ਮਾਨਸਾ ਵਿੱਚ ਹੋਏ ਕਤਲ ਮਾਮਲੇ ਵਿੱਚ ਮਾਨਸਾ ਪੁਲਿਸ ਨੇ 24 ਘੰਟਿਆਂ ਚ ਦੋਸ਼ੀ ਨੂੰ ਕੀਤਾ ਕਾਬੂ। ਦੋਸ਼ੀ ਨੇ ਪ੍ਰੇਮ ਸਬੰਧਾਂ ਚਲਦਿਆਂ ਪੂਰੇ ਪਰਿਵਾਰ ‘ਤੇ ਹਮਲਾ ਕੀਤਾ ਸੀ। ਦੋਸ਼ੀ ਦੇ ਗਗਨਦੀਪ ਦੀ ਨਨਾਣ ਨਾਸ ਪ੍ਰੇਮ ਸਬੰਧ ਸੀ, ਜਿਸ ਕਰਕੇ ਉਸ ਨੇ ਗਗਨਦੀਪ ਦੇ ਪਰਿਵਾਰ ‘ਤੇ ਹਮਲਾ ਕੀਤਾ ਸੀ। ਇਸ ਹਮਲੇ ਵਿਚ ਕਰਮਜੀਤ ਕੌਰ ਦੀ ਮੌਤ ਹੋ ਗਈ। ਇਸ ਮਾਮਲੇ ਵਿਚ ਪੁਲਿਸ ਵੱਲੋਂ ਦੋਸ਼ੀ ਹਰਮੇਲ ਸਿੰਘ ਵਾਸੀ ਪਿੰਡ ਸੂਚ (ਬਠਿੰਡਾ) ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਤੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਜਾਣਕਾਰੀ ਦਿੰਦਿਆਂ ਐਸਪੀਡੀ ਮਨਮੋਹਨ ਸਿੰਘ ਔਲਖ ਨੇ ਦੱਸਿਆ ਕਿ ਕੱਲ ਕੋਟ ਲੱਲੂ ਰੋਡ ‘ਤੇ ਇੱਕ ਔਰਤ ਕਮਲਜੀਤ ਕੌਰ ਦਾ ਕਤਲ ਹੋ ਗਿਆ ਸੀ। ਇਸ ਮਾਮਲੇ ਵਿਚ ਦੋ ਲੋਕ ਜੇਰੇ ਇਲਾਜ ਹਨ। ਉਹਨਾਂ ਦੱਸਿਆ ਕਿ ਦੋਸ਼ੀ ਹਰਮੇਲ ਸਿੰਘ ਜੋ ਕਿ ਬਠਿੰਡਾ ਦੇ ਪਿੰਡ ਸੂਚ ਦਾ ਰਹਿਣ ਵਾਲਾ ਹੈ, ਦੇ ਪ੍ਰੇਮ ਸਬੰਧ ਗਗਨਦੀਪ ਕੌਰ ਦੀ ਨਨਾਣ ਹੈਪੀ ਕੌਰ ਨਾਲ ਸੀ, ਜਿਸ ਦੇ ਚਲਦਿਆਂ ਹਰਮੇਲ ਸਿੰਘ ਨੂੰ ਇਹ ਲੱਗਦਾ ਸੀ ਕਿ ਗਗਨਦੀਪ ਦਾ ਪੂਰਾ ਪਰਿਵਾਰ ਉਸ ਦੇ ਪ੍ਰੇਮ ਸਬੰਧਾਂ ਵਿੱਚ ਅੜਿੱਕਾ ਬਣ ਰਿਹਾ ਹੈ।
ਇਹ ਵੀ ਪੜ੍ਹੋ : ਵਿਆਹ ਮਗਰੋਂ ਵਿਦੇਸ਼ ਜਾ ਕੇ ਮੁੱਕਰੀ ਇੱਕ ਹੋਰ ਕੁੜੀ, ਅੰਮ੍ਰਿਤਸਰ ਦੇ ਮੁੰਡੇ ਨਾਲ ਹੋਈ ਠੱਗੀ, FIR ਦਰਜ
ਇਸ ਦੇ ਚੱਲਦਿਆਂ ਉਸ ਨੇ ਮਾਨਸਾ ਦੇ ਕੋਟ ਲੱਲੂ ਰੋਡ ਉੱਪਰ ਖੋਖਰ ਖੁਰਦ ਜਾ ਰਹੇ ਪਰਿਵਾਰ ਉੱਪਰ ਕਾਪਾ ਨਾਲ ਹਮਲਾ ਕਰ ਦਿੱਤਾ, ਜਿਸ ਵਿੱਚ ਕਰਮਜੀਤ ਕੌਰ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਗਗਨਦੀਪ ਅਤੇ ਕਮਲਜੀਤ ਸਿੰਘ ਨੂੰ ਇਲਾਜ ਲਈ ਦੂਜੇ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ ਸੀ। ਉਹਨਾਂ ਕਿਹਾ ਕਿ ਪੁਲਿਸ ਵੱਲੋਂ ਦੋਸ਼ੀ ਨੂੰ ਗ੍ਰਿਫਤਾਰ ਕਰਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
