿੱਕ ਕਰੋ ਅਤੇ ਫਿਰ ਸੈਟਿੰਗਜ਼ ਅਤੇ ਪ੍ਰਾਈਵੇਸੀ ‘ਤੇ ਜਾਓ।
- ਫਿਰ ਅਕਾਊਂਟ ਸੈਂਟਰ ‘ਤੇ ਜਾਓ ਅਤੇ ਪਾਸਵਰਡ ਅਤੇ ਸੁਰੱਖਿਆ ‘ਤੇ ਕਲਿੱਕ ਕਰੋ।
- ਇਸ ਤੋਂ ਬਾਅਦ ਤੁਸੀਂ ਜਿੱਥੇ ਵੀ ਲੌਗਇਨ ਕੀਤਾ ਹੈ, ਉਸ ਡਿਵਾਈਸ ਬਾਰੇ ਜਾਣਕਾਰੀ ਦਿਖਾਈ ਦੇਵੇਗੀ।
- ਜੇ ਤੁਹਾਨੂੰ ਇੱਥੇ ਕੋਈ ਗਲਤ ਡਿਵਾਈਸ ਜਾਂ ਗਲਤ ਲੋਕੇਸ਼ਨ ਜਾਣਕਾਰੀ ਮਿਲਦੀ ਹੈ, ਤਾਂ ਤੁਸੀਂ ਤੁਰੰਤ ਉਥੋਂ ਲੌਗਆਊਟ ਕਰ ਸਕਦੇ ਹੋ।
ਪਾਸਵਰਡ ਮਜ਼ਬੂਤ ਕਰੋ
- ਇੰਸਟਾਗ੍ਰਾਮ ਪ੍ਰੋਫਾਈਲ ਨੂੰ ਮਜ਼ਬੂਤ ਕਰਨ ਲਈ ਪਾਸਵਰਡ ਮਜ਼ਬੂਤ ਹੋਣਾ ਚਾਹੀਦਾ ਹੈ।
- ਪਾਸਵਰਡ ਨੂੰ ਮਜ਼ਬੂਤ ਕਰਨ ਲਈ ਕਈ ਅੱਖਰਾਂ ਨੂੰ ਮਿਲਾ ਕੇ ਪਾਸਵਰਡ ਤਿਆਰ ਕਰੋ। ਇਸ ਵਿੱਚ ਕੁਝ ਵਿਸ਼ੇਸ਼ ਅੱਖਰ ਵੀ ਜੋੜੇ ਜਾ ਸਕਦੇ ਹਨ।
- ਪਾਸਵਰਡ ਵਿੱਚ ਆਪਣੀ ਜਨਮ ਮਿਤੀ ਅਤੇ ਆਸਾਨ ਨੰਬਰ ਪਾਉਣ ਤੋਂ ਬਚੋ।
- ਇਸ ਦੇ ਨਾਲ ਹੀ ਸਮੇਂ-ਸਮੇਂ ‘ਤੇ ਪ੍ਰੋਫਾਈਲ ਦਾ ਪਾਸਵਰਡ ਬਦਲਦੇ ਰਹੋ।
ਥਰਟ ਪਾਰਟੀ ਐਪਸ ਤੋਂ ਸਾਵਧਾਨ ਰਹੋ
- ਡਿਵਾਈਸ ‘ਤੇ ਕਿਸੇ ਵੀ ਥਰਡ ਪਾਰਟੀ ਐਪਸ ਨੂੰ Instagram ਤੱਕ ਐਕਸੈੱਸ ਕਰਨ ਦੀ ਮਨਜ਼ੂਰੀ ਨਾ ਦਿਓ। ਥਰਡ ਪਾਰਟੀ ਐਪਸ ਅਕਾਊਂਟ ਦੀ ਜਾਣਕਾਰੀ ਚੋਰੀ ਕਰ ਸਕਦੀਆਂ ਹਨ।
- ਇੰਸਟਾਗ੍ਰਾਮ ਪ੍ਰੋਫਾਈਲ ‘ਤੇ ਜਾਓ ਅਤੇ ਤਿੰਨ ਲਾਈਨਾਂ ‘ਤੇ ਕਲਿੱਕ ਕਰੋ।
- ਇਸ ਤੋਂ ਬਾਅਦ ਸੈਟਿੰਗ ਅਤੇ ਪ੍ਰਾਈਵੇਸੀ ‘ਤੇ ਜਾਓ ਅਤੇ ਫਿਰ ਅਕਾਊਂਟ ਸੈਂਟਰ ‘ਤੇ ਜਾਓ।
- ਪਾਸਵਰਡ ਅਤੇ ਸੁਰੱਖਿਆ ਦੇ ਤਹਿਤ ਕਨੈਕਟਿਡ ਐਕਸਪੀਰੀਅੰਸ ‘ਤੇ ਜਾਓ।
- ਇਸ ਤੋਂ ਬਾਅਦ ਤੁਸੀਂ ਕਿਸੇ ਵੀ ਥਰਡ ਪਾਰਟੀ ਐਪ ਨੂੰ ਹਟਾ ਸਕਦੇ ਹੋ।
ਪ੍ਰਾਈਵੇਸੀ ਸੈਟਿੰਗ ‘ਤੇ ਜਾਓ
- ਇੰਸਟਾਗ੍ਰਾਮ ਪ੍ਰੋਫਾਈਲ ਦੀ ਪ੍ਰਾਈਵੇਸੀ ਮਜ਼ਬੂਤ ਹੋਣੀ ਚਾਹੀਦੀ ਹੈ। ਪ੍ਰਾਈਵੇਸੀ ਨਾਲ ਤੁਸੀਂ ਇਹ ਪਤਾ ਲਗਾ ਸਕਦੇ ਹੋ ਕਿ ਤੁਹਾਡੇ ਨਾਲ ਕੌਣ ਜੁੜ ਸਕਦਾ ਹੈ।
- ਇੰਸਟਾਗ੍ਰਾਮ ਪ੍ਰੋਫਾਈਲ ‘ਤੇ ਜਾਓ ਅਤੇ ਤਿੰਨ ਲਾਈਨਾਂ ‘ਤੇ ਕਲਿੱਕ ਕਰੋ।
- ਇਸ ਤੋਂ ਬਾਅਦ ਸੈਟਿੰਗ ਅਤੇ ਪ੍ਰਾਈਵੇਸੀ ‘ਤੇ ਜਾਓ।
- ਇੱਥੇ ਕੰਟੈਂਟ ਵਿਜ਼ੀਬਿਲਟੀ ਅਤੇ ਤੁਹਾਡੇ ਨਾਲ ਕੌਣ ਜੁੜ ਸਕਦਾ ਹੈ, ਇਸ ਨੂੰ ਕੰਟਰੋਲ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ : ਅਦਾਲਤ ‘ਚ ਸੁਣਵਾਈ ਦੌਰਾਨ ਕੇਜਰੀਵਾਲ ਦੀ ਵਿਗੜੀ ਤਬੀਅਤ, ਦਿੱਤੇ ਗਏ ਚਾਹ ਤੇ ਬਿਸਕੁਟ
ਵੀਡੀਓ ਲਈ ਕਲਿੱਕ ਕਰੋ -:
