ਅਪ੍ਰੈਲ ਮਹੀਨੇ ਵਿੱਚ ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਲੂ ਵਰਗੇ ਹਾਲਾਤ ਬਣ ਗਏ ਹਨ। ਕਹਿਰ ਦੀ ਗਰਮੀ ਕਾਰਨ ਲੋਕਾਂ ਦਾ ਬੁਰਾ ਹਾਲ ਹੈ। ਹਾਲਾਂਕਿ ਭਾਰਤ ਮੌਸਮ ਵਿਭਾਗ (IMD) ਨੇ ਰਾਹਤ ਦੀ ਖਬਰ ਦਿੱਤੀ ਹੈ। ਮੌਸਮ ਵਿਗਿਆਨੀਆਂ ਮੁਤਾਬਕ ਪਿਛਲੇ ਸਾਲ ਨਾਲੋਂ ਇਸ ਸਾਲ ਜ਼ਿਆਦਾ ਮੀਂਹ ਪੈ ਸਕਦਾ ਹੈ। ਅਜਿਹਾ ਇਸ ਲਈ ਹੈ ਕਿਉਂਕਿ ਅਲ ਨੀਨੋ ਦੇ ਪ੍ਰਭਾਵ ਦਾ ਪੱਧਰ ਘੱਟ ਰਿਹਾ ਹੈ। ਇਹ ਮਾਨਸੂਨ ਲਈ ਬਿਹਤਰ ਮਾਹੌਲ ਦਾ ਸੰਕੇਤ ਦੇ ਰਿਹਾ ਹੈ।
ਭਾਰਤੀ ਮੌਸਮ ਵਿਭਾਗ ਦੇ ਡਾਇਰੈਕਟਰ ਜਨਰਲ ਮ੍ਰਿਤੁੰਜੇ ਮਹਾਪਾਤਰਾ ਨੇ ਇਹ ਜਾਣਕਾਰੀ ਦਿੱਤੀ। ਕੇਂਦਰੀ ਪ੍ਰਸ਼ਾਂਤ ਮਹਾਸਾਗਰ ਦੇ ਤਪਸ਼ ਦਾ ਜ਼ਿਕਰ ਕਰਦਿਆਂ ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਇਹ ਸੰਕੇਤ ਮਿਲੇ ਹਨ ਕਿ ਅਲ ਨੀਨੋ ਘੱਟ ਰਿਹਾ ਹੈ। ਜੂਨ ਦੀ ਸ਼ੁਰੂਆਤ ਤੱਕ ਪ੍ਰਭਾਵ ਘੱਟ ਜਾਵੇਗਾ, ਜਿਸ ਤੋਂ ਬਾਅਦ ਨਿਰਪੱਖ ਹਾਲਾਤ ਬਣ ਸਕਦੇ ਹਨ। ਇਹ ਮੌਸਮੀ ਵਰਤਾਰਾ ਦੱਖਣ-ਪੱਛਮੀ ਮਾਨਸੂਨ ਲਈ ਅਨੁਕੂਲ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਦੱਖਣ-ਪੱਛਮੀ ਮਾਨਸੂਨ ਭਾਰਤ ਦੇ ਖੇਤੀਬਾੜੀ ਸੈਕਟਰ ਲਈ ਮਹੱਤਵਪੂਰਨ ਹੈ। ਇਹ ਦੇਸ਼ ਵਿੱਚ ਸਾਲਾਨਾ ਵਰਖਾ ਦਾ ਲਗਭਗ 70 ਫੀਸਦੀ ਕਵਰ ਕਰਦਾ ਹੈ। ਦੇਸ਼ ਵਿੱਚ ਖੇਤੀਬਾੜੀ ਖੇਤਰ ਜੀਡੀਪੀ ਵਿੱਚ ਲਗਭਗ 14 ਪ੍ਰਤੀਸ਼ਤ ਯੋਗਦਾਨ ਪਾਉਂਦਾ ਹੈ ਅਤੇ ਲਗਭਗ 1.4 ਬਿਲੀਅਨ ਆਬਾਦੀ ਦੇ ਅੱਧੇ ਤੋਂ ਵੱਧ ਨੂੰ ਰੁਜ਼ਗਾਰ ਦਿੰਦਾ ਹੈ। ਮੀਂਹ ਦੀ ਇਸ ਕਮੀ ਦਾ ਦੇਸ਼ ਦੀ ਆਰਥਿਕਤਾ ‘ਤੇ ਵੱਡਾ ਅਸਰ ਪੈਂਦਾ ਹੈ।
