ਪੰਜਾਬ ਦੀ ਧੀ ਪ੍ਰਨੀਤ ਕੌਰ ਨੇ ਵਿਦੇਸ਼ ਵਿਚ ਨਾਮ ਰੌਸ਼ਨ ਕੀਤਾ ਹੈ। ਤਰਨਤਾਰਨ ਦੇ ਪਿੰਡ ਫੱਤੇਵਾਲ ਦੀ ਰਹਿਣ ਵਾਲੀ ਪਰਨੀਤ ਕੌਰ ਖਹਿਰਾ ਨੇ ਮਿਸ ਆਸਟ੍ਰੇਲੀਆ ਲੀਗੇਸੀ ਇੰਟਰਨੈਸ਼ਨਲ 2025 ਦਾ ਖਿਤਾਬ ਜਿੱਤਿਆ ਹੈ। ਇਹ ਮੁਕਾਬਲਾ ਇੰਟਰਵਿਊ, ਫਿਟਨੈਸ, ਫੈਸ਼ਨ ਅਤੇ ਗਾਊਨ ਰਾਊਂਡ ਦੇ ਆਧਾਰ ‘ਤੇ ਆਯੋਜਿਤ ਕੀਤਾ ਗਿਆ ਸੀ, ਜਿਸ ਵਿੱਚ ਪਰਨੀਤ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਪਰਨੀਤ ਕੌਰ ਮੂਲ ਤੌਰ ‘ਤੇ ਤਰਨਤਾਰਨ ਦੀ ਰਹਿਣ ਵਾਲੀ ਹੈ ਪਰ ਉਹ ਇਸ ਸਮੇਂ ਆਸਟ੍ਰੇਲੀਆ ਵਿੱਚ ਰਹਿ ਰਹੀ ਹੈ ਅਤੇ ਸਮਾਜਿਕ ਕਾਰਜਾਂ ਨਾਲ ਜੁੜੀ ਹੋਈ ਹੈ। ਖਿਤਾਬ ਜਿੱਤਣ ਤੋਂ ਬਾਅਦ, ਪਰਨੀਤ ਕੌਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਭਾਵਨਾਤਮਕ ਪੋਸਟ ਵੀ ਸਾਂਝੀ ਕੀਤੀ ਹੈ।
ਪਰਨੀਤ ਕੌਰ ਨੇ ਕਿਹਾ, “ਮੈਂ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕਰ ਸਕਦੀ ਕਿ ਮੈਂ ਕਿੰਨੀ ਸਨਮਾਨਿਤ, ਭਾਵੁਕ ਅਤੇ ਸ਼ੁਕਰਗੁਜ਼ਾਰ ਹਾਂ। ਇਹ ਯਾਤਰਾ ਨਾ ਸਿਰਫ਼ ਤਾਜ ਲਈ, ਸਗੋਂ ਇਸ ਦੇ ਪਿੱਛੇ ਦੇ ਕਾਰਨ ਲਈ ਵੀ ਜੀਵਨ ਬਦਲਣ ਵਾਲੀ ਰਹੀ ਹੈ। “ਮੇਰੇ ਵਿੱਚ ਵਿਸ਼ਵਾਸ ਕਰਨ ਲਈ ਨਿਰਦੇਸ਼ਕ ਅਤੇ ਟੀਮ ਦਾ ਧੰਨਵਾਦ।” ਉਸ ਨੇ ਕਿਹਾ ਕਿ ਇਹ ਇੱਕ ਅਜਿਹਾ ਪਲੇਟਫਾਰਮ ਹੈ ਜਿੱਥੇ ਔਰਤਾਂ ਨੂੰ ਸਸ਼ਕਤ ਬਣਾਇਆ ਜਾ ਸਕਦਾ ਹੈ ਅਤੇ ਆਪਣੀ ਆਵਾਜ਼ ਬੁਲੰਦ ਕੀਤੀ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ : ਭਵਿੱਖ ਬਣਾਉਣ ਦੁਬਈ ਗਏ ਪੰਜਾਬੀ ਨੌਜਵਾਨ ਦੀ ਪਰਤੀ ਮ੍ਰਿ/ਤਕ ਦੇ/ਹ, ਦਿਲ ਦਾ ਦੌਰਾ ਪੈਣ ਨਾਲ ਹੋਈ ਮੌ/ਤ
ਆਪਣੀ ਪਹਿਲਕਦਮੀ “Fearless Vibez” ਰਾਹੀਂ, ਪਰਨੀਤ ਨੌਜਵਾਨਾਂ ਨੂੰ ਸਵੈ-ਸ਼ੱਕ, ਡਰ ਅਤੇ ਧੱਕੇਸ਼ਾਹੀ ਵਰਗੀਆਂ ਸਮੱਸਿਆਵਾਂ ਨਾਲ ਲੜਨ ਲਈ ਉਤਸ਼ਾਹਿਤ ਕਰ ਰਹੀ ਹੈ। ਉਸ ਨੇ “ਫੀਅਰਲੈੱਸ ਐਂਡ ਫਿਅਰਸ” ਨਾਮਕ ਬੱਚਿਆਂ ਦੀ ਇੱਕ ਕਿਤਾਬ ਵੀ ਲਿਖੀ ਹੈ, ਜਿਸ ਦੀਆਂ 300 ਤੋਂ ਵੱਧ ਕਾਪੀਆਂ ਅੰਤਰਰਾਸ਼ਟਰੀ ਪੱਧਰ ‘ਤੇ ਸਕੂਲਾਂ ਨੂੰ ਦਾਨ ਕੀਤੀਆਂ ਗਈਆਂ ਹਨ। ਹੁਣ ਪਰਨੀਤ ਇਸ ਮੁਹਿੰਮ ਨੂੰ ਭਾਰਤ ਤੋਂ ਬਾਅਦ ਬਾਲੀ ਲਿਜਾਣ ਦੀ ਯੋਜਨਾ ਬਣਾ ਰਹੀ ਹੈ, ਜਿੱਥੇ ਉਹ ਸਿੱਖਿਆ, ਆਤਮ-ਵਿਸ਼ਵਾਸ ਅਤੇ ਜਾਗਰੂਕਤਾ ਰਾਹੀਂ ਨੌਜਵਾਨਾਂ ਨੂੰ ਸਸ਼ਕਤ ਬਣਾਏਗੀ।
ਪਰਨੀਤ ਦਾ ਸੁਨੇਹਾ
“ਆਪਣੀ ਕਹਾਣੀ ਨੂੰ ਅਪਣਾਓ। ਆਪਣੀ ਕੀਮਤ ਜਾਣੋ। ਤੁਸੀਂ ਜੋ ਹੋ ਉਹ ਬਣੋ – ਇਹੀ ਅਸਲ ਸ਼ਕਤੀ ਹੈ।” ਪਰਨੀਤ ਦੀ ਜਿੱਤ ਨਾ ਸਿਰਫ਼ ਤਾਜ ਲਈ, ਸਗੋਂ ਸਮਾਜ ਵਿੱਚ ਬਦਲਾਅ ਦਾ ਪ੍ਰਤੀਕ ਬਣ ਗਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
