ਸੰਨੀ ਲਿਓਨੀ ਵੱਲੋਂ ‘ਮਧੁਬਨ ਮੇਂ ਰਾਧਿਕਾ ਨਾਚੇ’ ‘ਤੇ ਕੀਤੇ ਅਸ਼ਲੀਲ ਡਾਂਸ ‘ਤੇ ਵਿਵਾਦ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਹੁਣ ਵ੍ਰਿੰਦਾਵਨ ਦੇ ਉੱਘੇ ਕਥਾਵਾਚਕ ਦੇਵਕੀਨੰਦਨ ਠਾਕੁਰ ਮਹਾਰਾਜ ਵੀ ਇਸ ਨੂੰ ਲੈ ਕੇ ਨਾਰਾਜ਼ ਨਜ਼ਰ ਆਏ।
ਮੁੰਬਈ ਵਿੱਚ ਵਿਸ਼ਵ ਸ਼ਾਂਤੀ ਸੇਵਾ ਸਮਿਤੀ ਵੱਲੋਂ ਕਰਵਾਏ ਗਏ ਸ਼੍ਰੀਮਦ ਭਾਗਵਤ ਕਥਾ ਦੇ ਸਮਾਗਮ ਦੌਰਾਨ ਉਨ੍ਹਾਂ ਭਾਜਪਾ ਅਤੇ ਸ਼ਿਵ ਸੈਨਾ ਵਰਗੀਆਂ ਹਿੰਦੂਤਵਵਾਦੀ ਪਾਰਟੀਆਂ ਦੀ ਚੁੱਪ ‘ਤੇ ਤਿੱਖੇ ਸਵਾਲ ਕੀਤੇ ਹਨ।
ਕਥਾਵਾਚਕ ਦੇਵਕੀਨੰਦਨ ਠਾਕੁਰ ਮਹਾਰਾਜ ਨੇ ਕਿਸੇ ਦਾ ਨਾਂ ਲਏ ਬਗੈਰ ਕਿਹਾ ਕਿ ਜਦੋਂ ਸਾਡੇ ਰਾਧਾ-ਕ੍ਰਿਸ਼ਨ ਦਾ ਅਪਮਾਨ ਹੁੰਦਾ ਹੈ ਤਾਂ ਸਿਆਸੀ ਪਾਰਟੀਆਂ ਚੁੱਪ ਕਿਉਂ ਰਹਿੰਦੀਆਂ ਹਨ। ਜੇ ਤੁਸੀਂ ਹਿੰਦੂਤਵ ‘ਤੇ ਕੰਮ ਕਰਦੇ ਹੋ ਤਾਂ ਰਾਧਾ ਰਾਣੀ ਦਾ ਅਪਮਾਨ ਹੋਣ ‘ਤੇ ਆਵਾਜ਼ ਉਠਾਉਣੀ ਚਾਹੀਦੀ ਹੈ।
ਇੱਕ ਪੋਰਨ ਸਟਾਰ ਜਿਸ ਦਾ ਪਿਛਲਾ ਚਰਿੱਤਰ ਅਸ਼ਲੀਲਤਾ ਨਾਲ ਭਰਿਆ ਹੋਇਆ ਹੈ। ਉਹ ਰਾਧਾ ਰਾਣੀ ਦਾ ਨਾਂ ਲੈ ਕੇ ਲੱਤਾਂ ਦਿਖਾ ਕੇ ਤੇ ਅਸ਼ਲੀਲ ਢੰਗ ਨਾਲ ਡਾਂਸ ਕਰਦੀ ਹੈ ਤੇ ਸਾਰਾ ਹਿੰਦੂ ਸਮਾਜ ਚੁੱਪ ਰਹਿੰਦਾ ਹੈ। ਇਹ ਸਹੀ ਨਹੀਂ ਹੈ।
