ਲਾਰਡਸ ਸਟੇਡੀਅਮ ਵਿੱਚ 5 ਦਿਨਾਂ ਦੇ ਰੋਮਾਂਚਕ ਟੈਸਟ ਮੈਚ ਵਿੱਚ ਇੰਗਲੈਂਡ ਨੇ ਭਾਰਤ ਨੂੰ 22 ਦੌੜਾਂ ਨਾਲ ਹਰਾਇਆ। ਇਸ ਜਿੱਤ ਨਾਲ ਇੰਗਲੈਂਡ ਨੇ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਵਿੱਚ 2-1 ਦੀ ਬੜ੍ਹਤ ਬਣਾ ਲਈ ਹੈ। ਟੈਸਟ ਮੈਚ ਦੇ ਆਖਰੀ ਦਿਨ ਰਵਿੰਦਰ ਜਡੇਜਾ ਨੇ ਭਾਰਤੀ ਟੀਮ ਦੀਆਂ ਉਮੀਦਾਂ ਨੂੰ ਜ਼ਿੰਦਾ ਰੱਖਿਆ ਪਰ ਉਹ ਮੈਚ ਖਤਮ ਨਹੀਂ ਕਰ ਸਕਿਆ।
ਰਵਿੰਦਰ ਜਡੇਜਾ ਭਾਰਤੀ ਟੀਮ ਲਈ ਹੀਰੋ ਸਾਬਤ ਹੋਏ। ਅੰਗਰੇਜ਼ੀ ਫੀਲਡਰਾਂ ਵਿੱਚ ‘ਅਭਿਮਨਿਊ’ ਵਾਂਗ ਖੜ੍ਹੇ ਰਵਿੰਦਰ ਜਡੇਜਾ ਨੇ 61 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਜਡੇਜਾ ਨੇ ਇੰਗਲੈਂਡ ਦੀ ਧਰਤੀ ‘ਤੇ ਆਪਣਾ ਲਗਾਤਾਰ ਚੌਥਾ ਅਰਧ ਸੈਂਕੜਾ ਲਗਾਇਆ ਅਤੇ ਨਿਤੀਸ਼ ਰੈੱਡੀ, ਜਸਪ੍ਰੀਤ ਬੁਮਰਾਹ ਅਤੇ ਮੁਹੰਮਦ ਸਿਰਾਜ ਦੇ ਨਾਲ ਖੇਡ ਨੂੰ ਤੀਜੇ ਸੈਸ਼ਨ ਤੱਕ ਖਿੱਚ ਲਿਆ। ਇਸ ਦੌਰਾਨ, ਉਸ ਨੇ ਆਪਣੇ ਨਾਂ ਕਈ ਰਿਕਾਰਡ ਦਰਜ ਕੀਤੇ।
ਜਡੇਜਾ ਨੇ 7000 ਅੰਤਰਰਾਸ਼ਟਰੀ ਦੌੜਾਂ ਪੂਰੀਆਂ ਕੀਤੀਆਂ
ਰਵਿੰਦਰ ਜਡੇਜਾ ਨੇ ਭਾਰਤ ਲਈ ਦੂਜੀ ਪਾਰੀ ਵਿੱਚ 61 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਇਨ੍ਹਾਂ ਦੌੜਾਂ ਨਾਲ, ਉਸ ਨੇ ਤਿੰਨੋਂ ਫਾਰਮੈਟਾਂ (ਟੈਸਟ, ਵਨਡੇ ਅਤੇ ਟੀ-20I) ਵਿੱਚ 7018 ਦੌੜਾਂ ਬਣਾਈਆਂ ਹਨ। ਇਸ ਤੋਂ ਇਲਾਵਾ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਉਸ ਦੇ ਨਾਂ 611 ਵਿਕਟਾਂ ਹਨ। ਜਡੇਜਾ 600 ਵਿਕਟਾਂ ਲੈਣ ਅਤੇ 7000 ਦੌੜਾਂ ਬਣਾਉਣ ਵਾਲਾ ਦੂਜਾ ਭਾਰਤੀ ਖਿਡਾਰੀ ਬਣਿਆ। ਉਸ ਤੋਂ ਪਹਿਲਾਂ ਸਿਰਫ ਸਾਬਕਾ ਕਪਤਾਨ ਕਪਿਲ ਦੇਵ ਹੀ ਅਜਿਹਾ ਕਰ ਸਕੇ ਸਨ। ਕਪਿਲ ਦੇ ਨਾਂ 687 ਵਿਕਟਾਂ ਅਤੇ 9031 ਦੌੜਾਂ ਹਨ।
