ਲੋਕ ਆਮ ਤੌਰ ‘ਤੇ ਚੈਟਿੰਗ ਲਈ WhatsApp ਪਲੇਟਫਾਰਮ ਦੀ ਵਰਤੋਂ ਕਰਦੇ ਹਨ। ਮੈਟਾ ਦੇ ਤਹਿਤ ਆਉਣ ਵਾਲਾ ਵ੍ਹਾਟਸਐਪ ਲੋਕਾਂ ਦੀ ਜ਼ਿੰਦਗੀ ਨਾਲ ਕਾਫੀ ਜੁੜ ਗਿਆ ਹੈ। ਅਜਿਹੇ ‘ਚ ਜਦੋਂ ਵੀ ਕੋਈ ਨਵਾਂ ਅਪਡੇਟ ਜਾਂ ਫੀਚਰ ਆਉਂਦਾ ਹੈ ਤਾਂ ਯੂਜ਼ਰਸ ਕਾਫੀ ਉਤਸ਼ਾਹਿਤ ਹੋ ਜਾਂਦੇ ਹਨ। ਸੋਸ਼ਲ ਮੀਡੀਆ ਪਲੇਟਫਾਰਮ WhatsApp ਨੇ ਹਾਲ ਹੀ ਵਿੱਚ ਲੋਕਾਂ ਨੂੰ ਇੱਕ ਖੁਸ਼ਖਬਰੀ ਦਿੱਤੀ ਹੈ। ਦਰਅਸਲ ਮੈਟਾ ਨੇ ਨਵੀਂ AI ਪਾਵਰਡ ਫੀਚਰ ਦਾ ਪ੍ਰਦਰਸ਼ਨ ਕੀਤਾ ਹੈ। ਇਸ ਤਹਿਤ ਹੁਣ ਵ੍ਹਾਟਸਐਪ ਯੂਜ਼ਰਸ ਨੂੰ Meta AI ਫੀਚਰ ਦਾ ਫਾਇਦਾ ਮਿਲੇਗਾ। ਹਾਲਾਂਕਿ, ਫਿਲਹਾਲ ਇਹ ਸਹੂਲਤ ਸਿਰਫ ਕੁਝ ਯੂਜ਼ਰਸ ਤੱਕ ਸੀਮਤ ਹੈ।
ਇਸ AI ਮਾਡਲ ਨਾਲ ਗੱਲਬਾਤ ਕਰਦੇ ਸਮੇਂ ਅਜਿਹਾ ਲੱਗੇਗਾ ਜਿਵੇਂ ਤੁਸੀਂ ਕਿਸੇ ਹੋਰ ਵਿਅਕਤੀ ਨਾਲ ਆਮ ਗੱਲਬਾਤ ਕਰ ਰਹੇ ਹੋ। ਤੁਹਾਨੂੰ ਦੱਸ ਦੇਈਏ ਕਿ ਇਸਦਾ ਕਸਟਮ ਮਾਡਲ ਲੀਮਾ-2 ਇੱਕ ਜਨਰੇਟਿਵ ਟੈਕਸਟ ਮਾਡਲ ਹੈ। ਇਸ ਤੋਂ ਇਲਾਵਾ, ਮੈਟਾ ਦਾ ਵਿਸ਼ਾਲ ਭਾਸ਼ਾ ਮਾਡਲ ਬਿਨਾਂ ਕਿਸੇ ਰੁਕਾਵਟ ਦੇ ਆਮ ਚੈਟ ਅਨੁਭਵ ਨੂੰ ਵਧਾਏਗਾ। ਮੈਟਾ ਨੇ ਮਾਈਕ੍ਰੋਸਾਫਟ ਬਿੰਗ ਨਾਲ ਰਣਨੀਤਕ ਸਾਝੇਦਾਰੀ ਕੀਤੀ ਹੈ, ਤਾਂਕਿ ਟੈਕਸਟ ਆਧਾਰਤ ਗੱਲਬਾਤ ਨੂੰ ਮੁੜ ਤੋਂ ਰੀਅਲ ਟਾਈਮ ਜਾਣਕਾਰੀ ਰਾਹੀਂ ਹਾਸਲ ਕੀਤਾ ਜਾ ਸਕੇ।
WhatsApp ‘ਤੇ ਇੰਝ ਕਰ ਸਕਦੇ ਹੋ Meta AI ਦੀ ਵਰਤੋਂ-
