ਸਾਬਕਾ ਫੌਜੀ ਦੀ ਵਿਧਵਾ ਰਣਜੀਤ ਕੌਰ (80) ਨੂੰ 50 ਸਾਲ ਦੇ ਲੰਬੇ ਸੰਘਰਸ਼ ਦੇ ਬਾਅਦ ਪਰਿਵਾਰਕ ਪੈਨਸ਼ਨ ਮਿਲੇਗੀ। ਇੰਨਾ ਹੀ ਨਹੀਂ ਉਸ ਦੇ ਬਾਅਦ ਅਵਿਆਹੁਤਾ ਧੀ ਇਸ ਪੈਨਸ਼ਨ ਦੀ ਹੱਕਦਾਰ ਹੋਵੇਗੀ। ਉਨ੍ਹਾਂ ਨੂੰ ਫੌਜ ਇਕਮੁਸ਼ਤ 18 ਲੱਖ ਰੁਪਏ ਦੀ ਅਦਾਇਗੀ ਕਰੇਗੀ। ਨਾਲ ਹੀ ਹਰ ਮਹੀਨੇ 16,000 ਰੁਪਏ ਪੈਨਸ਼ਨ ਵੀ ਮਿਲੇਗੀ।ਇਸ ਤੋਂ ਇਲਾਵਾ ਫੌਜ ਵੱਲੋਂ ਸਾਬਕਾ ਫੌਜੀਆਂ ਨੂੰ ਮਿਲਣ ਵਾਲੀਆਂ ਸੇਵਾਵਾਂ ਵੀ ਦਿੱਤੀਆਂ ਜਾਣਗੀਆਂ। ਸਾਬਕਾ ਫੌਜੀ ਦੀ ਵਿਧਵਾ ਨੂੰ ਹੱਕ ਦਿਵਾਉਣ ਵਿਚ ਐਕਸ ਸਰਵਿਸਮੈਨ ਗ੍ਰੀਵਾਸੈਂਸ ਸੈੱਲ ਪੰਜਾਬ ਨੇ ਅਹਿਮ ਭੂਮਿਕਾ ਨਿਭਾਈ।
ਐਕਸ ਸਰਵਿਸਮੈਨ ਗ੍ਰੀਵਾਸੈਂਸ ਸੈੱਲ ਦੇ ਪ੍ਰਧਾਨ ਰਿਟਾਇਰਡ ਕਰਨਲ ਐੱਸਐੱਸ ਸੋਹੀ ਨੇ ਦੱਸਿਆ ਕਿ ਬਜ਼ੁਰਗ ਦੀ ਧੀ ਸੁਰਿੰਦਰ ਕੌਰ ਨੇ ਸਾਲ 2021 ਵਿਚ ਸੰਪਰਕ ਕੀਤਾ ਸੀ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਹੌਲਦਾਰ ਪ੍ਰੇਮ ਸਿੰਘ ਪੁਰੀ ਮੋਰਿੰਡਾ ਵਿਚ ਰਹਿੰਦੇ ਸਨ। ਮਾਂ ਰਣਜੀਤ ਕੌਰ ਨੇ ਪਰਿਵਾਰਕ ਮੁਸ਼ਕਲਾਂ ਨੂੰ ਦੇਖਦੇ ਹੋਏ 1973 ਵਿਚ ਘਰ ਛੱਡ ਦਿੱਤਾ ਸੀ। ਨਾਲ ਹੀ ਉਹ ਮੋਹਾਲੀ ਵਿਚ ਆ ਕੇ ਆਪਣੇ ਪਿਤਾ ਹੌਲਦਾਰ ਪੂਰਨ ਸਿੰਘ ਕੋਲ ਰਹਿਣ ਲੱਗੀ। ਇਸ ਦੇ ਬਾਅਦ ਉਹ ਰਣਜੀਤ ਕੌਰ ਨੂੰ ਮਿਲਣ ਪਹੁੰਚੇ ਪਰ ਉਹ ਕੁਝ ਵੀ ਦੱਸਣ ਵਿਚ ਅਸਮਰਥ ਸਨ। ਉਨ੍ਹਾਂ ਕੋਲ ਦਸਤਾਵੇਜ਼ ਵੀ ਪੂਰੇ ਨਹੀਂ ਸਨ।
ਇਸ ਦੇ ਬਾਅਦ ਉਨ੍ਹਾਂ ਦੀ ਟੀਮ ਤੱਥ ਇਕੱਠੇ ਕਰਨ ਮੋਰਿੰਡਾ ਗਈ ਜਿਥੋਂ ਪਤਾ ਲੱਗਾ ਕਿ ਹੌਲਦਾਰ ਪ੍ਰੇਮ ਸਿੰਘ ਦੀ 14 ਸਾਲ ਪਹਿਲਾਂ ਮੌਤ ਹੋ ਗਈ ਸੀ। ਇਸ ਤੋਂ ਪਹਿਲਾਂ ਉਸ ਨੇ ਆਪਣੀ ਜਾਇਦਾਦ ਵੇਚ ਦਿੱਤੀ ਸੀ। ਪਿੰਡ ਦੇ ਇਕ ਕੈਮਿਸਟ ਓਮ ਪ੍ਰਕਾਸ਼ ਨੂੰ ਟੀਮ ਮਿਲੀ। ਇਸ ਦੇ ਬਾਅਦ ਉਸ ਨੇ ਉਨ੍ਹਾਂ ਦੀ ਸੰਸਥਾ ਦਾ ਦੌਰਾ ਕੀਤਾ। ਇਸ ਵਿਚ ਮਹਿਲਾ ਦੇ ਪਤੀ ਦਾ ਮੌਤ ਸਰਟੀਫਿਕੇਟ ਤੇ ਆਰਮੀ ਦੀ ਬੁੱਕ ਸੀ। ਕਰਨਲ ਸੋਹੀ ਨੇ ਦਸਤਾਵੇਜ਼ ਮਿਲਣ ਦੇ ਬਾਅਦ ਉਨ੍ਹਾਂ ਨੇ ਮਾਮਲਾ ਫੌਜ ਦੇ ਸਾਹਮਣੇ ਚੁੱਕਿਆ। ਫੌਜ ਨੇ ਸਾਕਾਰਾਤਮਕ ਜਵਾਬ ਦਿੱਤਾ। ਇਸ ਦੇ ਬਾਅਦ ਉਨ੍ਹਾਂ ਵੱਲੋਂ ਬਹੁਤ ਸਾਰੇ ਦਸਤਾਵੇਜ਼ ਪੂਰੇ ਕੀਤੇ ਗਏ। ਇਸ ਪ੍ਰਕਿਰਿਆ ਵਿਚ ਕਾਫੀ ਸਮਾਂ ਲੱਗ ਗਿਆ।
2006 ਵਿਚ ਪ੍ਰੇਮ ਸਿੰਘ ਪੁਰੀ ਨੇ ਆਪਣੀ ਮੌਤ ਤੋਂ ਪਹਿਲਾਂ ਕੁਝ ਪੈਸੇ ਛੱਡੇ ਸਨ। ਬਾਅਦ ਵਿਚ ਉਨ੍ਹਾਂ ਦੀ ਸੰਸਥਾ ਨੇ ਵੀ ਉਨ੍ਹਾਂ ਦੀ ਵਿੱਤੀ ਮਦਦ ਕੀਤੀ। ਪੈਨਸ਼ਨ ਦੀ ਰਕਮ ਦੀ ਅਦਾਇਗੀ ਲਈ ਬੈਂਕ ਦੀ ਟੀਮ ਪਹੁੰਚੀ ਤਾਂ ਪ੍ਰੇਸ਼ਾਨੀ ਆਈ। ਸਿਹਤ ਠੀਕ ਨਾ ਹੋਣ ਕਾਰਨ ਉਨ੍ਹਾਂ ਨੇ ਰਣਜੀਤ ਕੌਰ ਦੀ ਪਛਾਣ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਸੰਸਥਾ ਨੇ ਉਕਤ ਮਾਮਲੇ ਦੀ ਪੈਰਵੀ ਕੀਤੀ। ਇਸ ਦੇ ਬਾਅਦ ਰਣਜੀਤ ਕੌਰ ਨੂੰ ਸਾਲ 2007 ਤੋਂ 18 ਲੱਖ ਰੁਪਏ ਮਿਲਣਗੇ। 16,000 ਰੁਪਏ ਪੈਨਸ਼ਨ, ਮੁਫਤ ਮੈਡੀਕਲ, ਸੀਐੱਸਡੀ ਕੰਟੀਨ ਤੇ ਐਕਸ ਸਰਵਿਸਮੈਨ ਦੀਆਂ ਹੋਰ ਸਹੂਲਤਾਂ ਮਿਲਣਗੀਆਂ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰ : ਪੁਲਿਸ ਨਾਲ ਮੁਕਾਬਲੇ ਦੌਰਾਨ ਦੋ ਗੈਂਗਸਟਰ ਹਥਿਆਰਾਂ ਸਣੇ ਕਾਬੂ
ਕਰਨਲ ਸੋਹੀ ਨੇ ਦੱਸਿਆ ਕਿ ਪਿਛਲੇ 22 ਸਾਲਾਂ ਵਿਚ ਉਨ੍ਹਾਂ ਦੀ ਸੰਸਥਾ ਸਾਬਕਾ ਫੌਜੀਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਦੇ ਹੱਕਾਂ ਲਈ ਲੜ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸੇਵਾ ਹੀ ਉਨ੍ਹਾਂ ਦੀ ਸੰਸਥਾ ਦਾ ਧਰਮ ਹੈ। ਹੁਣ ਤੱਕ 400 ਤੋਂ ਵੱਧ ਸਾਬਕਾ ਫੌਜੀ ਤੇ ਉਨ੍ਹਾਂ ਦੀਆਂ ਵਿਧਵਾਵਾਂ ਨੂੰ ਇਹ ਪੈਨਸ਼ਨ ਦਿਵਾ ਚੁੱਕੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
