ਆਪਣਾ ਪੁਲਾੜ ਸਟੇਸ਼ਨ ਬਣਾ ਰਹੇ ਚੀਨ ਨੂੰ ਇੱਕ ਹੋਰ ਵੱਡਾ ਝਟਕਾ ਲੱਗਾ ਹੈ। ਚੀਨੀ ਪੁਲਾੜ ਏਜੰਸੀ ਵੱਲੋਂ ਭੇਜਿਆ ਗਿਆ 23 ਟਨ ਦਾ ਰਾਕੇਟ ਲਾਂਚਿੰਗ ਤੋਂ ਬਾਅਦ ਫੇਲ੍ਹ ਹੋ ਗਿਆ ਹੈ ਅਤੇ ਧਰਤੀ ਵੱਲ ਵਾਪਸ ਡਿੱਗ ਰਿਹਾ ਹੈ। ਇਹ ਰਾਕੇਟ ਮੇਂਗਟੀਅਨ ਮਾਡਿਊਲ ਨੂੰ ਲੈ ਕੇ ਸਪੇਸ ਸਟੇਸ਼ਨ ਲਈ ਉੱਡਿਆ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਚੀਨੀ ਵਿਗਿਆਨੀ ਰਾਕੇਟ ਨੂੰ ਆਰਬਿਟ ਵਿੱਚ ਨਹੀਂ ਲਗਾ ਸਕੇ, ਜਿਸ ਤੋਂ ਬਾਅਦ ਇਹ ਭਾਰੀ ਰਾਕੇਟ ਧਰਤੀ ਵੱਲ ਡਿੱਗ ਰਿਹਾ ਹੈ। ਇਸ ਰਾਕੇਟ ਨੂੰ ਪਿਛਲੇ ਹਫਤੇ ਲਾਂਚ ਕੀਤਾ ਗਿਆ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਚਾਈਨਾ ਮੈਨਡ ਸਪੇਸ ਏਜੰਸੀ (CSMA) ਨੇ ਮੇਂਗਟੀਅਨ ਮਾਡਿਊਲ ਨਾਲ ਲੌਂਗ ਮਾਰਟ 5ਬੀ ਰਾਕੇਟ ਨੂੰ ਤਿਆਨਗੋਂਗ ਸਪੇਸ ਸਟੇਸ਼ਨ ਲਈ ਲਾਂਚ ਕੀਤਾ। ਰਾਕੇਟ ਦੇ ਵਾਯੂਮੰਡਲ ਵਿੱਚ ਕ੍ਰੈਸ਼ ਅਤੇ ਸੜਨ ਦੀ ਉਮੀਦ ਹੈ, ਪਰ ਕੁਝ ਟੁਕੜੇ ਜ਼ਮੀਨ ‘ਤੇ ਡਿੱਗ ਸਕਦੇ ਹਨ। ਸਪੇਸ ਡਾਟ ਕਾਮ ਨੇ ਏਰੋਸਪੇਸ ਕਾਰਪੋਰੇਸ਼ਨ ਦੇ ਕਾਰਪੋਰੇਟ ਚੀਫ ਇੰਜੀਨੀਅਰ ਦੇ ਦਫਤਰ ਦੇ ਸਲਾਹਕਾਰ ਟੇਡ ਮੁਏਲਹਾਪਟ ਦੇ ਹਵਾਲੇ ਨਾਲ ਕਿਹਾ ਕਿ ਚੀਨ ਦਾ ਪੁਲਾੜ ਮਲਬਾ ਪੂਰੀ ਦੁਨੀਆ ਲਈ ਖ਼ਤਰਾ ਹੈ। ਦੁਨੀਆ ਦੀ ਲਗਭਗ 88 ਫੀਸਦੀ ਆਬਾਦੀ ਖਤਰੇ ‘ਚ ਹੈ।
ਇਹ ਵੀ ਪੜ੍ਹੋ : PAK : ਇਮਰਾਨ ਖਾਨ ਦੇ ਹਮਲਾਵਰ ਦਾ ਕਬੂਲਨਾਮਾ- ‘ਅਜ਼ਾਨ ਵੇਲੇੇ ਵਜਾਉਂਦੇ ਸੀ DJ ਇਸ ਲਈ…’
ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਵੀ ਇੱਕ ਚੀਨੀ ਰਾਕੇਟ ਬੇਕਾਬੂ ਹੋ ਕੇ ਧਰਤੀ ਦੇ ਵਾਯੂਮੰਡਲ ਵਿੱਚ ਦਾਖਲ ਹੋ ਗਿਆ ਸੀ। ਇਹ ਪੁਲਾੜ ਸਟੇਸ਼ਨ ‘ਤੇ ਭੇਜਿਆ ਗਿਆ ਦੂਜਾ ਰਾਕੇਟ ਸੀ। ਲਾਂਚ ਦੇ ਛੇ ਦਿਨਾਂ ਬਾਅਦ ਹੀ ਇਸ ਨੇ ਕੰਟਰੋਲ ਗੁਆ ਦਿੱਤਾ। ਰਾਕੇਟ ਦਾ ਕੰਟਰੋਲ ਗੁਆਉਣ ਤੋਂ ਬਾਅਦ ਚੀਨ ਨੇ ਇਸ ਬਾਰੇ ਕਿਸੇ ਨੂੰ ਜਾਣਕਾਰੀ ਨਹੀਂ ਦਿੱਤੀ। ਰਾਹਤ ਦੀ ਗੱਲ ਇਹ ਰਹੀ ਕਿ ਰਾਕੇਟ ਦਾ ਕੁਝ ਹਿੱਸਾ ਹਿੰਦ ਮਹਾਸਾਗਰ ਵਿੱਚ ਡਿੱਗ ਗਿਆ ਸੀ।
ਜ਼ਿਆਦਾਤਰ ਰਾਕੇਟ ਸੜ ਗਿਆ ਸੀ। ਇਸ ਦੇ ਬੂਸਟਰ ਅਤੇ ਲਾਂਚਰ ਦੇ ਕੁਝ ਹਿੱਸੇ ਮਲੇਸ਼ੀਆ ਅਤੇ ਇੰਡੋਨੇਸ਼ੀਆ ਸਮੇਤ ਦੱਖਣ-ਪੂਰਬੀ ਏਸ਼ੀਆ ਦੇ ਕੁਝ ਹਿੱਸਿਆਂ ‘ਤੇ ਡਿੱਗੇ ਹੋਏ ਪਾਏ ਗਏ ਸਨ। ਹਾਲਾਂਕਿ ਇਸ ਰਾਕੇਟ ਕਾਰਨ ਧਰਤੀ ‘ਤੇ ਕਿਸੇ ਵੀ ਜਾਨ-ਮਾਲ ਨੂੰ ਕੋਈ ਖਤਰਾ ਨਹੀਂ ਸੀ। ਚੀਨ ‘ਤੇ ਪਹਿਲਾਂ ਹੀ ਫੇਲ੍ਹ ਹੋਏ ਰਾਕੇਟ ਦੀ ਜਾਣਕਾਰੀ ਨਾ ਦੇਣ ਦੇ ਦੋਸ਼ ਲੱਗ ਚੁੱਕੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
