ਬਠਿੰਡਾ : ਬੀਤੇ ਦਿਨੀਂ ਦੁਪਹਿਰ ਇੱਕ ਵਜੇ ਦੇ ਲਗਭਗ ਪਿੰਡ ਲਹਿਰਾ ਮੁਹੱਬਤ ਮਾਰਕੀਟ ਦੇ ਨੇੜੇ ਇੱਕ ਛੋਟੇ ਹਾਥੀ ਦੇ ਟਾਇਰ ਦੇ ਫਟਣ ਤੋਂ ਬਾਅਦ ਪੈਸੇਂਜਰ ਸੀਟ ‘ਤੇ ਬੈਠੇ ਹਰਦੀਪ ਸਿੰਘ ਦੇ ਸੀਨੇ ਵਿਚ ਸੜਕ ਦੇ ਕਿਨਾਰੇ ਲੱਗਾ ਲੋਹੇ ਦਾ ਲਗਭਗ 6 ਫੁੱਟ ਲੰਮਾ ਐਂਗਲ ਆਰ-ਪਾਰ ਹੋ ਗਿਆ। ਮੌਕੇ ‘ਤੇ ਜਾ ਰਹੇ ਲੋਕ ਇਹ ਸਭ ਦੇਖ ਕੇ ਡਰ ਗਏ ਸਨ, ਪਰ ਉੱਥੋਂ ਲੰਘ ਰਹੇ ਇਕ ਕਾਰ ਸਵਾਰ ਹਰਦੀਪ ਨੂੰ ਆਦੇਸ਼ ਹਸਪਤਾਲ ਪਹੁੰਚਾਇਆ।
ਹੈਰਾਨੀ ਦੀ ਗੱਲ ਇਹ ਸੀ ਕਿ ਹਾਦਸੇ ਵੇਲੇ ਉਸ ਦੀ ਮਦਦ ਕਰਨ ਵਾਲੇ ਲੋਕਾਂ ਦੇ ਵੀ ਰੌਂਗਟੇ ਖੜ੍ਹੇ ਹੋ ਰਹੇ ਸਨ ਜਦਕਿ ਹਰਦੀਪ ਸਿੰਘ ਦੇ ਚਿਹਰੇ ਨੂੰ ਵੇਖ ਕੇ ਲੱਗ ਹੀ ਨਹੀਂ ਰਿਹਾ ਸੀ ਕਿ ਉਸ ਨਾਲ ਇੰਨਾ ਵੱਡਾ ਹਾਦਸਾ ਹੋਇਆ ਹੈ।
ਬਿਨਾਂ ਦੇਰੀ ਕੀਤੇ ਡਾਕਟਰਾਂ ਦੀ ਟੀਮ ਹਰਦੀਪ ਨੂੰ ਓਟੀ ਲੈ ਗਈ ਅਤੇ 15 ਸਿਹਤ ਸਟਾਫ ਦੀ ਟੀਮ ਨੇ 6 ਸਰਜਨਾਂ ਸਮੇਤ ਤੁਰੰਤ ਆਪਰੇਸ਼ਨ ਦੀ ਤਿਆਰੀ ਕੀਤੀ ਅਤੇ ਐਂਗਲ ਕੱਟਣ ਤੋਂ ਬਾਅਦ ਆਪਰੇਸ਼ਨ ਲਗਾਤਾਰ 5 ਘੰਟੇ ਚੱਲਦਾ ਰਿਹਾ। ਹੁਣ ਹਰਦੀਪ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ।
ਹਰਦੀਪ ਦੀ ਛਾਤੀ ਦੇ ਆਰ-ਪਾਰ ਹੋਣ ਵਾਲੇ ਐਂਗਲ ਨੂੰ ਹਟਾਉਣਾ ਕਿਸੇ ਮਿਸ਼ਨ ਤੋਂ ਘੱਟ ਨਹੀਂ ਸੀ। ਐਂਗਲ ਪਹਿਲਾਂ ਕਟਰ ਨਾਲ ਕੱਟਿਆ ਗਿਆ ਸੀ। ਇਸ ਤੋਂ ਬਾਅਦ, ਛਾਤੀ ਦੇ ਐਂਗਲ ਨੂੰ ਬਾਹਰ ਕੱਢਣਾ ਵੱਡੀ ਚੁਣੌਤੀ ਸੀ, ਜਿਸ ਵਿਚ ਬਹੁਤ ਸਾਰਾ ਖੂਨ ਵਗ ਗਿਆ ਸੀ ਅਤੇ ਇਸਨੂੰ ਰੋਕਣਾ ਸਰਜਨ ਦੀ ਟੀਮ ਲਈ ਇੱਕ ਵੱਡੀ ਚੁਣੌਤੀ ਸੀ। ਸਰਜਨ ਡਾ: ਸੰਦੀਪ ਢੰਡ ਅਨੁਸਾਰ, ਐਂਗਲ ਲੰਮਾ ਸੀ ਇਸ ਲਈ ਐਕਸ-ਰੇ ਸੰਭਵ ਨਹੀਂ ਸੀ। ਐਂਗਲ ਕੱਟਣ ਤੋਂ ਬਾਅਦ ਸੀਟੀ ਸਕੈਨ ਕੀਤਾ ਗਿਆ ਜਿਸ ਵਿੱਚ ਰੀਬ ਅਤੇ ਕੇਪੁਲਾ ਬਰੇਕ ਮਿਲੇ । ਇਸ ਤੋਂ ਬਾਅਦ, ਬੇਹੋਸ਼ ਕਰਕੇ ਪੰਜ ਘੰਟਿਆਂ ਲਈ ਖੂਨ ਦੇ ਲੀਕੇਜ ਨੂੰ ਰੋਕਣ ਦੇ ਨਾਲ -ਨਾਲ ਟੁੱਟੇ ਹੋਏ ਅੰਗਾਂ ਨੂੰ ਸਾਂਭਣਾ ਇੱਕ ਵੱਡੀ ਚੁਣੌਤੀ ਸੀ।
ਡਾਕਟਰਾਂ ਦਾ ਕਹਿਣਾ ਸੀ ਕਿ ਕੁਝ ਵੀ ਹੋ ਸਕਦਾ ਸੀ। ਕਿਉਂਕਿ ਰਾਡ ਦਿਲ ਤੋਂ ਸਿਰਫ ਅੱਧਾ ਸੈਮੀ. ਦੂਰੀ ‘ਤੇ ਸੀ। ਜ਼ਰਾ ਵੀ ਹਾਰਟ ਨੂੰ ਕੁਝ ਹੋ ਜਾਂਦਾ ਤਾਂ ਵੱਡੀ ਪ੍ਰਾਬਲਮ ਹੋ ਸਕਦੀ ਸੀ। ਸਰਜਨ ਟੀਮ ਵਿੱਚ ਮਾਹਰ ਡਾਕਟਰਾਂ ਸਣੇ 15 ਲੋਕ ਮੌਜੂਦ ਸਨ।
ਇਹ ਵੀ ਪੜ੍ਹੋ : PAK ਦੀ ਇੱਕ ਹੋਰ ਨਾਪਾਕ ਹਰਕਤ : ਸੁਜਾਨਪੁਰ ‘ਚ ਮਿਲਿਆ ਪਾਕਿਸਤਾਨੀ ਗੁਬਾਰਾ, ਫੈਲੀ ਦਹਿਸ਼ਤ
ਸਰਜਰੀ ਹੋਣ ਤਕ ਹਰਦੀਪ ਵਾਹਿਗੁਰੂ ਦਾ ਜਾਪ ਕਰਦਾ ਰਿਹਾ। ਉਸਨੇ ਕਿਹਾ ਕਿ ਜੇ ਉਸਨੇ ਜੀਵਨ ਵਿੱਚ ਕਿਸੇ ਨਾਲ ਬੁਰਾ ਨਹੀਂ ਕੀਤਾ, ਤਾਂ ਵਾਹਿਗੁਰੂ ਉਸਦਾ ਵੀ ਬੁਰਾ ਨਹੀਂ ਕਰੇਗਾ। ਡਾਕਟਰ ਹਰਦੀਪ ਦੀ ਜੋਸ਼ ਦੇਖ ਕੇ ਹੈਰਾਨ ਰਹਿ ਗਏ। ਇਸ ਦੇ ਬਾਵਜੂਦ ਉਸ ਨੂੰ ਕੋਈ ਦਰਦ ਮਹਿਸੂਸ ਨਹੀਂ ਹੋਇਆ।
