ਯੂਪੀ ਦੇ ਆਸਮਾਨ ‘ਚ ਦਿਖੀ ਰੌਸ਼ਨੀ ਦੀ ਲਾਈਨ, ਹਾਈ ਸਪੀਡ ਇੰਟਰਨੈੱਟ ਲਈ ਏਲਨ ਮਸਕ ਦੀ ਤਿਆਰੀ

ਦੁਨੀਆ ਵਿਚ ਹਾਈ ਸਪੀਡ ਇੰਟਰਨੈਟ ਨੂੰ ਲੈ ਕੇ ਕਈ ਕੰਪਨੀਆਂ ਤਰ੍ਹਾਂ-ਤਰ੍ਹਾਂ ਦੀਆਂ ਤਿਆਰੀਆਂ ਕਰ ਰਹੀਆਂ ਹਨ। ਇਸੇ ਦੌੜ ਵਿਚ ਏਲਨ ਮਸਕ ਵੀ ਪਿੱਛੇ ਨਹੀਂ ਹਨ। ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਅਤੇ ਲਖਮਪੁਰ ਖੀਰੀ ਵਰਗੇ ਕਈ ਸ਼ਹਿਰਾਂ ਵਿਚ ਸੋਮਵਾਰ ਯਾਨੀ 12 ਸਤੰਬਰ 2022 ਦੀ ਰਾਤ ਆਸਮਾਨ ਵਿਚ ਰੌਸ਼ਨੀ ਦੀ ਇਕ ਲਾਈਨ ਦਿਖਾਈ ਦਿੱਤੀ। ਇਹ ਰੌਸ਼ਨੀ ਦੀ ਕਤਾਰ ਰਾਤ ਵਿਚ ਅਜੀਬ ਜਿਹੀ ਆਕ੍ਰਿਤੀ ਤਿਆਰ ਕਰ ਰਹੀ ਸੀ।

ਦਰਅਸਲ ਇਹ ਸਪੇਸਐਕਸ ਦੇ ਮਾਲਿਕ ਏਲਨ ਮਸਕ ਦੇ ਸਟਾਰਲਿੰਕ ਇੰਟਰਨੈੱਟ ਸੈਟੇਲਾਈਟ ਦੀ ਝਲਕ ਹੈ। ਇਹ ਸੋਮਵਾਰ ਨੂੰ ਭਾਰਤ ਦੇ ਆਸਮਾਨ ਤੋਂ ਲੰਘੀ। ਏਲਨ ਮਸਕ ਇਨ੍ਹਾਂ ਸੈਟੇਲਾਈਟਾਂ ਨੂੰ ਹਰ ਦੂਜੇ ਮਹੀਨੇ ਆਪਣੇ ਫਾਲਕਨ 9 ਰਾਕੇਟ ਤੋਂ ਪੁਲਾੜ ਵਿਚ ਛੱਡਦੇ ਹਨ। ਇਸ ਦੇ ਰਾਕੇਟ ਦੇ ਦੋ ਸਟੇਜ ਹੁੰਦੇ ਹਨ। ਪਹਿਲਾਂ ਲਾਂਚ ਹੋਣ ਦੇ ਬਾਅਦ ਉਹ ਭਰਤੀ ‘ਤੇ 9 ਮਹੀਨੇ ਬਾਅਦ ਵਾਪਸ ਪਰਤ ਆਉਂਦਾ ਹੈ। ਦੂਜਾ ਸੈਟੇਲਾਈਟ ਨੂੰ ਧਰਤੀ ਦੀ ਹੇਠਲੀ ਕਲਾਸ ਵਿਚ ਸਥਾਪਤ ਕਰਨਾ ਹੈ। ਬੀਤੇ ਸਾਲ ਵੀ ਦਸੰਬਰ ਦੇ ਮਹੀਨੇ ਵਿਚ ਪੰਜਾਬ ਵਿਚ ਸਟਾਰਲਿੰਕ ਸੈਟੇਲਾਈਟਸ ਦੇਖਣ ਨੂੰ ਮਿਲੇ ਸਨ। ਲੋਕਾਂ ਨੇ ਆਸਮਾਨ ਵਿਚ ਅਜੀਬ ਚੀਜ਼ਾਂ ਨੂੰ ਦੇਖਣ ਦੀ ਗੱਲ ਕਹੀ ਸੀ।

