ਕੇਂਦਰ ਸਰਕਾਰ ਨੇ ਕੋਰੋਨਵਾਇਰਸ ਮਹਾਂਮਾਰੀ ਦੇ ਦੌਰਾਨ 2020 ਵਿੱਚ ਘਰੇਲੂ ਏਅਰਲਾਈਨਾਂ ‘ਤੇ ਲਗਾਈ ਗਈ ਹਵਾਈ ਕਿਰਾਏ ਦੀ ਸੀਮਾ ਨੂੰ ਹਟਾਉਣ ਦਾ ਫੈਸਲਾ ਕੀਤਾ ਹੈ। ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਨੇ ਬੁੱਧਵਾਰ ਨੂੰ ਟਿਕਟਾਂ ਦੀਆਂ ਕੀਮਤਾਂ ‘ਤੇ ਪਾਬੰਦੀ ਹਟਾਉਂਦੇ ਹੋਏ ਕਿਹਾ ਕਿ ਹਵਾਈ ਕਿਰਾਏ ਦੀ ਸੀਮਾ 31 ਅਗਸਤ ਤੋਂ ਹਟਾ ਦਿੱਤੀ ਜਾਵੇਗੀ।
ਹਵਾਬਾਜ਼ੀ ਮੰਤਰਾਲੇ ਦੇ ਅਨੁਸਾਰ, ਹਵਾਈ ਕਿਰਾਏ ਦੀ ਸੀਮਾ ਨੂੰ ਹਟਾਉਣ ਦਾ ਫੈਸਲਾ ਰੋਜ਼ਾਨਾ ਦੀ ਮੰਗ ਅਤੇ ATF ਕੀਮਤ ਵਿਸ਼ਲੇਸ਼ਣ ਤੋਂ ਬਾਅਦ ਲਿਆ ਗਿਆ ਹੈ। ਏਅਰ ਕੈਪ ਹਟਾਉਣ ਨਾਲ ਏਅਰਲਾਈਨ ਕੰਪਨੀਆਂ ਨੂੰ ਰਾਹਤ ਮਿਲੇਗੀ ਅਤੇ ਉਹ ਉਸੇ ਹਿਸਾਬ ਨਾਲ ਰੇਟ ਤੈਅ ਕਰ ਸਕਣਗੀਆਂ। ਨਵੀਂ ਏਅਰਲਾਈਨ ਕੰਪਨੀ ਆਕਾਸਾ ਏਅਰਲਾਈਨ ਨੇ ਟਿਕਟਾਂ ਸਸਤੇ ‘ਚ ਵੇਚ ਕੇ ਇੰਡੀਗੋ, ਗੋਫਰਸਟ ਸਮੇਤ ਏਅਰਲਾਈਨ ਕੰਪਨੀਆਂ ਵਿਚਾਲੇ ਮੁਕਾਬਲਾ ਵਧਾ ਦਿੱਤਾ ਹੈ।
ਦੱਸ ਦੇਈਏ ਕਿ ਕੋਰੋਨਾ ਮਹਾਮਾਰੀ ਦੌਰਾਨ ਸਰਕਾਰ ਨੇ ਏਅਰਲਾਈਨਾਂ ਲਈ ਕਿਰਾਇਆ ਕੈਪ ਸਿਸਟਮ ਏਅਰਕੈਪ ਲਾਗੂ ਕੀਤਾ ਸੀ। ਇਸ ਮੁਤਾਬਕ ਸਰਕਾਰ ਹਰ 15 ਦਿਨਾਂ ਬਾਅਦ ਏਅਰਲਾਈਨਜ਼ ਦੇ ਘੱਟੋ-ਘੱਟ ਅਤੇ ਵੱਧ ਤੋਂ ਵੱਧ ਕਿਰਾਏ ਦਾ ਬੈਂਡ ਤੈਅ ਕਰਦੀ ਸੀ। ਏਅਰਲਾਈਨਾਂ ਆਪਣੇ ਕਿਰਾਏ ਨੂੰ ਇਸ ਬੈਂਡ ਤੋਂ ਉੱਪਰ ਜਾਂ ਹੇਠਾਂ ਨਹੀਂ ਰੱਖ ਸਕਦੀਆਂ ਹਨ।
ਮੰਤਰਾਲਾ ਨੇ ਕੋਵਿਡ-19 ਮਹਾਮਾਰੀ ਦੇ ਕਾਰਨ ਦੋ ਮਹੀਨਿਆਂ ਦੇ ਲੌਕਡਾਊਨ ਤੋਂ ਬਾਅਦ 25 ਮਈ, 2020 ਨੂੰ ਏਅਰਲਾਈਨਾਂ ਦੁਬਾਰਾ ਸ਼ੁਰੂ ਹੋਣ ‘ਤੇ ਉਡਾਣ ਦੀ ਮਿਆਦ ਦੇ ਆਧਾਰ ‘ਤੇ ਘਰੇਲੂ ਹਵਾਈ ਕਿਰਾਏ ‘ਤੇ ਹੇਠਲੀਆਂ ਅਤੇ ਉਪਰਲੀਆਂ ਸੀਮਾਵਾਂ ਲਗਾ ਦਿੱਤੀਆਂ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
“Fastway ਨੂੰ ਲਗਾ ਗਏ ਲੱਖਾਂ ਦਾ ਚੂਨਾ, ਭਰੋਸਾ ਜਿੱਤਣ ਤੋਂ ਬਾਅਦ ਸੁਣੋ ਕਿਵੇਂ ਕੀਤਾ Fraud, ਪਰ ਹੁਣ ਵਾਪਿਸ ਕਰਨਾ ਪੈਣਾ “
ਇਸ ਦੇ ਤਹਿਤ, ਏਅਰਲਾਈਨਜ਼ 40 ਮਿੰਟਾਂ ਤੋਂ ਘੱਟ ਸਮੇਂ ਦੀਆਂ ਘਰੇਲੂ ਉਡਾਣਾਂ ਲਈ 2,900 ਰੁਪਏ (ਜੀਐਸਟੀ ਨੂੰ ਛੱਡ ਕੇ) ਤੋਂ ਘੱਟ ਅਤੇ 8,800 ਰੁਪਏ (ਜੀਐਸਟੀ ਨੂੰ ਛੱਡ ਕੇ) ਤੋਂ ਵੱਧ ਕਿਰਾਏ ‘ਤੇ ਯਾਤਰੀ ਤੋਂ ਨਹੀਂ ਵਸੂਲ ਸਕਦੀਆਂ। ਕੋਰੋਨਾਵਾਇਰਸ ਮਹਾਂਮਾਰੀ ਨੇ ਦੇਸ਼ ਦੇ ਹਵਾਬਾਜ਼ੀ ਖੇਤਰ ਨੂੰ ਲਗਭਗ ਤਬਾਹ ਕਰ ਦਿੱਤਾ ਸੀ। ਹਾਲਾਂਕਿ, ਹੁਣ ਖੇਤਰ ਰਿਕਵਰੀ ਮੋਡ ਵਿੱਚ ਹੈ। ਖਾਸ ਤੌਰ ‘ਤੇ ਹਵਾਈ ਯਾਤਰੀਆਂ ਦੇ ਮਾਮਲੇ ‘ਚ ਉਛਾਲ ਆਇਆ ਹੈ।