ਆਈਐਮਡੀ ਦੇ ਮੁਖੀ ਮਹਾਪਾਤਰਾ ਨੇ ਕਿਹਾ ਕਿ ਇਸ ਸਾਲ ਜੁਲਾਈ ਤੋਂ ਸਤੰਬਰ ਦਰਮਿਆਨ ਲਾ-ਨੀਨਾ ਹਾਲਾਤ ਦੇਖੇ ਜਾ ਰਹੇ ਹਨ, ਜੋ ਕੇਂਦਰੀ ਪ੍ਰਸ਼ਾਂਤ ਮਹਾਸਾਗਰ ਦੇ ਠੰਢੇ ਹੋਣ ਵਿੱਚ ਯੋਗਦਾਨ ਪਾ ਰਿਹਾ ਹੈ। ਲਾ ਨੀਨਾ ਭਾਰਤੀ ਮਾਨਸੂਨ ਲਈ ਚੰਗਾ ਹੈ ਅਤੇ ਇਸ ਵਾਰ ਨਿਰਪੱਖ ਸਥਿਤੀਆਂ ਚੰਗੀਆਂ ਹਨ। ਪਿਛਲੇ ਸਾਲ ਅਲ ਨੀਨੋ ਕਾਰਨ ਭਾਰਤੀ ਮਾਨਸੂਨ ਦਾ 60 ਫੀਸਦੀ ਖੇਤਰ ਨਕਾਰਾਤਮਕ ਤੌਰ ‘ਤੇ ਪ੍ਰਭਾਵਿਤ ਹੋਇਆ ਸੀ ਪਰ ਇਸ ਸਾਲ ਇਹ ਸਥਿਤੀ ਦੇਖਣ ਨੂੰ ਨਹੀਂ ਮਿਲੇਗੀ। ਯੂਰੇਸ਼ੀਆ ਵਿੱਚ ਵੀ ਇਸ ਸਾਲ ਬਰਫ ਦੀ ਚਾਦਰ ਘੱਟ ਹੈ, ਜੋ ਕਿ ਮਾਨਸੂਨ ਲਈ ਕਾਫੀ ਹੱਦ ਤੱਕ ਅਨੁਕੂਲ ਹੈ।
ਇਹ ਵੀ ਪੜ੍ਹੋ : ਸਮਰਾਲਾ ‘ਚ ਦਰ.ਦਨਾਕ ਸੜਕ ਹਾਦਸਾ, ACP ਦੀ ਗੰਨਮੈਨ ਸਣੇ ਹੋਈ ਮੌ.ਤ, ਡਰਾਈਵਰ ਬੁਰੀ ਤਰ੍ਹਾਂ ਜ਼ਖਮੀ
ਰਿਪੋਰਟ ਮੁਤਾਬਕ ਭਾਰਤ ਵਿੱਚ 2023 ਦੇ ਮਾਨਸੂਨ ਸੀਜ਼ਨ ਵਿੱਚ 868.6 ਮਿਲੀਮੀਟਰ ਦੀ ਔਸਤ ਵਰਖਾ ਦੇ ਮੁਕਾਬਲੇ 820 ਮਿਲੀਮੀਟਰ ਘੱਟ ਮੀਂਹ ਦਰਜ ਕੀਤਾ ਗਿਆ ਸੀ। ਮੌਸਮ ਵਿਭਾਗ ਨੇ ਇਸ ਦਾ ਕਾਰਨ ਮਜ਼ਬੂਤ ਅਲ ਨੀਨੋ ਦੱਸਿਆ ਹੈ। ਇਸ ਮਹੀਨੇ ਦੇ ਅਖੀਰ ਵਿੱਚ ਆਈਐਮਡੀ ਦੱਖਣ-ਪੱਛਮੀ ਮਾਨਸੂਨ ਦੀ ਭਵਿੱਖਬਾਣੀ ਜਾਰੀ ਕਰੇਗਾ, ਜੋ ਇੱਕ ਨਵੇਂ ਸੰਕੇਤ ਬਾਰੇ ਜਾਣਕਾਰੀ ਪ੍ਰਦਾਨ ਕਰ ਸਕਦਾ ਹੈ।
ਭਵਿੱਖਬਾਣੀ ਤਿੰਨ ਘਟਨਾਵਾਂ ‘ਤੇ ਆਧਾਰਿਤ ਹੈ
– ਅਲ ਨੀਨੋ ਹਾਲਾਤ
– ਹਿੰਦ ਮਹਾਸਾਗਰ ਡੋਪੋਲ ਵਿੱਚ ਤਾਪਮਾਨ
– ਉੱਤਰੀ ਹਿਮਾਲਿਆ ਅਤੇ ਯੂਰੇਸੀਆਈ ਲੈਂਡਮਾਸ ‘ਤੇ ਬਰਫ ਦੀ ਚਾਦਰ
ਵੀਡੀਓ ਲਈ ਕਲਿੱਕ ਕਰੋ -:
