ਵ੍ਹਾਟਸਐਪ ਯੂਜ਼ਰਸ ਹੁਣ ਲੰਬੇ ਵੁਆਇਸ ਮੈਸੇਜ ਭੇਜ ਸਕਣਗੇ। ਮੇਟਾ ਨੇ ਇਸ ਨਵੇਂ ਫੀਚਰ ਨੂੰ ਆਪਣੇ ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਲਈ ਜਾਰੀ ਕੀਤਾ ਹੈ। ਇਹ ਫੀਚਰ ਐਂਡ੍ਰਾਇਡ ਅਤੇ iOS ਦੋਵਾਂ ਯੂਜ਼ਰਸ ਲਈ ਜਾਰੀ ਕੀਤਾ ਗਿਆ ਹੈ। ਯੂਜ਼ਰਸ ਹੁਣ ਆਪਣੇ ਸਟੇਟਸ ‘ਚ 1 ਮਿੰਟ ਲੰਬੇ ਵੁਆਇਸ ਮੈਸੇਜ ਐਡ ਕਰ ਸਕਣਗੇ। ਇਸ ਤੋਂ ਇਲਾਵਾ ਵ੍ਹਾਸਐਪ ਕਈ ਹੋਰ ਨਵੇਂ ਫੀਚਰਸ ‘ਤੇ ਵੀ ਕੰਮ ਕਰ ਰਿਹਾ ਹੈ, ਜੋ ਫਿਲਹਾਲ ਬੀਟਾ ਵਰਜ਼ਨ ‘ਚ ਲਿਆਂਦੇ ਗਏ ਹਨ।
ਯੂਜ਼ਰਸ ਦਾ ਟੈਨਸ਼ਨ ਖਤਮ ਹੋ ਗਿਆ ਹੈ
ਵ੍ਹਾਟਸਐਪ ਦੇ ਇਸ ਨਵੇਂ ਫੀਚਰ ਨਾਲ ਯੂਜ਼ਰਸ ਦਾ ਕਾਫੀ ਟੈਨਸ਼ਨ ਖਤਮ ਹੋ ਗਿਆ ਹੈ। ਹੁਣ ਉਹ ਲੰਬੇ ਵੁਆਇਸ ਮੈਸੇਜ ਨੂੰ ਇੱਕ ਵਾਰ ਵਿੱਚ ਸਟੇਟਸ ਵਿੱਚ ਪਾ ਸਕਦੇ ਹਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੂੰ ਵੁਆਇਸ ਮੈਸੇਜ ਸਟੇਟਸ ਵਿੱਚ ਸਿਰਫ਼ 30 ਸਕਿੰਟ ਪਾਉਣ ਦੀ ਆਜ਼ਾਦੀ ਸੀ, ਜਿਸ ਕਾਰਨ ਉਨ੍ਹਾਂ ਨੂੰ ਦੋ ਹਿੱਸਿਆਂ ਵਿੱਚ ਵੁਆਇਸ ਮੈਸੇਜ ਭੇਜਣੇ ਪੈਂਦੇ ਸਨ। ਇਹ ਫੀਚਰ ਪੜਾਅਵਾਰ ਜਾਰੀ ਕੀਤਾ ਗਿਆ ਹੈ। ਅਜਿਹੀ ਸਥਿਤੀ ਵਿੱਚ ਜੇ ਤੁਹਾਨੂੰ ਆਪਣੇ WhatsApp ਵਿੱਚ ਸਟੇਟਸ ਵਿੱਚ 1 ਮਿੰਟ ਲੰਬੇ ਵੁਆਇਸ ਮੈਸੇਜ ਨੂੰ ਸ਼ੇਅਰ ਕਰਨ ਦਾ ਵਿਕਲਪ ਨਹੀਂ ਮਿਲ ਰਿਹਾ ਹੈ, ਤਾਂ ਆਪਣੇ ਐਪ ਨੂੰ ਲੇਟੇਸਟ ਵਰਜ਼ਨ ਵਿੱਚ ਅਪਡੇਟ ਕਰੋ।
ਇਹ ਵੀ ਪੜ੍ਹੋ : ਅਯੁੱਧਿਆ ਰਾਮ ਮੰਦਰ ਜਾਣ ਦੇ ਚਾਹਵਾਨ ਸ਼ਰਧਾਲੂਆਂ ਲਈ ਖੁਸ਼ਖਬਰੀ, ICRTC ਨੇ ਲਿਆ ਇਹ ਫੈਸਲਾ
ਵ੍ਹਾਟਸਐਪ ਨੇ ਇਸ ਫੀਚਰ ਨੂੰ ਸਟੈਂਡਰਡ ਅਤੇ ਬਿਜ਼ਨੈੱਸ ਅਕਾਊਂਟ ਯੂਜ਼ਰਸ ਲਈ ਜਾਰੀ ਕੀਤਾ ਹੈ। ਜੇ ਤੁਸੀਂ WhatsApp ਦੇ ਇਸ ਨਵੇਂ ਫੀਚਰ ਦੀ ਕੋਸ਼ਿਸ਼ ਨਹੀਂ ਕੀਤੀ ਹੈ, ਤਾਂ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਤੁਸੀਂ ਇਸ ਦੀ ਵਰਤੋਂ ਕਿਵੇਂ ਕਰ ਸਕਦੇ ਹੋ?
