ਜੇ ਤੁਸੀਂ ਰੋਜ਼ਾਨਾ ਦੀ ਪੇਮੈਂਟ ਲਈ UPI ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਅਪਡੇਟ ਤੁਹਾਡੇ ਲਈ ਬਹੁਤ ਜਰੂਰੀ ਹੈ। ਫਰਵਰੀ 2026 ਤੋਂ, UPI ਸਿਸਟਮ ਨਾਲ ਸਬੰਧਤ ਕਈ ਨਵੇਂ ਨਿਯਮ ਲਾਗੂ ਕੀਤੇ ਜਾ ਰਹੇ ਹਨ, ਜਿਸ ਦਾ ਅਸਰ Google Pay, PhonePe, Paytm, ਅਤੇ BHIM ਵਰਗੀਆਂ ਸਾਰੀਆਂ ਐਪਾਂ ‘ਤੇ ਪਏਗਾ। ਇਹਨਾਂ ਤਬਦੀਲੀਆਂ ਦਾ ਉਦੇਸ਼ ਭੁਗਤਾਨਾਂ ਨੂੰ ਤੇਜ਼, ਸੁਰੱਖਿਅਤ ਅਤੇ ਵਧੇਰੇ ਭਰੋਸੇਮੰਦ ਬਣਾਉਣਾ ਹੈ। ਇਹਨਾਂ ਵਿੱਚ ਟਰਾਂਜੈਕਸ਼ਨ ਦੀ ਸਪੀਡ ਤੋਂ ਲੈ ਕੇ ਸੁਰੱਖਿਆ ਅਤੇ ਯੂਜਰ ਕੰਟਰੋਲ ਤੱਕ ਵੱਡੇ ਸੁਧਾਰ ਸ਼ਾਮਲ ਹਨ।
UPI ਲੈਣ-ਦੇਣ ਹੁਣ 10 ਸਕਿੰਟਾਂ ਵਿੱਚ ਪੂਰਾ ਹੋ ਜਾਵੇਗਾ
ਨਵੇਂ ਨਿਯਮਾਂ ਦੇ ਤਹਿਤ, UPI ਟ੍ਰਾਂਜੈਕਸ਼ਨ ਅਤੇ ਸੰਬੰਧਿਤ API ਰਿਸਪਾਂਸ ਵੱਧ ਤੋਂ ਵੱਧ 10 ਸਕਿੰਟਾਂ ਦੇ ਅੰਦਰ ਪੂਰੇ ਕੀਤੇ ਜਾਣੇ ਚਾਹੀਦੇ ਹਨ। ਪਹਿਲਾਂ ਇਹ ਸਮਾਂ ਸੀਮਾ 30 ਸਕਿੰਟ ਸੀ, ਜਿਸਦੇ ਨਤੀਜੇ ਵਜੋਂ ਅਕਸਰ ਭੁਗਤਾਨ ਵਿੱਚ ਦੇਰੀ ਹੁੰਦੀ ਸੀ। API ਇੱਕ ਡਿਜੀਟਲ ਪੁਲ ਹੈ ਜੋ ਤੁਹਾਡੇ UPI ਐਪ ਅਤੇ ਤੁਹਾਡੇ ਬੈਂਕ ਵਿਚਕਾਰ ਸੰਚਾਰ ਨੂੰ ਸਮਰੱਥ ਬਣਾਉਂਦਾ ਹੈ। ਸਿਸਟਮ ਦੀ ਇਹ ਗਤੀ ਪੀਕ ਟਾਈਮ ਦੌਰਾਨ ਵੀ ਸੁਚਾਰੂ ਭੁਗਤਾਨਾਂ ਨੂੰ ਯਕੀਨੀ ਬਣਾਏਗੀ। ਇਸ ਨਾਲ ਵਪਾਰੀਆਂ ਅਤੇ ਗਾਹਕਾਂ ਦੋਵਾਂ ਨੂੰ ਲਾਭ ਹੋਵੇਗਾ।
ਵਧ ਰਹੇ ਡਿਜੀਟਲ ਪੇਮੈਂਟ ਟ੍ਰੈਫਿਕ ਨੂੰ ਮਿਲੇਗਾ ਸਪੋਰਟ
