ਸਰਕਾਰੀ ਬੈਂਕ ਪੰਜਾਬ ਨੈਸ਼ਨਲ ਬੈਂਕ ਨੇ FD (ਫਿਕਸਡ ਡਿਪਾਜ਼ਿਟ) ‘ਤੇ ਵਿਆਜ ਦਰਾਂ ਵਧਾ ਦਿੱਤੀਆਂ ਹਨ। ਨਵੀਆਂ ਦਰਾਂ 2 ਕਰੋੜ ਰੁਪਏ ਤੋਂ ਘੱਟ ਦੀ FD ਲਈ ਹਨ। ਬੈਂਕ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਫਿਕਸਡ ਡਿਪਾਜ਼ਿਟ (FD ਦਰਾਂ) ਦੀਆਂ ਨਵੀਆਂ ਦਰਾਂ 1 ਨਵੰਬਰ 2023 ਤੋਂ ਲਾਗੂ ਹੋ ਚੁੱਕੀਆਂ ਹਨ।
ਪੰਜਾਬ ਨੈਸ਼ਨਲ ਬੈਂਕ 7 ਦਿਨਾਂ ਤੋਂ 10 ਸਾਲ ਦੀ FD ‘ਤੇ ਆਮ ਨਾਗਰਿਕਾਂ ਨੂੰ 3.05 ਤੋਂ 7.25 ਫੀਸਦੀ ਵਿਆਜ ਦੇਵੇਗਾ। ਬੈਂਕ 444 ਦਿਨਾਂ ਦੀ FD ‘ਤੇ ਸਭ ਤੋਂ ਵੱਧ 7.25 ਫੀਸਦੀ ਵਿਆਜ ਦੇ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪੰਜਾਬ ਨੈਸ਼ਨਲ ਬੈਂਕ ਨੇ 180 ਦਿਨਾਂ ਤੋਂ 270 ਦਿਨਾਂ ਦੀ FD ਲਈ 6 ਫੀਸਦੀ ਵਿਆਜ ਦਰ ਤੈਅ ਕੀਤੀ ਹੈ। ਪਹਿਲਾਂ ਇਹ 5.50 ਫੀਸਦੀ ਸੀ। ਇਸ ਦੇ ਨਾਲ ਹੀ 271 ਦਿਨਾਂ ਤੋਂ ਲੈ ਕੇ 1 ਸਾਲ ਤੋਂ ਘੱਟ ਦੀ FD ‘ਤੇ ਨਵੀਂ ਦਰ ਨੂੰ 5.80 ਫੀਸਦੀ ਦੀ ਬਜਾਏ 6.25 ਫੀਸਦੀ ਕਰ ਦਿੱਤਾ ਗਿਆ ਹੈ।
ਸੀਨੀਅਰ ਨਾਗਰਿਕਾਂ ਲਈ 7 ਦਿਨਾਂ ਤੋਂ 10 ਸਾਲ ਦੀ FD ‘ਤੇ ਵਿਆਜ ਦਰ 4 ਫੀਸਦੀ ਤੋਂ 7.75 ਫੀਸਦੀ ਤੈਅ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਬੈਂਕ ਸੀਨੀਅਰ ਨਾਗਰਿਕਾਂ ਨੂੰ 444 ਦਿਨਾਂ ਦੀ FD ‘ਤੇ 7.75 ਫੀਸਦੀ ਤੱਕ ਵੱਧ ਤੋਂ ਵੱਧ ਵਿਆਜ ਦੇ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਦਰਾਂ 60 ਸਾਲ ਤੋਂ 80 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ ‘ਤੇ ਲਾਗੂ ਹੋਣਗੀਆਂ।
ਇਹ ਵੀ ਪੜ੍ਹੋ : ਡਿਪੂ ਹੋਲਡਰਾਂ ਲਈ ਖ਼ੁਸ਼ਖ਼ਬਰੀ. ਮਾਨ ਸਰਕਾਰ ਨੇ ਦਿੱਤਾ ਦੀਵਾਲੀ ਦਾ ਵੱਡਾ ਤੋਹਫ਼ਾ
ਬੈਂਕ ਸੁਪਰ ਸੀਨੀਅਰ ਸਿਟੀਜ਼ਨ ਨੂੰ 7 ਦਿਨਾਂ ਤੋਂ 10 ਸਾਲ ਦੀ ਐੱਫ.ਡੀ ‘ਤੇ 4.30 ਫੀਸਦੀ ਤੋਂ 8.05 ਫੀਸਦੀ ਤੱਕ ਵਿਆਜ ਦੇ ਰਿਹਾ ਹੈ। 444 ਦਿਨਾਂ ਦੀ FD ‘ਤੇ ਸਭ ਤੋਂ ਵੱਧ ਵਿਆਜ 8.05 ਫੀਸਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੁਪਰ ਸਿਟੀਜ਼ਨ ਦਾ ਮਤਲਬ ਹੈ 80 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕ।
ਵੀਡੀਓ ਲਈ ਕਲਿੱਕ ਕਰੋ : –