ਇਹ ਵੀ ਪੜ੍ਹੋ : ਗ੍ਰਹਿ ਮੰਤਰਾਲੇ ਨੇ ਕੇਂਦਰੀ ਡੈਪੂਟੇਸ਼ਨ ਲਈ ਵੀਕੇ ਭਾਵਰਾ ਤੇ ਹਰਪ੍ਰੀਤ ਸਿੱਧੂ ਦੇ ਨਾਂ ਨੂੰ ਦਿੱਤੀ ਮਨਜ਼ੂਰੀ

ਏਲਨ ਮਸਕ ਹੁਣ ਆਪਣੇ ਇਸ ਪ੍ਰੋਗਰਾਮ ਜ਼ਰੀਏ ਦੁਨੀਆ ਨੂੰ ਤੇਜ਼ ਇੰਟਰਨੈੱਟ ਦੀ ਸਹੂਲਤ ਦੇਣਾ ਚਾਹੁੰਦੇ ਹਨ। ਇਸ ਸੈਟੇਲਾਈਟ ਦਾ ਫਾਇਦਾ ਹੁਣ ਤੱਕ 40 ਦੇਸ਼ ਉਠਾ ਰਹੇ ਹਨ। ਰੂਸ ਤੇ ਯੂਕਰੇਨ ਵਿਚ ਜਾਰੀ ਯੁੱਧ ਵਿਚ ਏਲਨ ਮਸਕ ਨੇ ਯੂਕਰੇਨ ਨੂੰ ਇਸ ਸੈਟੇਲਾਈਟ ਦੀ ਬਦੌਲਤ ਇੰਟਰਨੈਟ ਦੀ ਸਹੂਲਤ ਪ੍ਰਦਾਨ ਕੀਤੀ ਸੀ।

ਸਪੇਸਐਕਸ ਕੰਪਨੀ ਨੇ ਮਾਰਚ 2022 ਵਿਚ ਇਸ ਗੱਲ ਦਾ ਐਲਾਨ ਕੀਤਾ ਸੀ ਕਿ ਸਟਾਰਲਿੰਗ ਦੇ 250 ਲੱਖ ਸਬਸਕ੍ਰਾਈਬਰਸ ਬਣ ਚੁੱਕੇ ਹਨ। ਇਹ ਮਈ ਵਿਚ ਹੋਰ ਜ਼ਿਆਦਾ ਹੋ ਕੇ 4 ਲੱਖ ਤੱਕ ਪਹੁੰਚ ਗਏ। ਹੁਣ ਤੱਕ ਫਿਲਿਪੀਂਸ ਹੀ ਏਸ਼ੀਆ ਦਾ ਇਕੋ ਇਕ ਦੇਸ਼ ਹੈ ਜੋ ਇਸ ਸਰਵਿਸ ਦਾ ਫਾਇਦਾ ਲੈ ਰਿਹਾ ਹੈ। ਇਹ ਸੈਟੇਲਾਈਟ ਧਰਤੀ ਤੋਂ 550 ਤੋਂ 570 ਕਿਲੋਮੀਟਰ ਦੀ ਉਚਾਈ ‘ਤੇ ਉਡਦੇ ਹਨ। ਇਸ ਦੌਰਾਨ ਸੂਰਜ ਦੀ ਰੌਸ਼ਨੀ ਕਾਰਨ ਇਹ ਰਾਤ ਨੂੰ ਚਮਕਦੇ ਹਨ। ਇਨ੍ਹਾਂ ਨੂੰ ਦੇਖ ਕੇ ਅਜਿਹਾ ਲੱਗਦਾ ਹੈ ਕਿ ਕਈ ਬਲਬਾਂ ਦੀ ਲੰਬੀ ਲਾਈਨ ਆਸਮਾਨ ਵਿਚ ਉਡ ਰਹੀ ਹੋਵੇ।

ਵੀਡੀਓ ਲਈ ਕਲਿੱਕ ਕਰੋ -:

“ਸਿੱਖ ਗੱਭਰੂ ਨੇ ਫੱਟੇ ਚੱਕ’ਤੇ ! ਕੈਨੇਡਾ ਦੀ Top University ਤੋਂ ਮਿਲੀ 2 ਕਰੋੜ ਦੀ ਸਕਾਲਰਸ਼ਿਪ ! ਪੁੱਤ ‘ਤੇ ਮਾਣ ਕਰਦੇ ਨੇ ਮਾਪੇ ! “