Mushfiqur Rahim tries: ਬੰਗਲਾਦੇਸ਼ ਦੇ ਖਿਡਾਰੀ ਮੁਸ਼ਫਿਕੁਰ ਰਹੀਮ ਨੇ ਘਰੇਲੂ ਟੀ 20 ਟੂਰਨਾਮੈਂਟ ਵਿੱਚ ਆਪਣੇ ਸਾਥੀ ਖਿਡਾਰੀ ਨੂੰ ਮੈਦਾਨ ਵਿੱਚ ਥੱਪੜ ਮਾਰਨ ਦੀ ਕੋਸ਼ਿਸ਼ ਕੀਤੀ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਹੈ। ਵੀਡੀਓ ਵਿਚ ਇਹ ਸਪੱਸ਼ਟ ਹੈ ਕਿ ਬੰਗਬੰਧੂ ਟੀ -20 ਟੂਰਨਾਮੈਂਟ ਵਿਚ, ਬੇਕਸਮਕੋ ਢਾਕਾ ਦੇ ਕਪਤਾਨ ਮੁਸ਼ਫਿਕੁਰ ਰਹੀਮ ਆਪਣਾ ਗੁੱਸਾ ਨਹੀਂ ਸੰਭਾਲ ਸਕੇ ਅਤੇ ਮੈਦਾਨ ਵਿਚ ਆਪਣੀ ਹੀ ਟੀਮ ਦੇ ਖਿਡਾਰੀ ਨਸੂਮ ਅਹਿਮਦ ਨੂੰ ਥੱਪੜ ਮਾਰਨ ਲਈ ਆਪਣਾ ਹੱਥ ਚੱਕਿਆ। ਦਰਅਸਲ, ਕੈਚ ਫੜਨ ਦੀ ਕੋਸ਼ਿਸ਼ ਕਰਦਿਆਂ ਨਸਮ ਅਤੇ ਮੁਸ਼ਫਿਕੁਰ ਰਹੀਮ ਇਕ ਦੂਜੇ ਨਾਲ ਟਕਰਾ ਗਏ। ਉਸ ਕੈਚ ਨੂੰ ਫੜਨ ਦੀ ਕੋਸ਼ਿਸ਼ ਕਰਦਿਆਂ ਉਹ ਦੋਵੇਂ ਇਕ ਦੂਜੇ ਦੇ ਨੇੜੇ ਆ ਗਏ। ਇਸ ਦੌਰਾਨ ਰਹੀਮ ਨੇ ਕੈਚ ਫੜ ਲਿਆ, ਪਰ ਉਸ ਨੇ ਨਸੂਮ ਅਹਿਮਦ ਨੂੰ ਥੱਪੜ ਮਾਰਨ ਦੀ ਕੋਸ਼ਿਸ਼ ਵੀ ਕੀਤੀ।
ਵੀਡੀਓ ਵਿੱਚ ਦਿੱਖ ਰਿਹਾ ਹੈ ਕਿ ਜਿਵੇਂ ਹੀ ਮੁਸ਼ਫਿਕੁਰ ਨੇ ਮਾਰਨ ਲਈ ਆਪਣਾ ਹੱਥ ਉਠਾਇਆ, ਸ਼ਾਇਦ ਉਸਨੂੰ ਅਹਿਸਾਸ ਹੋਇਆ ਕਿ ਉਹ ਗਲਤ ਕਰ ਰਿਹਾ ਸੀ ਅਤੇ ਤੁਰੰਤ ਹੀ ਉਸਨੇ ਆਪਣੇ ਆਪ ਨੂੰ ਕਾਬੂ ਕਰ ਲਿਆ। ਇਸ ਤੋਂ ਬਾਅਦ ਮੁਸ਼ਫਿਕੁਰ ਆਪਣੇ ਸਾਥੀ ਖਿਡਾਰੀ ਅਹਿਮਦ ਨੂੰ ਸਮਝਾਉਂਦੇ ਵੀ ਦਿਖਾਈ ਦਿੱਤੇ।
