Seema bisla has qualified : ਸੀਮਾ ਬਿਸਲਾ ਟੋਕਿਓ ਓਲੰਪਿਕ ਲਈ ਕੁਆਲੀਫਾਈ ਕਰਨ ਵਾਲੀ ਭਾਰਤ ਦੀ ਚੌਥੀ ਮਹਿਲਾ ਪਹਿਲਵਾਨ ਬਣ ਗਈ ਹੈ, ਜਿਸ ਨੇ ਵਿਸ਼ਵ ਓਲੰਪਿਕ ਕੁਆਲੀਫਾਇਰ ਦੇ 50 ਕਿੱਲੋਗ੍ਰਾਮ ਵਰਗ ਦੇ ਫਾਈਨਲ ਵਿੱਚ ਜਗ੍ਹਾ ਬਣਾਈ ਹੈ, ਜਦਕਿ ਸੁਮਿਤ ਮਲਿਕ ਨੂੰ ਗੋਡੇ ਦੀ ਸੱਟ ਕਾਰਨ ਫਾਈਨਲ ਤੋਂ ਪਿੱਛੇ ਹੱਟਣਾ ਪਿਆ ਅਤੇ ਸਿਲਵਰ ਮੈਡਲ ਨਾਲ ਸੰਤੁਸ਼ਟ ਰਹਿਣਾ ਪਿਆ। ਸੀਮਾ ਨੇ ਯੂਰਪੀਅਨ ਚੈਂਪੀਅਨਸ਼ਿਪ ਦੀ ਕਾਂਸੀ ਦਾ ਤਗਮਾ ਜੇਤੂ ਪੋਲੈਂਡ ਦੀ ਅੰਨਾ ਲੁਕਾਸਿਆਕ ਨੂੰ 2-1 ਨਾਲ ਹਰਾ ਕੇ ਫਾਈਨਲ ਵਿੱਚ ਥਾਂ ਬਣਾਈ ਹੈ। ਹੁਣ ਉਹ Ecuador ਦੀ ਲੂਸਿਆ ਯਾਮੀਲੇਥ ਯੇਪੇਜ ਗੁਜਮੈਨ ਨਾਲ ਖੇਡੇਗੀ।
![Seema bisla has qualified](https://dailypost.in/wp-content/uploads/2021/05/WRESTLERSUMIT4522jpg.jpg)
ਇਸ ਤੋਂ ਪਹਿਲਾ ਭਾਰਤ ਦੇ ਵਿਨੇਸ਼ (53 ਕਿਲੋ), ਅੰਸ਼ੂ ਮਲਿਕ (57 ਕਿਲੋ) ਅਤੇ ਸੋਨਮ ਮਲਿਕ (62 ਕਿਲੋ) ਨੇ ਓਲੰਪਿਕ ਲਈ ਕੁਆਲੀਫਾਈ ਕੀਤਾ ਹੈ। ਇਸ ਤੋਂ ਪਹਿਲਾਂ, ਸੀਮਾ, ਜਿਸ ਨੇ ਹਾਲ ਹੀ ਵਿੱਚ ਅਲਮਾਟੀ ਵਿੱਚ ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ, ਨੇ ਬੇਲਾਰੂਸ 8 ਦੀ ਅਨਾਸਤਾਸੀਆ ਯਾਨੋਤੋਵਾ ਨੂੰ 8.0 ਨਾਲ ਹਰਾਇਆ ਸੀ। ਉਸਨੇ ਸਵੀਡਨ ਦੀ ਏਮਾ ਜੋਨਾ ਡੇਨਾਇਸ ਨੂੰ 43 ਸੈਕਿੰਡ ਰਹਿੰਦਿਆਂ ਮਾਤ ਦਿੱਤੀ ਸੀ।