ਭਾਰਤ ਵਿੱਚ ਡਿਜੀਟਲ ਭੁਗਤਾਨ ਦੀ ਵਰਤੋਂ ਤੇਜ਼ੀ ਨਾਲ ਵਧ ਰਹੀ ਹੈ ਅਤੇ UPI ਹਰ ਮਹੀਨੇ ਨਵੇਂ ਰਿਕਾਰਡ ਸਥਾਪਤ ਕਰ ਰਿਹਾ ਹੈ। ਇਸ ਨਾਲ ਸਿਸਟਮ ‘ਤੇ ਦਬਾਅ ਵਧਿਆ ਹੈ। ਜ਼ਿਆਦਾ ਟ੍ਰੈਫਿਕ ਦੌਰਾਨ ਲੈਣ-ਦੇਣ ਅਸਫਲਤਾਵਾਂ ਦੀ ਸਮੱਸਿਆ ਨੂੰ ਘਟਾਉਣ ਲਈ ਨਵੇਂ ਨਿਯਮ ਪੇਸ਼ ਕੀਤੇ ਗਏ ਹਨ। Google Pay, PhonePe ਅਤੇ Paytm ਵਰਗੇ ਪਲੇਟਫਾਰਮਾਂ ‘ਤੇ ਪ੍ਰਕਿਰਿਆ ਹੁਣ ਵਧੇਰੇ ਸਥਿਰ ਹੋਣ ਦੀ ਉਮੀਦ ਹੈ।
ਸਕਿਓਰਿਟੀ ਚੈਕ ਅਤੇ ਯੂਜਰ ਕੰਟਰੋਲ ਹੋਣਗੇ ਮਜ਼ਬੂਤ
ਨਵਾਂ UPI ਢਾਂਚਾ ਸਕਿਓਰਿਟੀ ਲੇਅਰ ਨੂੰ ਹੋਰ ਸਖ਼ਤ ਕਰਦਾ ਹੈ, ਖਾਸਕਰ ਵੱਡੇ ਅਮਾਊਂਟ ਵਾਲੇ ਟ੍ਰਾਂਜੈਕਸ਼ਨ ਵਿਚ ਵਾਧੂ ਵੈਰੀਫਿਕੇਸ਼ਨ ਸਟੈੱਪ ਲਾਗੂ ਹੋਣਗੇ। ਪੇਮੈਂਟ ਤੋਂ ਪਹਿਲਾਂ ਸਾਫ ਕਨਫਰਮੇਸ਼ਨ ਸਕ੍ਰੀਨ ਦਿਸੇਗੀ ਤਾਂਕਿ ਗਲਤੀ ਨਾਲ ਪੈਸਾ ਟਰਾਂਸਫਰ ਨਾ ਹੋਵੇ, ਆਟੋ ਡੇਬਿਟ ਅਤੇ ਸਬਸਕ੍ਰਿਪਸ਼ਨ ਯੂਜਰਸ ਨੂੰ ਆਪਣੇ ਪੈਸਿਆਂ ‘ਤੇ ਜਿਆਦਾ ਕੰਟਰੋਲ ਮਿਲੇਗਾ।
ਇਹ ਵੀ ਪੜ੍ਹੋ : 15 ਦਿਨ ਪਹਿਲਾਂ ਰੱਖੀ ਨੌਕਰਾਣੀ ਨੇ ਚਾਹ ‘ਚ ਕੁਝ ਮਿਲਾ ਕੇ ਮਾਲਕਣ ਨੂੰ ਕੀਤਾ ਬੇਹੋਸ਼, ਫੇਰ ਕਰ ਗਈ ਕਾਂਡ
ਇਨਐਕਟਿਵ ID, ਫੇਲ ਪੇਮੈਂਟ ਅਤੇ ਸਪੈਮ ਰਿਕਵੈਸਟ ‘ਤੇ ਰੋਕ
UPI ਆਈਡੀ ਜੋ ਲੰਬੇ ਸਮੇਂ ਤੋਂ ਨਹੀਂ ਵਰਤੀਆਂ ਗਈਆਂ ਹਨ, ਨੂੰ ਅਸਥਾਈ ਤੌਰ ‘ਤੇ ਸੀਮਤ ਕੀਤਾ ਜਾ ਸਕਦਾ ਹੈ। ਇਸ ਸਥਿਤੀ ਵਿੱਚ ਫਰਾਡ ਦਾ ਰਿਸਕ ਘਟੇਗਾ, ਫੇਲ ਜਾਂ ਅਟਕੇ ਟਰਾਂਜੈਕਸ਼ਨ ਨੂੰ ਹੁਣ ਤੇਜੀ ਨਾਲ ਸੁਲਝਾਉਣ ਦ ਨਿਯਮ ਵੀ ਜੋੜਿਆ ਗਿਆ ਹੈ। ਕਈ ਮਾਮਲਿਆਂ ਵਿਚ ਰਿਫੰਡ ਕੁਝ ਘੰਟਿਆਂ ਵਿਚ ਮਿਲ ਸਕੇਗਾ। ਇਸ ਦੇ ਨਾਲ ਹੀ ਕਲੈਕਟ ਰਿਕਵੈਸਟ ਯਾਨੀ ਪੈਸੇ ਮੰਗਣ ਵਾਲੇ ਨੋਟੀਫਿਕੇਸ਼ਨ ਦੀ ਗਿਣਤੀ ‘ਤੇ ਵੀ ਰੋਕ ਲਾਈ ਜਾਵੇਗੀ ਤਾਂਕਿ ਸਪੈਮ ਘੱਟ ਹੋਵੇ।
ਵੀਡੀਓ ਲਈ ਕਲਿੱਕ ਕਰੋ -:
