ਲੁਧਿਆਣਾ ਦੇ ਫਿਰੋਜ਼ਪੁਰ ਰੋਡ ‘ਤੇ ਅੰਸਲ ਪਲਾਜ਼ਾ ਦੇ ਬਾਹਰ ਥਾਰ ਦੀ ਇੱਕ ਕਾਰ ਨੂੰ ਅਚਾਨਕ ਅੱਗ ਲੱਗ ਗਈ। ਕਾਰ ਚਾਲਕ ਨੇ ਜਦੋਂ ਥਾਰ ਦੇ ਇੰਜਣ ਅਤੇ ਡੈਸ਼ਬੋਰਡ ਤੋਂ ਧੂੰਆਂ ਨਿਕਲਦਾ ਦੇਖਿਆ ਤਾਂ ਉਹ ਤੁਰੰਤ ਬੱਚਿਆਂ ਸਮੇਤ ਕਾਰ ਵਿੱਚੋਂ ਬਾਹਰ ਭੱਜਿਆ। ਕਾਰ ਚਾਲਕ ਨੇ ਅਲਾਰਮ ਵੱਜਿਆ ਤਾਂ ਕੇਐਫਸੀ ਰੈਸਟੋਰੈਂਟ ਦੇ ਮੁਲਾਜ਼ਮਾਂ ਨੇ ਅੱਗ ਬੁਝਾਊ ਯੰਤਰਾਂ ਦੀ ਮਦਦ ਨਾਲ ਅੱਗ ’ਤੇ ਕਾਬੂ ਪਾਇਆ।
ਕਾਰ ਚਾਲਕ ਦੀ ਪਛਾਣ ਤਜਿੰਦਰ ਸਿੰਘ ਵਾਸੀ ਹੈਬੋਵਾਲ ਵਜੋਂ ਹੋਈ ਹੈ। ਕਾਰ ਵਿੱਚ ਤਜਿੰਦਰ ਦੇ ਦੋ ਬੱਚੇ ਵੀ ਸਵਾਰ ਸਨ। ਉਹ ਬੱਚਿਆਂ ਨੂੰ ਸ਼੍ਰੀ ਰਾਮ ਗਲੋਬਲ ਸਕੂਲ ਸਰਾਭਾ ਨਗਰ ਦੇ ਸਵੀਮਿੰਗ ਪੂਲ ‘ਤੇ ਛੱਡਣ ਜਾ ਰਿਹਾ ਸੀ। ਮੌਕੇ ‘ਤੇ ਮੌਜੂਦ ਚਸ਼ਮਦੀਦਾਂ ਨੇ ਦੱਸਿਆ ਕਿ ਕਾਰ ‘ਚੋਂ ਧੂੰਆਂ ਨਿਕਲਦੇ ਹੀ ਕਾਰ ਮਾਲਕ ਨੇ ਤੁਰੰਤ ਰੌਲਾ ਪਾਇਆ।
ਇਹ ਵੀ ਪੜ੍ਹੋ : Air India ਨੇ ਕੀਤੀ ‘ਫੇਅਰ ਲਾਕ’ ਦੀ ਸ਼ੁਰੂਆਤ, ਹੁਣ ਕਿਰਾਏ ‘ਚ ਅਚਾਨਕ ਬਦਲਾਅ ਨਾਲ ਨਹੀਂ ਹੋਵੇਗੀ ਪ੍ਰੇਸ਼ਾਨੀ
ਜਦੋਂ ਤੱਕ ਕੁਝ ਲੋਕ ਇਕੱਠੇ ਹੋਏ, ਉਦੋਂ ਤੱਕ ਤਾਰਾਂ ਵਿੱਚ ਸਪਾਰਕਿੰਗ ਹੋ ਚੁੱਕੀ ਸੀ। ਕੰਡਕਟਰ ਦੀ ਸੀਟ ਤੋਂ ਸੇਫਟੀ ਏਅਰ ਬੈਗ ਖੁੱਲ੍ਹਿਆ ਸੀ। ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਕਾਰ ਨੂੰ ਅੱਗ ਕਿਸ ਕਾਰਨ ਲੱਗੀ। ਮੌਕੇ ’ਤੇ ਪਹੁੰਚ ਕੇ ਟਰੈਫਿਕ ਪੁਲੀਸ ਨੇ ਸੜਕ ’ਤੇ ਲੱਗੇ ਜਾਮ ਨੂੰ ਹਟਵਾਇਆ ਅਤੇ ਗੱਡੀ ਨੂੰ ਸਰਵਿਸ ਸਟੇਸ਼ਨ ’ਤੇ ਪਹੁੰਚਾਇਆ।
ਵੀਡੀਓ ਲਈ ਕਲਿੱਕ ਕਰੋ -:
