municipal corporation b zone Cleaning:ਲੁਧਿਆਣਾ (ਤਰਸੇਮ ਭਾਰਦਵਾਜ)-ਤਿਉਹਾਰੀ ਸੀਜ਼ਨ ਦੇ ਮੱਦੇਨਜ਼ਰ ਨਗਰ ਨਿਗਮ ‘ਚ ਸਫਾਈ ਮੁਹਿੰਮ ਅਤੇ ਵਿਵਸਥਾ ਪੁਖਤਾ ਕਰਨ ਦੀ ਕਵਾਇਦ ਜਾਰੀ ਕੀਤੀ ਗਈ ਹੈ। ਇਸ ਦੇ ਮੱਦੇਨਜ਼ਰ ਨਗਰ ਨਿਗਮ ਵੱਲੋਂ ‘ਜ਼ੋਨ ਬੀ‘ ਦੇ ਦਫਤਰ ‘ਚ ਸਫਾਈ ਦਾ ਕੰਮ ਜ਼ੋਰਾਂ ਸ਼ੋਰਾਂ ‘ਤੇ ਚੱਲ ਰਿਹਾ ਹੈ। ਇੱਥੇ ਪੁਰਾਣੇ ਅਤੇ ਬੇਕਾਰ ਸਾਮਾਨ ਨੂੰ ਹਟਾਇਆ ਜਾ ਰਿਹਾ ਹੈ ਤਾਂ ਕਿ ਦਫਤਰ ਸਹੀ ਤੌਰ ਤਰੀਕਿਆਂ ਨਾਲ ਚੱਲੇ।
ਨਗਰ ਨਿਗਮ ਜ਼ੋਨ ਬੀ ਨੇੜੇ ਸ਼ਿੰਗਾਰ ਸਿਨੇਮਾ ਦੇ ਦਫਤਰ ‘ਚ ਪਏ ਪੁਰਾਣੇ ਸਾਮਾਨ ਕੰਪਿਊਟਰ, ਟੀ.ਵੀ, ਕੂਲਰ ਆਦਿ ਨੂੰ ਹਟਾਇਆ ਦਿੱਤਾ ਗਿਆ ਹੈ। ਅਧਿਕਾਰੀ ਦੱਸਦੇ ਹਨ ਕਿ ਦਫਤਰ ‘ਚ ਕਾਫੀ ਗਿਣਤੀ ‘ਚ ਬੇਕਾਰ ਸਾਮਾਨ ਪਿਆ ਹੋਣ ਨਾਲ ਪਰੇਸ਼ਾਨੀ ਹੋ ਰਹੀ ਸੀ। ਇਸ ਲਈ ਸਾਰਿਆਂ ਨੂੰ ਹਟਾਇਆ ਗਿਆ ਹੈ। ਇਸ ਸਬੰਧ ‘ਚ ਨਗਰ ਨਿਗਮ ਦੇ ਅਧਿਕਾਰੀ ਅਜੀਤ ਸਿੰਘ ਨਾਲ ਗੱਲ ਕਰਨ ‘ਤੇ ਉਨ੍ਹਾਂ ਨੇ ਕਿਹਾ ਹੈ ਕਿ ਤਿਉਹਾਰੀ ਸੀਜ਼ਨ ਹੋਣ ਨਾਲ ਸਾਰੇ ਸਾਫ-ਸਫਾਈ ਹੋਣਾ ਜ਼ਰੂਰੀ ਸੀ, ਜੋ ਕਿ ਕੀਤੀ ਜਾ ਰਹੀ ਹੈ।
