ਦੁਨੀਆ ਦੇ ਇਕਲੌਤੇ ਸ਼ਾਕਾਹਾਰੀ ਮਗਰਮੱਛ ਦਾ ਕੇਰਲ ਵਿਚ ਦੇਹਾਂਤ ਹੋ ਗਿਆ। 70 ਸਾਲ ਤੋਂ ਇਹ ਮਗਰਮੱਛ ਕਾਸਰਗੋਡ ਜ਼ਿਲ੍ਹੇ ਦੇ ਸ਼੍ਰੀ ਅਨੰਦਪਦਨਾਭਸਵਾਮੀ ਮੰਦਰ ਦੀ ਝੀਲ ਵਿਚ ਰਹਿੰਦਾ ਸੀ। ਅਨੰਤਪੁਰਾ ਝੀਲ ਵਿੱਚ ਰਹਿ ਕੇ ਮੰਦਰ ਦੇ ਚੌਗਿਰਦੇ ਦੀ ਰਾਖੀ ਕਰਦਾ ਸੀ। ਪੁਜਾਰੀਆਂ ਨੇ ਹਿੰਦੂ ਰੀਤੀ ਰਿਵਾਜਾਂ ਅਨੁਸਾਰ ਮਗਰਮੱਛ ਦੀ ਅੰਤਿਮ ਯਾਤਰਾ ਕੱਢੀ। ਉਸ ਨੂੰ ਇਮਾਰਤ ਦੇ ਨੇੜੇ ਹੀ ਦਫ਼ਨਾਇਆ ਗਿਆ।
ਮਗਰਮੱਛ ਨੂੰ ਪਿਆਰ ਨਾਲ ਬਾਬੀਆ ਕਿਹਾ ਜਾਂਦਾ ਸੀ। ਉਹ ਮੰਦਰ ਵਿਚ ਚੜ੍ਹਾਏ ਜਾਣ ਵਾਲੇ ਚਾਵਲ-ਗੁੜ ਦੇ ਪ੍ਰਸਾਦ ਨੂੰ ਖਾਧਾ ਸੀ। ਬਾਬੀਆ ਸ਼ਨੀਵਾਰ ਤੋਂ ਲਾਪਤਾ ਸੀ। ਐਤਵਾਰ ਰਾਤ ਲਗਭਗ 11.30 ਵਜੇ ਉਸ ਦੀ ਲਾਸ਼ ਝੀਲ ਵਿਚ ਤੈਰਦੀ ਮਿਲੀ। ਇਸ ਦੇ ਬਾਅਦ ਮੰਦਰ ਪ੍ਰਸ਼ਾਸਨ ਨੇ ਪਸ਼ੂਪਾਲਣ ਵਿਭਾਗ ਤੇ ਪੁਲਿਸ ਨੂੰ ਸੂਚਨਾ ਦਿੱਤੀ।
ਮਗਰਮੱਛ ਨੂੰ ਆਖਰੀ ਵਾਰ ਦੇਖਣ ਲਈ ਕਈ ਰਾਜਨੇਤਾ ਅਤੇ ਸੈਂਕੜੇ ਲੋਕ ਆਏ। ਜਦੋਂ ਭੀੜ ਵਧਣ ਲੱਗੀ ਤਾਂ ਲਾਸ਼ ਨੂੰ ਝੀਲ ‘ਚੋਂ ਕੱਢ ਕੇ ਖੁੱਲ੍ਹੀ ਥਾਂ ‘ਤੇ ਰੱਖ ਦਿੱਤਾ ਗਿਆ। ਬਾਬੀਆ ਨੂੰ ਦੇਖਣ ਲਈ ਕੇਂਦਰੀ ਰਾਜ ਮੰਤਰੀ ਸ਼ੋਭਾ ਕਰੰਦਲਾਜੇ ਵੀ ਪਹੁੰਚੀ। ਉਨ੍ਹਾਂ ਸ਼ਰਧਾਂਜਲੀ ਭੇਟ ਕਰਦਿਆਂ ਕਿਹਾ ਕਿ ਮਗਰਮੱਛ 70 ਸਾਲਾਂ ਤੋਂ ਮੰਦਰ ਵਿੱਚ ਰਹਿੰਦਾ ਸੀ। ਰੱਬ ਉਨ੍ਹਾਂ ਨੂੰ ਮੁਕਤੀ ਦੇਵੇ।
ਪੁਜਾਰੀਆਂ ਦਾ ਦਾਅਵਾ ਹੈ ਕਿ ਮਗਰਮੱਛ ਪੂਰੀ ਤਰ੍ਹਾਂ ਸ਼ਾਕਾਹਾਰੀ ਸੀ ਅਤੇ ਝੀਲ ਵਿੱਚ ਮੱਛੀ ਜਾਂ ਹੋਰ ਜੀਵ ਨਹੀਂ ਖਾਂਧਾ ਸੀ। ਬਾਬਾ ਇੱਕ ਗੁਫਾ ਵਿੱਚ ਰਹਿੰਦਾ ਸੀ। ਉਹ ਮੰਦਰ ਦੇ ਦਰਸ਼ਨਾਂ ਲਈ ਦਿਨ ਵਿੱਚ ਦੋ ਵਾਰ ਗੁਫਾ ਛੱਡਦਾ ਸੀ ਅਤੇ ਥੋੜ੍ਹੀ ਜਿਹੀ ਸੈਰ ਕਰਨ ਤੋਂ ਬਾਅਦ ਅੰਦਰ ਚਲਾ ਜਾਂਦਾ ਸੀ।
