ਜਿਸ ਉਮਰ ਵਿਚ ਬੱਚੇ ਟਾਫੀ-ਚਾਕਲੇਟ ਲਈ ਲੜਦੇ ਰਹਿੰਦੇ ਹਨ, ਸਕੂਲ ਜਾਣ ਵਿਚ ਝਿਜਕਦੇ ਹਨ, ਉਸ ਉਮਰ ਵਿਚ ਇਕ ਬੱਚੀ ਆਪਣੀ ਹੁਨਰ ਦੀ ਬਦੌਲਤ ਇੰਟਰਨੈੱਟ ਸੈਂਸੇਸ਼ਨ ਬਣ ਗਈ। ਦੁਨੀਆ ਭਰ ਵਿਚ ਉਸ ਦੀ ਤਾਰੀਫ ਹੋ ਰਹੀ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਹਰਿਆਣਾ ਦੇ ਪੰਚਕੂਲਾ ਦੀ 8 ਸਾਲ ਦੀ ਅਰਸ਼ੀਆ ਗੋਸਵਾਮੀ ਦੀ। ਜੋ ਆਪਣੇ ਸ਼ਾਨਦਾਰ ਵੇਟਲਿਫਟਿੰਗ ਸਕਿਲੱਸ ਨਾਲ ਛਾ ਗਈ ਹੈ। ਉਸ ਦੇ ਵੀਡੀਓ ਇੰਸਟਾਗ੍ਰਾਮ ‘ਤੇ ਖੂਬ ਵਾਇਰਲ ਹੋ ਰਹੇ ਹਨ। ਲੋਕ ਉਨ੍ਹਾਂ ਨੂੰ ਦੇਖ ਕੇ ਅਗਲੀ ਮੀਰਾਬਾਈ ਚਾਨੂ ਤੱਕ ਕਰਾਰ ਦੇਣ ਲੱਗੇ ਹਨ।
ਇੰਸਟਾਗ੍ਰਾਮ ‘ਤੇ @fit_arshia ਅਕਾਊਂਟ ਤੋਂ ਵੀਡੀਓ ਸ਼ੇਅਰ ਕੀਤਾ ਗਿਆ ਹੈ। ਇਸ ਵਿਚ ਸਿਰਫ 8 ਸਾਲ ਦੀ ਅਰਸ਼ੀਆ 60 ਕਿਲੋ ਵਜ਼ਨ ਆਸਾਨੀ ਨਾਲ ਚੁੱਕਦੀ ਨਜ਼ਰ ਆ ਰਹੀ ਹੈ। ਉਸ ਦੇ ਅਸਾਧਾਰਨ ਪ੍ਰਦਰਸ਼ਨ ਨੇ ਕਈ ਸੋਸ਼ਲ ਮੀਡੀਆ, ਯੂਜ਼ਰ ਤੇ ਪ੍ਰੋਫੈਸ਼ਨਲਸ ਨੂੰ ਹੈਰਾਨ ਕਰ ਦਿੱਤਾ ਹੈ। ਵੀਡੀਓ ਨਾਲ ਉਨ੍ਹਾਂ ਨੇ ਕੈਪਸ਼ਨ ਲਿਖਿਆ ਹੁਣ ਦੀ ਸਭ ਤੋਂ ਛੋਟੀ ਤੇ ਸਭ ਤੋਂ ਮਜ਼ਬੂਤ ਕੁੜੀ। ਅਰਸ਼ੀਆ 60 ਕਿਲੋ ਡੈਡਲਿਫਟ ਨੂੰ ਇਕ ਵਾਰ ਚੁੱਕਦੀ ਹੈ ਤੇ ਹੇਠਾਂ ਰੱਖਣ ਤੋਂ ਪਹਿਲਾਂ ਕਾਫੀ ਦੇਰ ਤੱਕ ਉਸ ਨੂੰ ਹਵਾ ਵਿਚ ਚੁੱਕ ਕੇ ਰੱਖਦੀ ਹੈ ਤੇ ਅਖੀਰ ਵਿਚ ਉਹ ਆਤਮਵਿਸ਼ਵਾਸ ਜਨੂੰਨ ਤੇ ਮਾਣ ਨਾਲ ਕੈਮਰੇ ਵੱਲ ਚੱਲਦੀ ਹੋਈ ਨਜ਼ਰ ਆਉਂਦੀ ਹੈ।
ਇਹ ਵੀ ਪੜ੍ਹੋ : ਖੜਗੇ ਦਾ ਮੋਦੀ ਸਰਕਾਰ ‘ਤੇ ਨਿਸ਼ਾਨਾ-‘ਲੋਕਤੰਤਰ ਇਮਾਰਤਾਂ ਨਾਲ ਨਹੀਂ, ਜਨਤਾ ਦੀ ਆਵਾਜ਼ ਨਾਲ ਚੱਲਦਾ ਹੈ’
ਵੀਡੀਓ ਨੂੰ ਦੋ ਦਿਨ ਪਹਿਲਾਂ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਸ਼ਾਂਝਾ ਕੀਤਾ ਗਿਆ ਸੀ ਤੇ ਉਦੋਂ ਤੋਂ ਉਸ ਨੂੰ 20 ਹਜ਼ਾਰ ਲਾਈਕਸ ਮਿਲ ਚੁੱਕੇ ਹਨ। ਹੁਣ ਤੱਕ ਇਸ ਨੂੰ 251,000 ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਇੰਟਰਨੈੱਟ ਯੂਜਰ ਉਸ ਦੀ ਪ੍ਰਤਿਭਾ ਨੂੰ ਦੇਖ ਕੇ ਹੈਰਾਨ ਹਨ। ਬਹੁਤ ਸਾਰੇ ਲੋਕਾਂ ਨੇ ਉਸ ਦੇ ਪ੍ਰਦਰਸ਼ਨ ਨੂੰ ਸ਼ਾਨਦਾਰ ਕਰਾਰ ਦਿੱਤਾ। ਕਈ ਲੋਕਾਂ ਨੇ ਪਿਆਰ ਭਰੇ ਇਮੋਜੀ ਸ਼ੇਅਰ ਕੀਤਾ ਹੈ ਤੇ ਉਸ ਨੂੰ ਅਜੇ ਤੋਂ ਸੁਪਰਸਟਾਰ ਦੱਸ ਰਹੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
