ਲੁਧਿਆਣਾ ਵਿਚ ਜਮਾਲਪੁਰ ਇਲਾਕੇ ਦੀ ਆਹਲੂਵਾਲੀਆ ਕਾਲੋਨੀ ਵਿਚ 2 ਭਰਾਵਾਂ ਦਾ ਕਤਲ ਹੋ ਗਿਆਸੀ ਜਿਸ ਨੂੰ ਪੁਲਿਸ ਨੇ ਐਨਕਾਊਂਟਰ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ। ਹੁਣ ਇਹ ਐਨਕਾਊਂਟਰ ਫਰਜ਼ੀ ਸਾਬਤ ਹੋ ਗਿਆ ਹੈ। ਲੁਧਿਆਣਾ ਕੋਰਟ ਵਿਚ ਦੋਸ਼ੀਆਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਦੋਸ਼ੀਆਂ ਵਿਚ ਗੁਰਜੀਤ ਸਿੰਘ ਸਣੇ 2 ਪੁਲਿਸ ਮੁਲਾਜ਼ਮ ਸ਼ਾਮਲ ਹਨ।
ਮਾਮਲਾ ਸਤੰਬਰ 2014 ਦਾ ਹੈ। 2 ਸਗੇ ਭਰਾਵਾਂ ਦੇ ਕਤਲ ਮਾਮਲੇ ਵਿਚ ਐਡੀਸ਼ਨਲ ਸੈਸ਼ਨ ਜੱਜ ਰਾਜਕੁਮਾਰ ਦੀ ਅਦਾਲਤ ਨੇ ਗੁਰਜੀਤ ਸਿੰਘ ਸਣੇ 2 ਪੁਲਿਸ ਮੁਲਾਜ਼ਮਾਂ ਨੂੰ ਦੋਸ਼ੀ ਕਰਾਰ ਦਿੱਤਾ ਸੀ ਜਦੋਂ ਕਿ ਇਕ ਵਿਅਕਤੀ ਨੂੰ ਬਰੀ ਕਰ ਦਿੱਤਾ ਗਿਆ ਹੈ। ਤਿੰਨਾਂ ਨੂੰ ਹੱਤਿਆ, ਆਰਮਸ ਐਕਟ ਤੇ ਸਾਜ਼ਿਸ਼ ਰਚਣ ਦਾ ਦੋਸ਼ੀ ਪਾਇਆ ਗਿਆ।
ਜਾਣਕਾਰੀ ਮੁਤਾਬਕ 2014 ਵਿਚ ਮਾਛੀਵਾੜਾ ਦੇ ਬੋਹਾਪੁਰ ਪਿੰਡ ਦੇ ਰਹਿਣ ਵਾਲੇ 2 ਸਗੇ ਭਰਾ ਹਰਿੰਦਰ ਸਿੰਘ (23) ਤੇ ਜਤਿੰਦਰ ਸਿੰਘ (25) ਨੂੰ ਖੰਨਾ ਪੁਲਿਸ ਨੇ ਫਰਜ਼ੀ ਐਨਕਾਊਂਟਰ ਵਿਚ ਮਾਰ ਦਿੱਤਾ ਸੀ। ਕੇਸ ਵਿਚ ਗੁਰਜੀਤ ਸਿੰਘ, ਕਾਂਸਟੇਬਲ ਯਾਦਵਿੰਦਰ ਸਿੰਘ ਤੇ ਹੋਮਗਾਰਡ ਜਵਾਨ ਅਜੀਤ ਨੂੰ ਦੋਸ਼ੀ ਮੰਨਿਆ ਗਿਆ। ਹੋਮਗਾਰਡ ਜਵਾਨ ਬਲਦੇਵ ਸਿੰਘ ਨੂੰ ਬਰੀ ਕੀਤਾ ਗਿਆ ਹੈ ਤੇ ਅਦਾਲਤ ਨੇ ਦੋਸ਼ੀਆਂ ‘ਤੇ ਜੁਰਮਾਨਾ ਵੀ ਲਗਾਇਆ ਹੈ।