ਮਗਰਮੱਛ ਮੰਦਰ ਵਿੱਚ ਚੜ੍ਹਾਏ ਜਾਣ ਵਾਲੇ ਪ੍ਰਸ਼ਾਦ ਨੂੰ ਹੀ ਖਾਂਦਾ ਸੀ। ਉਸਨੂੰ ਪਕਾਏ ਹੋਏ ਚੌਲ ਅਤੇ ਗੁੜ ਬਹੁਤ ਪਸੰਦ ਸਨ। ਬਹੁਤ ਸਾਰੇ ਲੋਕ ਬਾਬੀਆ ਦੇ ਦਰਸ਼ਨਾਂ ਤੋਂ ਇਲਾਵਾ ਭਗਵਾਨ ਦੇ ਦਰਸ਼ਨਾਂ ਲਈ ਵੀ ਆਉਂਦੇ ਸਨ ਅਤੇ ਆਪਣੇ ਹੱਥਾਂ ਨਾਲ ਚੌਲ ਖੁਆਉਂਦੇ ਸਨ। ਲੋਕਾਂ ਦਾ ਦਾਅਵਾ ਹੈ ਕਿ ਮਗਰਮੱਛ ਨੇ ਅੱਜ ਤੱਕ ਕਿਸੇ ਨੂੰ ਨੁਕਸਾਨ ਨਹੀਂ ਪਹੁੰਚਾਇਆ।
ਮੰਨਿਆ ਜਾਂਦਾ ਹੈ ਕਿ ਸਦੀਆਂ ਪਹਿਲਾਂ ਇਸ ਮੰਦਰ ਵਿੱਚ ਇੱਕ ਮਹਾਤਮਾ ਤਪੱਸਿਆ ਕਰ ਰਹੇ ਸਨ। ਫਿਰ ਭਗਵਾਨ ਕ੍ਰਿਸ਼ਨ ਨੇ ਬੱਚੇ ਦਾ ਰੂਪ ਲੈ ਕੇ ਮਹਾਤਮਾ ਨੂੰ ਪਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਤੋਂ ਨਾਰਾਜ਼ ਹੋ ਕੇ ਮਹਾਤਮਾ ਨੇ ਕ੍ਰਿਸ਼ਨ ਨੂੰ ਤਾਲਾਬ ਵਿੱਚ ਧੱਕ ਦਿੱਤਾ। ਜਦੋਂ ਉਸ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ ਤਾਂ ਉਸ ਨੇ ਰੱਬ ਨੂੰ ਲੱਭਣਾ ਸ਼ੁਰੂ ਕੀਤਾ, ਪਰ ਪਾਣੀ ਵਿਚ ਕੋਈ ਨਾ ਮਿਲਿਆ।
ਘਟਨਾ ਦੇ ਬਾਅਦ ਕੋਲ ਇਕ ਗੁਫਾ ਦਿਖਾਈ ਦਿੱਤੀ। ਲੋਕਾਂ ਦਾ ਮੰਨਣਾ ਹੈ ਕਿ ਇਸੇ ਗੁਫਾ ਤੋਂ ਭਗਵਾਨ ਗਾਇਬ ਹੋ ਗਏ ਸਨ। ਕੁਝ ਦਿਨਾਂ ਬਾਅਦ ਇਥੇ ਮਗਰਮੱਛ ਆਉਣ-ਜਾਣ ਲੱਗਾ।
ਮੰਦਰ ਦੇ ਆਸ-ਪਾਸ ਰਹਿਣ ਵਾਲੇ ਬਿਰਧਾਂ ਦਾ ਕਹਿਣਾ ਹੈ ਕਿ ਝੀਲ ਵਿਚ ਰਹਿਣ ਵਾਲਾ ਇਹ ਤੀਜਾ ਮਗਰਮੱਛ ਸੀ। ਉਥੇ ਇਕ ਹੀ ਮਗਰਮੱਛ ਦਿਖਾਈ ਦਿੰਦਾ ਸੀ। ਉਸ ਦੇ ਬੁੱਢੇ ਹੋ ਕੇ ਮਰ ਜਾਣ ਦੇ ਬਾਅਦ ਨਵਾਂ ਮਗਰਮੱਛ ਅਚਾਨਕ ਆ ਜਾਂਦਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
