ਜਗਰਾਉਂ : ਘਰੇਲੂ ਦੁਸ਼ਮਣੀ ਕਾਰਨ ਇੱਕ ਔਰਤ ਨੇ ਖੌਫਨਾਕ ਕਦਮ ਚੁੱਕਿਆ। ਜੇਠਾਣੀ ਨੇ ਮਾਮੂਲੀ ਝਗੜੇ ਤੋਂ ਬਾਅਦ ਦੇਵਰਾਣੀ ਦੇ ਘਰ ਨੂੰ ਅੱਗ ਲਾ ਦਿੱਤੀ। ਜਿਸ ਸਮੇਂ ਇਹ ਘਟਨਾ ਵਾਪਰੀ, ਔਰਤ ਜਗਰਾਉਂ, ਅਜੀਤ ਨਗਰ ਦੇ ਇਲਾਕੇ ਵਿੱਚ ਆਪਣੇ ਪੇਕੇ ਘਰ ਗਈ ਹੋਈ ਸੀ। ਪੁਲਿਸ ਨੇ ਔਰਤ ਅਤੇ ਉਸ ਦੇ ਸਾਥੀ ਖ਼ਿਲਾਫ਼ ਥਾਣਾ ਸਿੱਧਵਾਂਬੇਟ ਵਿੱਚ ਕੇਸ ਦਰਜ ਕਰ ਲਿਆ ਹੈ।
ਸਬ ਇੰਸਪੈਕਟਰ ਹਰਦੀਪ ਸਿੰਘ ਨੇ ਦੱਸਿਆ ਕਿ ਪਿੰਡ ਗਿੱਦੜਵਿੰਡੀ ਦੀ ਵਸਨੀਕ ਰਮਨਦੀਪ ਕੌਰ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦੋਸ਼ ਲਾਇਆ ਕਿ 19 ਸਤੰਬਰ ਨੂੰ ਰਾਤ ਕਰੀਬ 10:30 ਵਜੇ ਮੈਨੂੰ ਫੋਨ ਆਇਆ ਕਿ ਤੁਹਾਡੇ ਘਰ ਨੂੰ ਅੱਗ ਲੱਗ ਗਈ ਹੈ। ਇਸ ‘ਤੇ ਮੈਂ ਫੋਨ ਕਰਨ ਵਾਲੇ ਨੂੰ ਕਿਹਾ ਕਿ ਹੁਣ ਰਾਤ ਹੋ ਗਈ ਹੈ, ਤੁਸੀਂ ਦੇਖੋ, ਮੈਂ ਸਵੇਰੇ ਆਵਾਂਗੀ ਅਤੇ ਵੇਖਾਂਗੀ। ਜਦੋਂ ਮੈਂ ਸਵੇਰੇ ਆਪਣੇ ਘਰ ਦੇਖਣ ਗਈ ਤਾਂ ਮੇਰੇ ਕਮਰੇ ਦਾ ਤਾਲਾ ਟੁੱਟਿਆ ਹੋਇਆ ਸੀ ਅਤੇ ਕਮਰੇ ਦੇ ਅੰਦਰ ਪਏ ਬਕਸੇ ਦਾ ਤਾਲਾ ਵੀ ਟੁੱਟਾ ਹੋਇਆ ਸੀ।
ਜਿਸ ਵਿੱਚ ਪਿਆ ਮੇਰਾ ਸਮਾਨ ਅਤੇ ਕੱਪੜੇ ਆਦਿ ਸੜ ਗਏ। ਇਸ ਤੋਂ ਇਲਾਵਾ ਕਣਕ ਦੇ ਡਰੰਮ ਅਤੇ ਚਾਰਪਾਈ ਵੀ ਸੜੀ ਗਈ। ਅੱਗ ਕਾਰਨ ਛੱਤ ਹੇਠਾਂ ਡਿੱਗ ਗਈ। ਰਮਨਦੀਪ ਨੇ ਦੋਸ਼ ਲਾਇਆ ਕਿ ਅੱਗ ਉਸ ਦੀ ਭਰਜਾਈ ਸਰਬਜੀਤ ਕੌਰ ਅਤੇ ਉਸ ਨਾਲ ਰਹਿ ਰਹੇ ਸੋਨੀ ਨੇ ਲਗਾਈ ਹੈ। ਸਰਵਜੀਤ ਦੇ ਪਤੀ ਦੀ ਮੌਤ ਹੋ ਚੁੱਕੀ ਹੈ। ਰਮਨਦੀਪ ਦੇ ਬਿਆਨਾਂ ‘ਤੇ ਸੋਨੀ ਅਤੇ ਸਰਬਜੀਤ ਕੌਰ ਵਾਸੀ ਪਿੰਡ ਗਿੱਦੜਵਿੰਡੀ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ।