ਵੱਡੇ-ਵੱਡੇ ਦੋਸ਼ੀਆਂ ਨੂੰ ਫਰਨ ਦੇ ਦਾਅਵੇ ਕਰਨ ਵਾਲੀ ਪੰਜਾਬ ਪੁਲਿਸ ਤੋਂ ਐੱਸਐੱਚਓ ਤੇ ਉਸ ਦਾ ਰੀਡਰ ਅਜੇ ਤੱਕ ਫੜਿਆ ਨਹੀਂ ਜਾ ਰਿਹਾ ਹੈ। ਮਾਮਲੇ ਵਿਚ ਦੋਸ਼ੀ ਉਸ ਸਮੇਂ ਦਾ ਐੱਸਐ4ਚਓ ਮਨਜਿੰਦਰ ਸਿੰਘ ਤੇ ਉਸ ਦਾ ਰੀਡਰ ਕਾਂਸਟੇਬਲ ਸੁਖਬੀਰ ਸਿੰਘ 7 ਸਾਲ ਤੋਂ ਫਰਾਰ ਹੈ।
ਦੱਸ ਦੇਈਏ ਕਿ ਦੋਵੇਂ ਭਰਾਵਾਂ ਦੇ ਪੋਸਟਮਾਰਟਮ ਵਿਚ ਪਤਾ ਲੱਗਾ ਸੀ ਕਿ ਗੋਲੀਆਂ ਬਹੁਤ ਕਰੀਬ ਤੋਂ ਚੱਲੀਆਂ ਹਨ। ਕਿਤੇ ਕੋਈ ਐਨਕਾਊਂਟਰ ਵਾਲੀ ਗੱਲ ਸਾਹਮਣੇ ਨਹੀਂ ਆਈ ਸੀ। ਜ਼ਿਆਦਾਤਰ ਗੋਲੀਆਂ ਸਰੀਰ ਦੇ ਆਰ-ਪਾਰ ਨਿਕਲ ਗਈਆਂ ਸਨ। ਸਿਵਲ ਹਸਤਪਤਾਲ ਵਿਚ ਉਸ ਸਮੇਂ ਤਾਇਨਾਤ ਡਾ. ਸੁਰੇਸ਼ ਕੌਸ਼ਲ, ਡਾ. ਜਸਬੀਰ ਕੌਰ ਤੇ ਡਾ. ਸੀਮਾ ਚੋਪੜਾ ਨੇ ਜਤਿੰਦਰ ਤੇ ਹਰਿੰਦਰ ਦੀਆਂ ਮ੍ਰਿਤਕ ਦੇਹਾਂ ਦਾ ਪੋਸਟਮਾਰਟਮ ਕੀਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
ਪੋਸਟਮਾਰਟਮ ਵਿਚ ਆਇਆ ਸੀ ਕਿ ਹਰਿੰਦਰ ਨੂੰ 2 ਗੋਲੀਆਂ ਲੱਗੀਆਂ ਸਨ। ਸੱਜੇ ਪਾਸੇ ਤੋਂ ਚਲਾਈ ਇਕ ਗੋਲੀ ਹਰਿੰਦਰ ਦੇ ਸਰੀਰ ਦੇ ਆਰ-ਪਾਰ ਹੋ ਗਈ ਸੀ ਜਦੋਂ ਕਿ ਛਾਤੀ ‘ਤੇ ਚਲਾਈ ਗੋਲੀ ਸਰੀਰ ‘ਚ ਹੀ ਧਸੀ ਰਹਿ ਗਈ। ਹਰਿੰਦਰ ‘ਤੇ ਚਲਾਈਆਂ ਗੋਲੀਆਂ ‘ਚੋਂ ਇਕ ਉਸ ਦੀ ਬਾਂਹ ‘ਤੇ ਲੱਗੀ ਸੀ। ਜਤਿੰਦਰ ਨੂੰ ਬਹੁਤ ਨੇੜਿਓਂ ਦੋ ਗੋਲੀਆਂ ਮਾਰੀਆਂ ਗਈਆਂ।ਇਕ ਗੋਲੀ ਸਿਰ ‘ਚ ਮਾਰੀ ਗਈ, ਜੋ ਗਰਦਨ ਤੋਂ ਪਾਰ ਨਿਕਲ ਗਈ।
