ਲੁਧਿਆਣਾ ਵਿੱਚ ਅੱਜ ਆਸਥਾ ਦਾ ਸੈਲਾਬ ਉਮੜੇਗਾ। ਭਗਵਾਨ ਵੈਂਕਟੇਸ਼ਵਰ (ਸ਼੍ਰੀ ਤਿਰੂਪਤੀ ਬਾਲਾਜੀ) ਦੀ ਵਿਸ਼ਾਲ ਰੱਥ ਯਾਤਰਾ ਅੱਜ ਕੱਢੀ ਜਾਏਗੀ। ਪ੍ਰਬੰਧਕਾਂ ਨੇ ਸਾਰੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਹਨ। ਸ਼ਹਿਰ ਵਾਸੀ ਸ਼ੋਭਾਯਾਤਰਾ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਹਨ।
ਸ਼ੁਰੂਆਤ ਦੁਪਹਿਰ 1 ਵਜੇ ਸ਼੍ਰੀ ਦੁਰਗਾ ਮਾਤਾ ਮੰਦਰ ਵਿਖੇ ਰਸਮੀ ਪੂਜਾ ਅਤੇ ਸ਼ੰਖਨਾਦ ਨਾਲ ਹੋਵੇਗੀ। ਰੱਥ ਯਾਤਰਾ ਦੁਪਹਿਰ 3 ਵਜੇ ਦੇ ਕਰੀਬ ਸ਼੍ਰੀ ਦੁਰਗਾ ਮਾਤਾ ਮੰਦਰ, ਜਗਰਾਉਂ ਪੁਲ ਤੋਂ ਸ਼ੁਰੂ ਹੋਵੇਗੀ।
ਸ਼੍ਰੀ ਦੁਰਗਾ ਮਾਤਾ ਮੰਦਰ, ਜਗਰਾਓਂ ਪੁਲ ਤੋਂ, ਮਿੰਨੀ ਫੁਹਾਰਾ ਚੌਕ ਰਾਹੀਂ, ਰਾਣੀ ਝਾਂਸੀ ਰੋਡ ਰਾਹੀਂ, ਘੁਮਾਰ ਮੰਡੀ ਰਾਹੀਂ, ਆਰਤੀ ਚੌਕ ਰਾਹੀਂ ਅਤੇ ਫਿਰੋਜ਼ਪੁਰ ਰੋਡ ‘ਤੇ ਸ਼ਹਿਨਸ਼ਾਹ ਪੈਲੇਸ ਵਿਖੇ ਸਮਾਪਤ ਹੋਵੇਗੀ। ਅੱਜ ਦੁਪਹਿਰ 3 ਵਜੇ ਤੋਂ ਰਾਤ 12 ਵਜੇ ਤੱਕ ਸ਼ਹਿਰ ਦੀ ਆਵਾਜਾਈ ਪ੍ਰਭਾਵਿਤ ਰਹੇਗੀ।
ਸ਼ਰਧਾਲੂਆਂ ਦੀ ਵੱਡੀ ਭੀੜ ਅਤੇ ਵਿਸ਼ਾਲ ਸ਼ੋਭਾਯਾਤਰਾ ਨੂੰ ਦੇਖਦੇ ਹੋਏ, ਲੁਧਿਆਣਾ ਟ੍ਰੈਫਿਕ ਪੁਲਿਸ ਨੇ ਜਨਤਾ ਦੀ ਸਹੂਲਤ ਲਈ ਵਿਸ਼ੇਸ਼ ਟ੍ਰੈਫਿਕ ਰੂਟ ਜਾਰੀ ਕੀਤੇ ਹਨ। ਅਡਵਾਇਜਰੀ ਮੁਤਾਬਕ ਰੱਥ ਯਾਤਰਾ ਕਾਰਨ ਅੱਜ 14 ਦਸੰਬਰ ਨੂੰ ਦੁਪਹਿਰ 1 ਵਜੇ ਤੋਂ 12 ਵਜੇ ਤੱਕ ਸ਼ਹਿਰ ਦੀ ਆਵਾਜਾਈ ਪ੍ਰਭਾਵਿਤ ਰਹੇਗੀ। ਪ੍ਰਬੰਧਕਾਂ ਨੇ ਸ਼ਰਧਾਲੂਆਂ ਅਤੇ ਆਮ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਿਸੇ ਵੀ ਅਸੁਵਿਧਾ ਤੋਂ ਬਚਣ ਲਈ ਟ੍ਰੈਫਿਕ ਪੁਲਿਸ ਦੇ ਰੂਟ ਪਲਾਨ ਦੀ ਪਾਲਣਾ ਕਰਨ।
ਇਹ ਵੀ ਪੜ੍ਹੋ : ਬੈਲਟ ਪੇਪਰਾਂ ਦੀ ਤਸਵੀਰਾਂ ਸਾਂਝੀ ਕਰ ਕੇ ਕਸੂਤੇ ਫਸੇ AAP ਉਮੀਦਵਾਰ, ਸ਼੍ਰੋਮਣੀ ਅਕਾਲੀ ਦਲ ਨੇ ਚੁੱਕੇ ਵੱਡੇ ਸਵਾਲ
ਇਨ੍ਹਾਂ ਰੂਟਾਂ ‘ਤੇ ਡਾਇਵਰਸ਼ਨ ਹੋਣਗੇ। ਵਿਕਲਪਕ ਰੂਟਾਂ ਦੀ ਵਰਤੋਂ ਕਰੋ। ਸੁਚਾਰੂ ਆਵਾਜਾਈ ਨੂੰ ਯਕੀਨੀ ਬਣਾਉਣ ਲਈ, ਪੁਲਿਸ ਨੇ ਕਈ ਡਾਇਵਰਸ਼ਨ ਪੁਆਇੰਟ ਬਣਾਏ ਹਨ। ਆਪਣੀਆਂ ਮੰਜ਼ਿਲਾਂ ਵੱਲ ਜਾਣ ਵਾਲੇ ਯਾਤਰੀਆਂ ਨੂੰ ਇਨ੍ਹਾਂ ਰੂਟਾਂ ਦੀ ਬਜਾਏ ਵਿਕਲਪਕ ਰੂਟਾਂ ਦੀ ਵਰਤੋਂ ਕਰਨ ਦੀ ਅਪੀਲ ਕੀਤੀ ਗਈ ਹੈ।
ਦੁਰਗਾ ਮਾਤਾ ਮੰਦਰ ਤੋਂ ਛੱਤਰੀ ਚੌਕ, ਮਾਲ ਰੋਡ ਮਿੰਨੀ ਫਵਾਰਾ ਚੌਕ, ਪੁਰਾਣਾ ਸੈਸ਼ਨ ਚੌਕ, ਘੁਮਾਰ ਮੰਡੀ ਚੌਕ, ਭਾਈਵਾਲਾ ਚੌਕ ਤੋਂ ਆਰਤੀ ਚੌਕ, ਪੈਟਰੋਲ ਪੰਪ ਕਬਰਿਸਤਾਨ ਰੋਡ, ਟਿੱਕੀ ਵਾਲਾ ਚੌਕ, ਕਾਲਜ ਰੋਡ ਕਾਲੀਆ ਸਵੀਟਸ ਵੱਲ, ਇਸ ਰੂਟ ਦੀ ਵਰਤੋਂ ਨਾ ਕਰੋ।
ਵੀਡੀਓ ਲਈ ਕਲਿੱਕ ਕਰੋ -:
