ਹੁਸ਼ਿਆਰਪੁਰ ਦੇ ਹਲਕਾ ਦਸੂਹਾ ਨੇੜੇ ਕਸਬਾ ਉੱਚੀ ਬੱਸੀ ਵਿਚ ਚੋਰਾਂ ਨੇ ਪੰਜਾਬ ਨੈਸ਼ਨਲ ਬੈਂਕ ਦੀ ਬ੍ਰਾਂਚ ਨੂੰ ਨਿਸ਼ਾਨਾ ਬਣਾਇਆ। ਬੈਂਕ ਦੀ ਖਿੜਕੀ ਦੀ ਗਰਿੱਲ ਤੋੜ ਕੇ ਅੰਦਰ ਦਾਖਲ ਹੋਏ ਇਕ ਚੋਰ ਵੱਲੋਂ ਪੂਰੇ ਬੈਂਕ ਨੂੰ ਖੰਗਾਲਿਆ ਗਿਆ। ਗਨੀਮਤ ਰਹੀ ਕਿ ਚੋਰ ਬੈਂਕ ਦੇ ਸੇਵਿੰਗ ਲਾਕਰ ਤੱਕ ਨਹੀਂ ਪਹੁੰਚ ਸਕਿਆ। ਜਾਂਦੇ ਹੋਏ ਉਹ ਇਕ ਟੈਬਲੇਟ ਲੈ ਗਿਆ।
ਸਵੇਰੇ ਘੁੰਮਣ ਨਿਕਲੇ ਲੋਕਾਂ ਨੇ ਬੈਂਕ ਦੀ ਖਿੜਕੀ ਦੀ ਗਰਿੱਲ ਟੁੱਟੀ ਹੋਈ ਦੇਖੀ ਤਾਂ ਘਟਨਾ ਦਾ ਪਤਾ ਲੱਗਾ। ਇਸ ਦੀ ਜਾਣਕਾਰੀ ਪਿੰਡ ਦੇ ਮੁਖੀਆ ਸਣੇ ਪੁਲਿਸ ਨੂੰ ਦਿੱਤੀ ਗਈ ਜਿਥੇ ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਬੈਂਕ ਮੈਨੇਜਰ ਨੂੰ ਫੋਨ ਕਰਕੇ ਬੈਂਕ ਬੁਲਾਇਆ। ਘਟਨਾ ਦੀ ਸਾਰੀ ਵੀਡੀਓ ਸੀਸੀਟੀਵੀ ਵਿਚ ਕੈਦ ਹੋ ਗਈ। ਬੈਂਕ ਤੋਂ ਮਿਲੀ ਫੁਟੇਜ ਵਿਚ ਸਾਫ ਦੇਖਿਆ ਜਾ ਰਿਹਾ ਹੈ ਕਿ ਇਕ ਚੋਰ ਬੈਂਕ ਦੀ ਬਾਊਂਡਰੀ ਵਿਚ ਸੋਮਵਾਰ ਰਾਤ 11.41 ਵਜੇ ਪਹੁੰਚਿਆ ਜਿਸ ਦੇ ਬਾਅਦ ਉਹ ਇਕ ਛੋਟੀ ਆਰ ਦੀ ਮਦਦ ਨਾਲ ਬੈਂਕ ਦੀ ਖਿੜਕੀ ਦੀ ਗਰਿੱਲ ਨੂੰ ਕੱਟਣਾ ਸ਼ੁਰੂ ਕਰ ਦਿੱਤਾ ਹੈ। 15 ਮਿੰਟ ਬਾਅਦ ਉਹ ਬੈਂਕ ਵਿਚ ਵੜ ਗਿਆ ਤੇ ਇਕ ਘੰਟੇ ਤੋਂ ਵਧ ਟਾਈਮ ਪੂਰੇ ਬੈਂਕ ਨੂੰ ਖੰਗਾਲਣਾ ਸ਼ੁਰੂ ਕੀਤਾ ਤੇ ਜਾਂਦੇ ਸਮੇਂ ਇਕ ਟੈਬ ਆਪਣੇ ਨਾਲ ਲੈ ਗਿਆ।
ਇਹ ਵੀ ਪੜ੍ਹੋ : ਦਿਲਜੀਤ ਦੋਸਾਂਝ ਦੇ ਸ਼ੋਅ ‘ਚ ਮੁੜ ਤੋਂ ਹੋਇਆ ਹੰਗਾਮਾ, ਸ਼ੋਅ ‘ਚ ਝੰਡਾ ਲੈ ਕੇ ਪਹੁੰਚੇ ਵੱਖਵਾਦੀ ਸੰਗਠਨ ਦੇ ਲੋਕ
ਬੈਂਕ ਦੇ ਸੀਨੀਅਰ ਮੈਨੇਜਰ ਨਿਖਿਲ ਭਗਤ ਨੇ ਦੱਸਿਆ ਕਿ ਇਲਾਕੇ ਦੇ ਲੋਕਾਂ ਸਣੇ ਪੁਲਿਸ ਨੇ ਬੈਂਕ ਦੀ ਗਰਿੱਲ ਟੁੱਟੇ ਹੋਣ ਦੀ ਸੂਚਨਾ ਦਿੱਤੀ ਜਿਸ ਦੇ ਬਾਅਦ ਬੈਂਕ ਪਹੁੰਚੇ ਕੇ ਸਾਰੇ ਸੀਸੀਟੀਵੀ ਚੈੱਕ ਕੀਤੇ ਗਏ। ਚੋਰ ਦੇ ਬੈਂਕ ਅੰਦਰ ਵੜਣ ਦਾ ਖੁਲਾਸਾ ਹੋਇਆ। ਦੂਜੇ ਪਾਸੇ ਬੈਂਕ ਅਧਿਕਾਰੀ ਨੇ ਦੱਸਿਆ ਕਿ ਸਾਡੇ ਵੱਲੋਂ ਸਾਡੀ ਜਾਂਚ ਦੌਰਾਨ ਅਜੇ ਇਕ ਟੈਬਲੇਟ ਚੋਰੀ ਹੋਇਆ ਹੈ ਤੇ ਦੂਜੇ ਪਾਸੇ ਬੈਂਕ ਦਾ ਸੇਫ ਲਾਕਰ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ। ਮੌਕੇ ‘ਤੇ ਬੈਂਕ ਪਹੁੰਚੇ ਜਾਂਚ ਪੁਲਿਸ ਅਧਿਕਾਰੀ ਏਐੱਸਆਈ ਮਨਜੋਤ ਨੇ ਦੱਸਿਆ ਕਿ ਸਾਰੀ ਜਾਂਚ ਕਰ ਲਈ ਗਈ ਹੈ। ਇਲਾਕੇ ਵਿਚ ਹੋਰ ਸੀਸੀਟੀਵੀ ਫੁਟੇਜ ਨੂੰ ਖੰਗਾਲਿਆ ਜਾ ਰਿਹਾ ਹੈ। ਜਲਦ ਹੀ ਚੋਰ ਦੀ ਪਛਾਣ ਕਰਕੇ ਉਸ ਨੂੰ ਹਿਰਾਸਤ ਵਿਚ ਲਿਆ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
