Sutlej canal tube lahan: ਲੁਧਿਆਣਾ (ਤਰਸੇਮ ਭਾਰਦਵਾਜ)- ਸਤਲੁਜ ਨਹਿਰ ਕਿਨਾਰੇ ਪਿੰਡ ਸੰਗੋਵਾਲ ‘ਚ ਲੱਗੀਆਂ ਸ਼ਰਾਬ ਦੀਆਂ ਭੱਠੀਆਂ ‘ਤੇ ਐਕਸਾਈਜ਼ ਵਿਭਾਗ ਅਤੇ ਥਾਣਾ ਬਿਲਗਾ ਦੀ ਪੁਲਿਸ ਨੇ ਛਾਪਾ ਮਾਰਿਆ ਤਾਂ ਇੱਥੋਂ ਭੱਠੀਆਂ ਅਤੇ ਟਾਇਰਾਂ ਦੀਆਂ ਟਿਊੂਬਾਂ ‘ਚ ਭਰੀ 31 ਹਜ਼ਾਰ ਲਿਟਰ ਲਾਹਨ ਬਰਾਮਦ ਹੋਈ। ਪੁਲਿਸ ਨੇ ਲਾਹਨ ਕਬਜ਼ੇ ‘ਚ ਲੈ ਕੇ ਅਣਪਛਾਤੇ ਵਿਅਕਤੀਆਂ ਖਿਲਾਫ ਪਰਚਾ ਦਰਜ ਕਰ ਦਿੱਤਾ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਐਕਸਾਈਜ਼ ਵਿਭਾਗ ਦੀ ਟੀਮ ਨੂੰ ਜਾਣਕਾਰੀ ਮਿਲੀ ਸੀ ਕਿ ਕੁਝ ਲੋਕਾਂ ਨੇ ਸੰਗੋਵਾਲ ਪਿੰਡ ਦੇ ਨੇੜੇ ਲੰਘਦੀ ਸਤਲੁਜ ਨਹਿਰ ਦੇ ਨੇੜੇ ਹੀ ਭਾਰੀ ਮਾਤਰਾਂ ‘ਚ ਸਰਾਬ ਕੱਢਣ ਦਾ ਕੰਮ ਸ਼ੁਰੂ ਕੀਤਾ ਹੈ। ਜਾਣਕਾਰੀ ਦੇ ਆਧਾਰ ‘ਤੇ ਪੁਲਿਸ ਨੇ ਐਕਸਾਈਜ ਟੀਮ ਨੇ ਉੱਥੇ ਛਾਪਾ ਮਾਰਿਆ ਹਾਲਾਂਕਿ ਉੱਥੋਂ ਕੋਈ ਵੀ ਸ਼ਖਸ ਨਹੀਂ ਮਿਲਿਆ ਪਰ ਭੱਠੀਆਂ, ਡਰੱਮ, ਬਰਤਨ ਅਤੇ ਬਾਕੀ ਦਾ ਸਾਮਾਨ ਪੁਲਿਸ ਨੂੰ ਮਿਲ ਗਿਆ ਹੈ।