ਇਸ ਨੂੰ ਇਸ ਤਰ੍ਹਾਂ ਵਰਤੋ
- ਸਭ ਤੋਂ ਪਹਿਲਾਂ ਆਪਣੇ ਫੋਨ ‘ਚ WhatsApp ਐਪ ਨੂੰ ਅਪਡੇਟ ਕਰੋ।
- ਇਸ ਤੋਂ ਬਾਅਦ ਐਪ ਨੂੰ ਓਪਨ ਕਰੋ।
- ਫਿਰ ਹੇਠਾਂ ਅੱਪਡੇਟ ਟੈਬ ‘ਤੇ ਜਾਓ।
- ਹੁਣ ਤੁਹਾਨੂੰ ਇੱਥੇ ਪਲੱਸ ਆਈਕਨ ਜਾਂ ਪੈਨਸਿਲ ਆਈਕਨ ‘ਤੇ ਟੈਪ ਕਰਨਾ ਹੋਵੇਗਾ।
- ਇਸ ਤੋਂ ਬਾਅਦ ਤੁਹਾਨੂੰ ਹੇਠਾਂ ਸੱਜੇ ਪਾਸੇ ਇੱਕ ਪੈਨਸਿਲ ਆਈਕਨ ਮਿਲੇਗਾ।
- ਜਿਵੇਂ ਹੀ ਤੁਸੀਂ ਇਸ ‘ਤੇ ਟੈਪ ਕਰਦੇ ਹੋ, ਤੁਹਾਨੂੰ ਆਵਾਜ਼ ਰਿਕਾਰਡ ਕਰਨ ਅਤੇ ਸ਼ੇਅਰ ਕਰਨ ਦਾ ਵਿਕਲਪ ਮਿਲੇਗਾ।
- ਇਸ ਤਰ੍ਹਾਂ ਤੁਸੀਂ ਵ੍ਹਾਟਸਐਪ ਸਟੇਟਸ ‘ਚ 1 ਮਿੰਟ ਦਾ ਵੁਆਇਸ ਮੈਸੇਜ ਸ਼ੇਅਰ ਕਰ ਸਕੋਗੇ।
- ਜੇ ਇਹ ਫੀਚਰ ਅਜੇ ਤੁਹਾਡੇ ਸਮਾਰਟਫੋਨ ‘ਚ ਉਪਲੱਬਧ ਨਹੀਂ ਹੈ ਤਾਂ ਤੁਹਾਨੂੰ ਕੁਝ ਸਮਾਂ ਉਡੀਕ ਕਰਨਾ ਹੋਵੇਗਾ। ਤੁਹਾਨੂੰ ਆਉਣ ਵਾਲੇ ਕੁਝ ਦਿਨਾਂ ਵਿੱਚ ਇਹ ਫੀਚਰ ਮਿਲਣਾ ਸ਼ੁਰੂ ਹੋ ਜਾਵੇਗਾ। ਇਸ ਤੋਂ ਬਾਅਦ ਤੁਸੀਂ ਉੱਪਰ ਦਿੱਤੇ ਸਟੈੱਸ ਨੂੰ ਫਾਲੋ ਕਰਕੇ 1 ਮਿੰਟ ਲੰਬੇ ਵੁਆਇਸ ਮੈਸੇਜ ਨੂੰ ਸਟੇਟਸ ਵਿੱਚ ਸ਼ੇਅਰ ਕਰ ਸਕੋਗੇ।
ਵੀਡੀਓ ਲਈ ਕਲਿੱਕ ਕਰੋ -:
