“ਰਾਮਾਇਣ” ਵਰਗੇ ਮਸ਼ਹੂਰ ਟੈਲੀਵਿਜ਼ਨ ਸ਼ੋਅ ਦੇ ਨਿਰਮਾਤਾ-ਨਿਰਦੇਸ਼ਕ ਰਾਮਾਨੰਦ ਸਾਗਰ ਦੇ ਪੁੱਤਰ ਆਨੰਦ ਰਾਮਾਨੰਦ ਸਾਗਰ ਚੋਪੜਾ ਦਾ ਅੱਜ ਦੇਹਾਂਤ ਹੋ ਗਿਆ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਅੱਜ ਸ਼ਾਮ 4:30 ਵਜੇ ਮੁੰਬਈ ਦੇ ਪਵਨ ਹੰਸ ਸ਼ਮਸ਼ਾਨਘਾਟ ਵਿੱਚ ਕੀਤਾ ਗਿਆ। ਆਨੰਦ ਰਾਮਾਨੰਦ ਸਾਗਰ ਭਾਰਤੀ ਟੈਲੀਵਿਜ਼ਨ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਪਰਿਵਾਰਾਂ ਵਿੱਚੋਂ ਇੱਕ ਦੇ ਮੈਂਬਰ ਸਨ। ਇਹ ਜਾਣਕਾਰੀ ਉਨ੍ਹਾਂ ਦੇ ਪਰਿਵਾਰ ਵੱਲੋਂ ਦਿੱਤੀ ਗਈ ਸੀ।
ਪਰਿਵਾਰਕ ਮੈਂਬਰਾਂ ਨੇ ਹਾਲ ਹੀ ਵਿੱਚ ਇੰਸਟਾਗ੍ਰਾਮ ਅਤੇ ਸੋਸ਼ਲ ਮੀਡੀਆ ਪੋਸਟਾਂ ਰਾਹੀਂ ਦੁਖਦਾਈ ਖ਼ਬਰ ਦਾ ਐਲਾਨ ਕੀਤਾ। ਇਹ ਦੁਖਦਾਈ ਐਲਾਨ ਕਰਦੇ ਹੋਏ, ਪਰਿਵਾਰ ਨੇ ਲਿਖਿਆ, “ਇਹ ਬਹੁਤ ਦੁੱਖ ਨਾਲ ਹੈ ਕਿ ਅਸੀਂ ਆਪਣੇ ਪਿਆਰੇ ਪਿਤਾ, ਆਨੰਦ ਰਾਮਾਨੰਦ ਸਾਗਰ ਚੋਪੜਾ ਦੇ ਦੇਹਾਂਤ ਨੂੰ ਸਾਂਝਾ ਕਰ ਰਹੇ ਹਾਂ।” ਪੋਸਟ ਵਿੱਚ ਅੰਤਿਮ ਸੰਸਕਾਰ ਦੀਆਂ ਰਸਮਾਂ ਦੇ ਵੇਰਵੇ ਵੀ ਦਿੱਤੇ ਗਏ, ਜੋ ਅੱਜ ਸੰਪੰਨ ਹੋਈਆਂ।
ਆਨੰਦ ਸਾਗਰ ਨੇ ਆਪਣੇ ਪਿਤਾ ਰਾਮਾਨੰਦ ਸਾਗਰ ਦੀ ਵਿਰਾਸਤ ਨੂੰ ਸੰਭਾਲਣ ਅਤੇ ਅੱਗੇ ਵਧਾਉਣ ਵਿੱਚ ਮੁੱਖ ਭੂਮਿਕਾ ਨਿਭਾਈ। ਸਾਗਰ ਆਰਟਸ ਦੇ ਹਿੱਸੇ ਵਜੋਂ ਜੋਕਿ ਉਨ੍ਹਾਂ ਦੇ ਪਿਤਾ ਦੁਆਰਾ ਸਥਾਪਿਤ ਪ੍ਰੋਡਕਸ਼ਨ ਹਾਊਸ ਹੈ, ਉਨ੍ਹਾਂ ਨੇ ਮਿਥਿਹਾਸਕ ਅਤੇ ਭਗਤੀ ਪ੍ਰਾਜੈਕਟਾਂ ਦੇ ਨਿਰਮਾਣ, ਰਚਨਾਤਮਕ ਨਿਗਰਾਨੀ ਅਤੇ ਮੈਨੇਜਮੈਂਟ ਵਿੱਚ ਅਹਿਮ ਯੋਗਦਾਨ ਪਾਇਆ। ਸਾਲਾਂ ਤੋਂ ਉਹ ਉਨ੍ਹਾਂ ਪ੍ਰੋਜੈਕਟਾਂ ਵਿੱਚ ਸਰਗਰਮੀ ਨਾਲ ਸ਼ਾਮਲ ਰਹੇ, ਜਿਨ੍ਹਾਂ ਨੇ ਨਵੀਂ ਪੀੜ੍ਹੀਆਂ ਨੂੰ ਮਹਾਕਾਵਿ ਕਹਾਣੀਆਂ ਨਾਲ ਜਾਣੂ ਕਰਵਾਇਆ।
ਇਹ ਵੀ ਪੜ੍ਹੋ : ਲੌਂਗ ਦਾ ਪਾਣੀ ਪੀਣ ਦੇ ਫਾਇਦੇ ਜਾਣ ਹੋ ਜਾਓਗੇ ਹੈਰਾਨ, ਜਾਣੋ ਇਸ ਨੂੰ ਲੈਣ ਦਾ ਸਹੀ ਤਰੀਕਾ
2005 ਵਿੱਚ ਰਾਮਾਨੰਦ ਸਾਗਰ ਦੇ ਦੇਹਾਂਤ ਤੋਂ ਬਾਅਦ ਆਨੰਦ ਸਾਗਰ ਨੇ ਸਾਗਰ ਪਰਿਵਾਰ ਦੇ ਹੋਰ ਮੈਂਬਰਾਂ ਨਾਲ ਮਿਲ ਕੇ ‘ਰਾਮਾਇਣ’ ਅਤੇ ਹੋਰ ਕਲਾਸਿਕ ਪ੍ਰੋਜੈਕਟਾਂ ਨੂੰ ਨਵੇਂ ਤਰੀਕਿਆਂ ਨਾਲ ਦੁਬਾਰਾ ਪ੍ਰਸਾਰਿਤ ਕਰਨਾ ਜਾਰੀ ਰੱਖਿਆ। ਜਦੋਂ 2020 ਵਿੱਚ ਦੇਸ਼ ਪੱਧਰੀ ਲੌਕਡਾਊਨ ਦੌਰਾਨ ‘ਰਾਮਾਇਣ’ ਟੀਵੀ ‘ਤੇ ਦੁਬਾਰਾ ਪ੍ਰਸਾਰਿਤ ਹੋਇਆ ਤਾਂ ਇਸ ਨੇ ਇੱਕ ਵਾਰ ਫਿਰ ਰਿਕਾਰਡ ਤੋੜ ਦਰਸ਼ਕ ਪ੍ਰਾਪਤ ਕੀਤੇ। ਇਸ ਨਾਲ ਇੱਕ ਨਵੀਂ ਪੀੜ੍ਹੀ ਨੇ ਸਾਗਰ ਪਰਿਵਾਰ ਦੀ ਲੋਕ ਕਹਾਣੀਆਂ ਪੇਸ਼ ਕਰਨ ਅਤੇ ਸਿਰਜਣ ਦੀ ਸ਼ੈਲੀ ਨੂੰ ਪਛਾਣਿਆ। ਆਨੰਦ ਸਾਗਰ ਨੇ ਇਨ੍ਹਾਂ ਪ੍ਰਾਜੈਕਟਾਂ ਦੀ ਪ੍ਰਮਾਣਿਕਤਾ ਅਤੇ ਪਵਿੱਤਰਤਾ ਨੂੰ ਬਣਾਈ ਰੱਖਣ ਵਿੱਚ ਮੁੱਖ ਭੂਮਿਕਾ ਨਿਭਾਈ।
ਵੀਡੀਓ ਲਈ ਕਲਿੱਕ ਕਰੋ -:
