ਅੱਜ 25 ਮਾਰਚ ਨੂੰ ਪੂਰੀ ਦੁਨੀਆ ‘ਚ ਹੋਲੀ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਲੋਕ ਰੰਗਾਂ ਅਤੇ ਗੁਲਾਲ ਨਾਲ ਹੋਲੀ ਖੇਡ ਰਹੇ ਹਨ। ਅੱਜ ਵੀ ਕਈ ਥਾਵਾਂ ‘ਤੇ ਹੋਲੀ ਪੱਕੇ ਰੰਗਾਂ ਨਾਲ ਖੇਡੀ ਜਾਂਦੀ ਹੈ। ਹੋਲੀ ਖੇਡਣਾ ਹਰ ਕੋਈ ਪਸੰਦ ਕਰਦਾ ਹੈ ਪਰ ਹੋਲੀ ਖੇਡਣ ਤੋਂ ਬਾਅਦ ਚਿਹਰੇ ਤੋਂ ਪੱਕੇ ਰੰਗਾਂ ਨੂੰ ਹਟਾਉਣਾ ਬਹੁਤ ਮੁਸ਼ਕਲ ਹੈ। ਅੱਜ-ਕੱਲ੍ਹ ਬਾਜ਼ਾਰ ‘ਚ ਹਰਬਲ ਰੰਗ ਵੀ ਮਿਲਦੇ ਹਨ, ਜਿਨ੍ਹਾਂ ਦੀ ਵਰਤੋਂ ਨਾਲ ਚਮੜੀ ‘ਤੇ ਕੋਈ ਅਸਰ ਨਹੀਂ ਹੁੰਦਾ ਪਰ ਕਈ ਵਾਰ ਇਹ ਰੰਗ ਵੀ ਚਮੜੀ ‘ਤੇ ਅਸਰ ਛੱਡ ਜਾਂਦੇ ਹਨ।
ਹੋਲੀ ਖੇਡਣ ਦਾ ਹਰ ਕੋਈ ਆਨੰਦ ਲੈਂਦਾ ਹੈ ਪਰ ਚਮੜੀ ਤੋਂ ਇਨ੍ਹਾਂ ਰੰਗਾਂ ਨੂੰ ਹਟਾਉਣਾ ਬਹੁਤ ਮੁਸ਼ਕਲ ਹੈ। ਰੰਗ ਤੋਂ ਛੁਟਕਾਰਾ ਪਾਉਣ ਲਈ ਲੋਕ ਹਰ ਤਰ੍ਹਾਂ ਦੇ ਉਪਾਅ ਅਪਣਾਉਂਦੇ ਹਨ। ਕਈ ਲੋਕ ਆਪਣੀ ਚਮੜੀ ਨੂੰ ਇੰਨਾ ਰਗੜਦੇ ਹਨ ਕਿ ਇਸ ਨਾਲ ਚਮੜੀ ਦੀਆਂ ਕਈ ਸਮੱਸਿਆਵਾਂ ਹੋ ਜਾਂਦੀਆਂ ਹਨ। ਅਜਿਹੇ ‘ਚ ਅੱਜ ਇਸ ਲੇਖ ‘ਚ ਅਸੀਂ ਤੁਹਾਨੂੰ ਰੰਗ ਹਟਾਉਣ ਦਾ ਆਸਾਨ ਤਰੀਕਾ ਦੱਸਣ ਜਾ ਰਹੇ ਹਾਂ।
ਨਾਰੀਅਲ ਦਾ ਤੇਲ
ਹੋਲੀ ਦੇ ਰੰਗਾਂ ਨੂੰ ਦੂਰ ਕਰਨ ਲਈ ਨਾਰੀਅਲ ਦਾ ਤੇਲ ਬਹੁਤ ਅਸਰਦਾਰ ਹੁੰਦਾ ਹੈ। ਇਸ ਦੇ ਲਈ ਤੁਹਾਨੂੰ ਸਭ ਤੋਂ ਪਹਿਲਾਂ ਚਮੜੀ ‘ਤੇ ਨਾਰੀਅਲ ਦਾ ਤੇਲ ਲਗਾਉਣਾ ਹੋਵੇਗਾ। ਫਿਰ ਇਸ ਤੋਂ ਬਾਅਦ ਚਮੜੀ ਦੀ ਹੌਲੀ-ਹੌਲੀ ਮਾਲਿਸ਼ ਕਰਨੀ ਹੁੰਦੀ ਹੈ। ਜਿਵੇਂ ਹੀ ਇਹ ਤੇਲ ਚਮੜੀ ਵਿੱਚ ਜਜ਼ਬ ਹੋ ਜਾਂਦਾ ਹੈ, ਚਮੜੀ ‘ਤੇ ਕਾਲੇ ਧੱਬੇ ਹੌਲੀ-ਹੌਲੀ ਘੱਟ ਹੋਣੇ ਸ਼ੁਰੂ ਹੋ ਜਾਣਗੇ। ਨਾਰੀਅਲ ਤੇਲ ਦੀ ਵਰਤੋਂ ਕਰਨ ਨਾਲ ਤੁਹਾਡੀ ਚਮੜੀ ‘ਤੇ ਜਲਣ ਨਹੀਂ ਹੋਵੇਗੀ।
ਦਹੀਂ
ਜੇ ਹੋਲੀ ਦੇ ਰੰਗਾਂ ਨੇ ਚਮੜੀ ‘ਤੇ ਡੂੰਘਾ ਅਸਰ ਛੱਡਿਆ ਹੈ, ਤਾਂ ਇਕ ਕਟੋਰੀ ‘ਚ ਦਹੀਂ ਲੈ ਕੇ ਉਸ ‘ਚ ਥੋੜ੍ਹੀ ਜਿਹੀ ਹਲਦੀ ਮਿਲਾ ਲਓ। ਇਸ ਤੋਂ ਬਾਅਦ ਇਸ ਮਿਸ਼ਰਣ ਨੂੰ ਆਪਣੀ ਚਮੜੀ ‘ਤੇ ਹੌਲੀ-ਹੌਲੀ ਲਗਾਓ। ਇਸ ਪੇਸਟ ਨੂੰ ਲਗਭਗ 20 ਮਿੰਟ ਲਈ ਇਸ ਤਰ੍ਹਾਂ ਹੀ ਰਹਿਣ ਦਿਓ। ਅਖੀਰ ਵਿੱਚ ਕੋਸੇ ਪਾਣੀ ਨਾਲ ਚਿਹਰਾ ਧੋ ਲਓ। ਇਸ ਨਾਲ ਰੰਗਾਂ ਦਾ ਅਸਰ ਘੱਟ ਜਾਵੇਗਾ।
ਇਹ ਵੀ ਪੜ੍ਹੋ : ਲੋਕ ਸਭਾ ਚੋਣਾਂ 2024 : ਸੂਬੇ ‘ਚ ਜ਼ਰੂਰੀ ਸੇਵਾਵਾਂ ‘ਚ ਤਾਇਨਾਤ ਮੁਲਾਜ਼ਮ ਵੀ ਪੋਸਟਲ ਬੈਲੇਟ ਪੇਪਰ ਨਾਲ ਪਾ ਸਕਣਗੇ ਵੋਟ
ਐਲੋਵੇਰਾ ਜੈੱਲ
ਅੱਜ ਕੱਲ੍ਹ ਹਰ ਕਿਸੇ ਦੇ ਘਰ ਵਿੱਚ ਐਲੋਵੇਰਾ ਜੈੱਲ ਹੁੰਦਾ ਹੈ। ਅਜਿਹੇ ‘ਚ ਤੁਸੀਂ ਇਸ ਦੀ ਵਰਤੋਂ ਰੰਗ ਹਟਾਉਣ ਲਈ ਵੀ ਕਰ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਸਿਰਫ ਆਪਣੀ ਪੂਰੀ ਚਮੜੀ ‘ਤੇ ਐਲੋਵੇਰਾ ਜੈੱਲ ਲਗਾਉਣਾ ਹੋਵੇਗਾ। ਤੁਸੀਂ ਇਸ ਦੀ ਵਰਤੋਂ ਵਾਲਾਂ ‘ਤੇ ਵੀ ਲਗਾ ਸਕਦੇ ਹੋ। ਇਸ ਨਾਲ ਤੁਹਾਡੀ ਚਮੜੀ ਤੋਂ ਹੋਲੀ ਦਾ ਰੰਗ ਦੂਰ ਹੋ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
