Twitter ਲਈ ਐਲੋਨ ਮਸਕ ਬਣਾ ਰਹੇ ਨਵਾਂ ਪਲਾਨ, ਜਲਦ ਹੀ ਹੋਵੇਗਾ 3 ਤਰ੍ਹਾਂ ਦੇ ਸਬਸਕ੍ਰਿਪਸ਼ਨ ਲੈਣ ਦਾ ਵਿਕਲਪ

ਟਵਿੱਟਰ ਸੀਈਓ ਲਿੰਡਾ ਯਾਕਾਰਿਨੋ ਨੇ ਕਿਹਾ ਕਿ X 3 ਟਾਇਰਡ ਸਬਸਕ੍ਰਿਪਸ਼ਨ ਪਲਾਨ ਬਣਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਉਨ੍ਹਾਂ ਇਹ ਗੱਲ ਬੈਂਕਰਾਂ ਨਾਲ ਮੀਟਿੰਗ ਦੌਰਾਨ ਕਹੀ। ਫਿਲਹਾਲ ਕੰਪਨੀ ਐਕਸ ਪ੍ਰੀਮੀਅਮ ਲਈ 900 ਰੁਪਏ ਚਾਰਜ ਕਰਦੀ ਹੈ। ਆਉਣ ਵਾਲੇ ਸਮੇਂ ‘ਚ ਕੰਪਨੀ ਇਸ ਪਲਾਨ ਨੂੰ 3 ਹਿੱਸਿਆਂ ‘ਚ ਵੰਡੇਗੀ ਜਿਸ ‘ਚ ਬੇਸਿਕ, ਸਟੈਂਡਰਡ ਅਤੇ ਪਲੱਸ ਸ਼ਾਮਲ ਹੋਣਗੇ।

ਇੱਕ ਰਿਪੋਰਟ ਦੇ ਅਨੁਸਾਰ, ਨਵਾਂ 3 ਟਾਇਰਡ ਸਬਸਕ੍ਰਿਪਸ਼ਨ ਪਲਾਨ ਸੋਸ਼ਲ ਮੀਡੀਆ ਦਿੱਗਜ ਨੂੰ ਉਹਨਾਂ ਉਪਭੋਗਤਾਵਾਂ ਤੋਂ ਵੀ ਮਾਲੀਆ ਪੈਦਾ ਕਰਨ ਵਿੱਚ ਮਦਦ ਕਰੇਗਾ ਜੋ ਇਸ ਸਮੇਂ ਮਹਿੰਗੇ ਪਲਾਨ ਨਹੀਂ ਲੈ ਰਹੇ ਹਨ।  ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਸਮਾਂ ਪਹਿਲਾਂ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੇਂਜਾਮਿਨ ਨੇਤਨਯਾਹੂ ਨਾਲ ਗੱਲਬਾਤ ਦੌਰਾਨ ਐਲੋਨ ਮਸਕ ਨੇ ਸੰਕੇਤ ਦਿੱਤਾ ਸੀ ਕਿ ਬੋਟਸ ਦੀ ਸਮੱਸਿਆ ਨੂੰ ਖਤਮ ਕਰਨ ਲਈ X ਸਾਰੇ ਉਪਭੋਗਤਾਵਾਂ ਤੋਂ ਮਾਸਿਕ ਭੁਗਤਾਨ ਲੈਣਾ ਸ਼ੁਰੂ ਕਰ ਸਕਦਾ ਹੈ। ਮਤਲਬ ਕਿ ਟਵਿਟਰ ਲੌਗਇਨ ਲਈ ਹਰ ਕਿਸੇ ਨੂੰ ਕੁਝ ਰਕਮ ਅਦਾ ਕਰਨੀ ਪਵੇਗੀ। ਹੁਣ ਨਵੀਂ ਅਪਡੇਟ ਤੋਂ ਬਾਅਦ ਅਜਿਹਾ ਹੋ ਸਕਦਾ ਹੈ ਕਿ ਕੰਪਨੀ ਦਾ ਬੇਸਿਕ ਪਲਾਨ ਇਸ ਲਈ ਹੀ ਹੋ ਸਕਦਾ ਹੈ।

X Premium will be broken up into 3 tiers:

Premium Basic – Full Ads
Premium Standard – Half Ads
Premium Plus – No Ads pic.twitter.com/I0CyaQf2ME

— Aaron (@aaronp613) October 5, 2023

ਕੁਝ ਸਮਾਂ ਪਹਿਲਾਂ ਇੱਕ ਖੋਜਕਰਤਾ ਨੇ X ‘ਤੇ ਨਵੀਨਤਮ ਐਪ ਸੰਸਕਰਣ ਲਈ ਇੱਕ ਨਵੇਂ ਕੋਡ ਦੀ ਜਾਂਚ ਕੀਤੀ ਜਿਸ ਤੋਂ ਪਤਾ ਲੱਗਾ ਕਿ ਉਪਭੋਗਤਾਵਾਂ ਨੂੰ ਦਿਖਾਏ ਗਏ ਵਿਗਿਆਪਨਾਂ ਦੀ ਗਿਣਤੀ ਦੇ ਆਧਾਰ ‘ਤੇ 3 ਟਾਇਰਡ ਗਾਹਕੀ ਯੋਜਨਾਵਾਂ ਨੂੰ ਵੱਖ ਕੀਤਾ ਜਾ ਸਕਦਾ ਹੈ। ਖੋਜਕਰਤਾ, @Aaronp613 ਹੈਂਡਲ ਨੇ ਨੋਟ ਕੀਤਾ ਕਿ X ਪ੍ਰੀਮੀਅਮ ਬੇਸਿਕ ਪਲਾਨ ਪੂਰੇ ਵਿਗਿਆਪਨ ਦਿਖਾਏਗਾ ਜਦੋਂ ਕਿ X ਪ੍ਰੀਮੀਅਮ ਸਟੈਂਡਰਡ ਇਸ਼ਤਿਹਾਰਾਂ ਦੀ ਅੱਧੀ ਸੰਖਿਆ ਦਿਖਾਏਗਾ ਅਤੇ X ਪ੍ਰੀਮੀਅਮ ਪਲਾਨ ਕੋਈ ਵਿਗਿਆਪਨ ਨਹੀਂ ਦਿਖਾਏਗਾ। ਇਸ ਦਾ ਮਤਲਬ ਹੈ ਕਿ ਕੰਪਨੀ ਘੱਟ ਪੈਸੇ ਦੇਣ ਵਾਲਿਆਂ ਨੂੰ ਵੱਧ ਤੋਂ ਵੱਧ ਇਸ਼ਤਿਹਾਰ ਦਿਖਾਏਗੀ।