- ਵ੍ਹਾਟਸਐਪ ‘ਤੇ ਮੈਟਾ ਏਆਈ ਫੀਚਰ ਦਾ ਫਾਇਦਾ ਫਿਲਹਾਲ ਕੁਝ ਹੀ ਯੂਜ਼ਰਸ ਤੱਕ ਪਹੁੰਚਿਆ ਹੈ। ਖਬਰਾਂ ‘ਚ ਦੱਸਿਆ ਜਾ ਰਿਹਾ ਹੈ ਕਿ Meta AI ਫੀਚਰ ਨੂੰ ਬੀਟਾ ਵਰਜ਼ਨ ‘ਚ ਲਾਂਚ ਕੀਤਾ ਗਿਆ ਹੈ। ਤੁਸੀਂ ਇਸ ਵਿਸ਼ੇਸ਼ਤਾ ਦੀ ਵਰਤੋਂ ਅੰਗਰੇਜ਼ੀ ਭਾਸ਼ਾ ਰਾਹੀਂ ਕਰ ਸਕਦੇ ਹੋ।
- ਇਸ ਨੂੰ ਵਰਤਣ ਲਈ ਤੁਹਾਨੂੰ ਇਸ ਦੇ ਆਈਕਨ ‘ਤੇ ਕਲਿੱਕ ਕਰਨਾ ਹੋਵੇਗਾ।
- ਇਸ ਤੋਂ ਬਾਅਦ ਇੱਕ ਨਵੀਂ ਵਿੰਡੋ ਖੁੱਲੇਗੀ।
- ਇਸ ਤੋਂ ਬਾਅਦ ਤੁਹਾਨੂੰ ਸਾਰੀਆਂ ਸ਼ਰਤਾਂ ਮੰਨਣੀਆਂ ਪੈਣਗੀਆਂ।
- ਫਿਰ ਇੱਕ ਟੈਂਪਲੇਟ ਨੂੰ ਚੁਣਨਾ ਹੋਵੇਗਾ, ਜਿਸ ਤੋਂ ਬਾਅਦ ਤੁਸੀਂ ਆਪਣੇ ਸਵਾਲ ਮੈਟਾ ਏਆਈ ਚੈਟਬੋਟ ਨੂੰ ਪੁੱਛ ਸਕਦੇ ਹੋ।
ਇਹ ਵੀ ਪੜ੍ਹੋ : ਲੋਕ ਸਭਾ ਚੋਣਾਂ 2024 : BJP ਥੋੜ੍ਹੀ ਦੇਰ ‘ਚ ਜਾਰੀ ਕਰੇਗੀ ਸੰਕਲਪ ਪੱਤਰ, PM ਮੋਦੀ ਵੀ ਪਹੁੰਚੇ ਦਫ਼ਤਰ
ਫੋਟੋ ਜਨਰੇਸ਼ਨ ਟੂਲ ਬਾਰੇ ਜਾਣਕਾਰੀ
ਮੈਟਾ ਏਆਈ ਟੂਲ ਦੀ ਸਭ ਤੋਂ ਵਿਲੱਖਣ ਵਿਸ਼ੇਸ਼ਤਾ ਇਹ ਹੈ ਕਿ ਫੋਟੋ ਜਨਰੇਸ਼ਨ ਟੂਲ ਦੇ ਜ਼ਰੀਏ, ਟੈਕਸਟ ਪ੍ਰੋਂਪਟ ਦੇ ਜ਼ਰੀਏ ਕੁਝ ਪਲਾਂ ਵਿੱਚ ਫੋਟੋ ਜਨਰੇਟ ਹੋ ਜਾਵੇਗੀ। ਤੁਸੀਂ ਆਪਣੀ ਪਸੰਦ ਮੁਤਾਬਕ ਟੈਕਸਟ ਪ੍ਰੋਂਪਟ ਵੀ ਚੁਣ ਸਕਦੇ ਹੋ। ਮੈਟਾ ਦਾ ਇਹ ਫੀਚਰ ਚੈਟ ਗਰੁੱਪਾਂ ‘ਚ ਵੀ ਕੰਮ ਕਰਦਾ ਹੈ। ਫਿਲਹਾਲ ਕੰਪਨੀ ਨੇ ਇਹ ਸਹੂਲਤ ਸਿਰਫ ਅਮਰੀਕਾ ਤੱਕ ਹੀ ਸੀਮਤ ਕਰ ਦਿੱਤੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