ਉਨ੍ਹਾਂ ਸਵਾਲੀਆ ਲਹਿਜ਼ੇ ਵਿੱਚ ਪੁੱਛਿਆ ਕਿ ਜੇ ਅਜਿਹਾ ਅਸ਼ਲੀਲ ਡਾਂਸ ਮੁਸਲਮਾਨ ਜਾਂ ਈਸਾਈ ਧਰਮ ਦੇ ਕਿਸੇ ਪ੍ਰਸਿੱਧ ਦੇਵੀ-ਦੇਵਤੇ ਦੇ ਨਾਂ ‘ਤੇ ਕੀਤਾ ਗਿਆ ਹੁੰਦਾ ਤਾਂ ਕੀ ਉਹ ਭਾਈਚਾਰਾ ਚੁੱਪ ਰਹਿੰਦਾ? ਜੇ ਅਸੀਂ ਹਿੰਦੂ ਹਾਂ ਤਾਂ ਅਸੀਂ ਆਪਣੇ ਧਰਮ ਦੇ ਦੇਵੀ-ਦੇਵਤਿਆਂ ਦੀ ਇੱਜ਼ਤ ਦੀ ਰਾਖੀ ਕਰਨੀ ਹੈ ਅਤੇ ਕੌਮ ਦੀ ਰਾਖੀ ਕਰਨੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”
ਉਨ੍ਹਾਂ ਕਿਹਾ ਕਿ ਰਾਧਾ ਜੀ ਦੇ ਨਾਂ ‘ਤੇ ਭਜਨ ‘ਤੇ ਅਸ਼ਲੀਲ ਡਾਂਸ ਕੀਤਾ ਜਾ ਰਿਹਾ ਹੈ। ਬਹੁਤ ਸ਼ਰਮ ਵਾਲੀ ਗੱਲ ਹੈ। ਇਸ ਗੀਤ ਵਿੱਚ ਸਾਡੀ ਕਿਸ਼ੋਰੀ ਜੀ (ਰਾਧਾ ਜੀ) ਅਤੇ ਕ੍ਰਿਸ਼ਨਾ ਜੀ ਦਾ ਨਾਮ ਲਿਆ ਜਾ ਰਿਹਾ ਹੈ। ਉਹ ਲੱਤਾਂ ਦਿਖਾ ਕੇ ਅਸ਼ਲੀਲ ਡਾਂਸ ਕਰ ਰਹੀ ਹੈ।
ਅਜਿਹਾ ਕਰਨ ਵਾਲਿਆਂ ਨੂੰ ਮੇਰੀ ਚੁਣੌਤੀ ਹੈ ਕਿ ਜੇ ਤੁਹਾਡੇ ‘ਚ ‘ਆਯਸ਼ਾ’ ਜਾਂ ‘ਸਕੀਨਾ’ ਦਾ ਨਾਂ ਲੈ ਕੇ ਗੀਤ ‘ਤੇ ਨੱਚਣ ਦੀ ਹਿੰਮਤ ਹੈ ਤਾਂ ਦਿਖਾਓ। ਅਸੀਂ ਆਪਣੀ ਰਾਧਾ ਰਾਣੀ ਦਾ ਇਹ ਅਪਮਾਨ ਬਰਦਾਸ਼ਤ ਨਹੀਂ ਕਰ ਸਕਦੇ। ਕੀ ਲੋਕਾਂ ਵਿੱਚ ਜ਼ਮੀਰ ਬਚਿਆ ਹੈ ਜਾਂ ਮਰ ਚੁੱਕਾ ਹੈ? ਉਨ੍ਹਾਂ ਇਹ ਸਵਾਲ ਉਠਾਉਂਦੇ ਹੋਏ ਕਿਹਾ ਕਿ ਕੀ ਲੋਕਾਂ ਦੇ ਅੰਦਰ ਹਿੰਦੂਤਵ ਜ਼ਿੰਦਾ ਹੈ ਜਾਂ ਨਹੀਂ?