73 ਸਾਲਾਂ ਬਾਅਦ ਲਾਰਡਜ਼ ਵਿੱਚ ਇਤਿਹਾਸ ਫਿਰ ਦੁਹਰਾਇਆ ਗਿਆ
ਰਵਿੰਦਰ ਜਡੇਜਾ ਨੇ ਲਾਰਡਜ਼ ਟੈਸਟ ਵਿੱਚ 61 ਦੌੜਾਂ ਦੀ ਅਜੇਤੂ ਪਾਰੀ ਖੇਡ ਕੇ ਇੱਕ ਨਵਾਂ ਇਤਿਹਾਸ ਰਚਿਆ। ਉਹ ਲਾਰਡਜ਼ ਕ੍ਰਿਕਟ ਗਰਾਊਂਡ ‘ਤੇ ਇੱਕ ਟੈਸਟ ਦੀਆਂ ਦੋਵੇਂ ਪਾਰੀਆਂ ਵਿੱਚ ਅਰਧ ਸੈਂਕੜਾ ਲਗਾਉਣ ਵਾਲਾ ਦੂਜਾ ਭਾਰਤੀ ਬੱਲੇਬਾਜ਼ ਬਣਿਆ। ਜਡੇਜਾ ਤੋਂ ਪਹਿਲਾਂ 1952 ਵਿੱਚ ਵਿਨੂ ਮਾਂਕਡ ਨੇ ਪਹਿਲੀ ਪਾਰੀ ਵਿੱਚ 72 ਦੌੜਾਂ ਅਤੇ ਦੂਜੀ ਪਾਰੀ ਵਿੱਚ 184 ਦੌੜਾਂ ਬਣਾਈਆਂ ਸਨ। ਇਨ੍ਹਾਂ 2 ਤੋਂ ਇਲਾਵਾ ਕੋਈ ਵੀ ਭਾਰਤੀ ਲਾਰਡਜ਼ ਟੈਸਟ ਦੀਆਂ ਦੋਵੇਂ ਪਾਰੀਆਂ ਵਿੱਚ 50 ਤੋਂ ਵੱਧ ਸਕੋਰ ਨਹੀਂ ਬਣਾ ਸਕਿਆ ਹੈ।
ਇਹ ਵੀ ਪੜ੍ਹੋ : ਵਿਧਾਨ ਸਭਾ ‘ਚ ਬੇ.ਅ/ਦਬੀ ਬਿੱਲ ‘ਤੇ ਬਹਿਸ ਜਾਰੀ, CM ਮਾਨ ਬੋਲੇ- “ਇਸ ਨੂੰ ਨਾਮੋਸ਼ੀ ਵਾਲਾ ਬਿੱਲ ਨਾ ਕਿਹਾ ਜਾਵੇ”
ਇੰਗਲੈਂਡ ਵਿਰੁੱਧ ਲਗਾਤਾਰ 4 ਅਰਧ ਸੈਂਕੜੇ
ਜਡੇਜਾ ਨੇ ਇੱਕ ਟੈਸਟ ਲੜੀ ਵਿੱਚ ਆਪਣਾ ਲਗਾਤਾਰ ਚੌਥਾ ਅਰਧ ਸੈਂਕੜਾ ਲਗਾਇਆ। ਮੌਜੂਦਾ ਇੰਗਲੈਂਡ ਦੌਰੇ ‘ਤੇ ਜਡੇਜਾ ਨੇ ਬਰਮਿੰਘਮ ਟੈਸਟ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ 89 ਅਤੇ 69 ਦੌੜਾਂ ਬਣਾਈਆਂ। ਉਸ ਨੇ ਲਾਰਡਜ਼ ਟੈਸਟ ਮੈਚ ਦੀ ਪਹਿਲੀ ਪਾਰੀ ਵਿੱਚ 72 ਦੌੜਾਂ ਅਤੇ ਦੂਜੀ ਪਾਰੀ ਵਿੱਚ ਅਜੇਤੂ 61 ਦੌੜਾਂ ਬਣਾਈਆਂ।
ਜਡੇਜਾ ਇੰਗਲੈਂਡ ਵਿੱਚ ਲਗਾਤਾਰ 4 ਅਰਧ ਸੈਂਕੜੇ ਲਗਾਉਣ ਵਾਲਾ ਤੀਜਾ ਭਾਰਤੀ ਟੈਸਟ ਖਿਡਾਰੀ ਬਣ ਗਿਆ। ਉਸ ਤੋਂ ਪਹਿਲਾਂ ਸਿਰਫ ਰਿਸ਼ਭ ਪੰਤ ਅਤੇ ਸੌਰਵ ਗਾਂਗੁਲੀ ਹੀ ਅਜਿਹਾ ਕਰ ਸਕੇ ਹਨ। ਰਿਸ਼ਭ ਪੰਤ ਨੇ 2021 ਅਤੇ 2025 ਦੇ ਇੰਗਲੈਂਡ ਦੌਰੇ ਸਮੇਤ ਲਗਾਤਾਰ ਪੰਜ ਟੈਸਟ ਅਰਧ ਸੈਂਕੜੇ ਲਗਾਏ ਹਨ। ਸਾਲ 2002 ਵਿੱਚ ਸੌਰਵ ਗਾਂਗੁਲੀ ਨੇ ਇੰਗਲੈਂਡ ਵਿਰੁੱਧ ਲਗਾਤਾਰ ਚਾਰ ਅਰਧ ਸੈਂਕੜੇ ਲਗਾਏ।
ਵੀਡੀਓ ਲਈ ਕਲਿੱਕ ਕਰੋ -:
