ਜੇ ਤੁਸੀਂ WhatsApp ਵਰਤਦੇ ਹੋ, ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਕੰਪਨੀ ਨੇ ਕਈ ਨਵੇਂ ਫੀਚਰਸ ਦਾ ਐਲਾਨ ਕੀਤਾ ਹੈ ਜੋ ਐਪ ਅਨੁਭਵ ਨੂੰ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਮਜ਼ੇਦਾਰ ਅਤੇ ਆਸਾਨ ਬਣਾ ਦੇਣਗੀਆਂ। ਯੂਜਰਸ ਕੋਲ ਨਾ ਸਿਰਫ਼ ਪਰਸਨਲਾਈਜੇਸ਼ਨ ਦਾ ਮੌਕਾ ਹੋਵੇਗਾ, ਸਗੋਂ ਚੈਟਿੰਗ ਵੀ ਵਧੇਰੇ ਸੁਵਿਧਾਜਨਕ ਹੋ ਜਾਵੇਗੀ।
ਸਭ ਤੋਂ ਵੱਡਾ ਅਪਡੇਟ ਲਾਈਵ ਅਤੇ ਮੋਸ਼ਨ ਫੋਟੋ ਸ਼ੇਅਰਿੰਗ ਹੈ। ਐਂਡਰਾਇਡ ਯੂਜਰਸ ਹੁਣ ਮੋਸ਼ਨ ਪਿਕਚਰ ਭੇਜ ਸਕਣਗੇ ਅਤੇ ਆਈਫੋਨ ਯੂਜਰ ਆਪਣੀ ਗੈਲਰੀ ਤੋਂ ਸਿੱਧੇ ਲਾਈਵ ਫੋਟੋਆਂ ਸਾਂਝੀਆਂ ਕਰ ਸਕਣਗੇ। ਪਹਿਲਾਂ ਸਿਰਫ਼ ਆਮ ਫੋਟੋਆਂ ਦੀ ਹੀ ਸਹੂਲਤ ਸੀ।
ਇਸ ਤੋਂ ਇਲਾਵਾ WhatsApp ਨੇ AI ਨਾਲ ਥੀਮ ਅਤੇ ਬੈਕਗ੍ਰਾਉਂਡ ਬਣਾਉਣ ਦਾ ਆਪਸ਼ਨ ਪੇਸ਼ ਕੀਤਾ ਹੈ। ਯੂਜਰ ਹੁਣ ਆਪਣੀ ਪਸੰਦ ਮੁਤਾਬਕ ਮਿਨਿਮਲ, ਆਰਟੀਸਚਿਕ ਜਾਂ ਪਲੇਫੁਲ ਥੀਮਸ ਬਣਾ ਸਕਦੇ ਹਨ। ਇਸੇ ਤਰ੍ਹਾਂ AI-ਜਨਰੇਟੇਡ ਬੈਕਗ੍ਰਾਉਂਡ ਨੂੰ ਵੀਡੀਓ ਕਾਲਾਂ ਅਤੇ ਚੈਟਸ ਲਈ ਵੀ ਵਰਤਿਆ ਜਾ ਸਕਦਾ ਹੈ। ਹਾਲਾਂਕਿ, ਇਹ ਵਿਸ਼ੇਸ਼ਤਾ ਹੌਲੀ-ਹੌਲੀ ਸਾਰੇ ਯੂਜਰਸ ਤੱਕ ਪਹੁੰਚ ਜਾਵੇਗੀ।
ਹੁਣ ਐਂਡਰਾਇਡ ‘ਚ ਵੀ ਮਿਲੇਗਾ ਇਹ ਫੀਚਰ
ਐਂਡਰਾਇਡ ਯੂਜਰਸ ਲਈ ਇੱਕ ਹੋਰ ਪ੍ਰਮੁੱਖ ਫੀਚਰ ਇਨ-ਐਪ ਡਾਕੂਮੈਂਟ ਸਕੈਨਿੰਗ ਹੈ। ਜਦੋਂ ਕਿ iOS ਉਪਭੋਗਤਾ ਪਹਿਲਾਂ ਹੀ ਇਸ ਫੀਚਰ ਦਾ ਫਾਇਦਾ ਉਠਾ ਰਹੇ ਸਨ, ਹੁਣ ਡਾਕੂਮੈਂਟਸ ਨੂੰ ਐਂਡਰਾਇਡ ‘ਤੇ ਐਪ ਦੇ ਅੰਦਰ ਸਿੱਧੇ ਸਕੈਨ, ਕ੍ਰਾਪ, ਸੇਵ ਅਤੇ ਸ਼ੇਅਰ ਕੀਤਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ : ਸਰਕਾਰੀ ਟੀਚਰਾਂ ਨੂੰ ਮਿਲੀ ਨਵੀਂ ਡਿਊਟੀ! ਹੁਣ ਪਰਾਲੀ ਸਾੜਨ ਦੇ ਮਾਮਲਿਆਂ ਦੀ ਵੀ ਕਰਨਗੇ ਰਿਪੋਰਟ
WhatsApp ਨੇ ਗਰੁੱਪ ਸਰਚਿੰਗ ਨੂੰ ਵੀ ਸਰਲ ਬਣਾਇਆ ਹੈ। ਇੰਨੇ ਸਾਰੇ ਗਰੁੱਪਸ ਵਿੱਚੋਂ ਲੋੜੀਂਦਾ ਗਰੁੱਪ ਲੱਭਣਾ ਅਕਸਰ ਮੁਸ਼ਕਲ ਹੁੰਦਾ ਸੀ। ਹੁਣ, ਸਰਚ ਬਾਰ ਵਿੱਚ ਸਿਰਫ਼ ਇੱਕ ਸੰਪਰਕ ਦਾ ਨਾਮ ਟਾਈਪ ਕਰੋ ਅਤੇ ਤੁਹਾਨੂੰ ਉਹ ਸਾਰੇ ਗਰੁੱਪ ਵਿਚ ਦਿਖਾਈ ਦੇਵੇਗਾ ਜਿਨ੍ਹਾਂ ਵਿੱਚ ਉਹ ਹੈ। ਕੰਪਨੀ ਦਾ ਮੰਨਣਾ ਹੈ ਕਿ ਇਹ ਅਪਡੇਟਸ ਨਾ ਸਿਰਫ਼ ਯੂਜਰਸ ਦਾ ਸਮਾਂ ਬਚਾਉਣਗੇ ਬਲਕਿ ਉਹਨਾਂ ਨੂੰ ਐਪ ਉੱਤੇ ਵਧੇਰੇ ਕੰਟਰੋਲ ਅਤੇ ਪਰਸਨਲਾਈਜੇਸ਼ਨ ਵੀ ਦੇਣਗੇ।
ਵੀਡੀਓ ਲਈ ਕਲਿੱਕ ਕਰੋ -:
