ਹਰ ਦੇਸ਼ ਦੇ ਆਪਣੇ ਵੱਖ-ਵੱਖ ਨਿਯਮ ਹੁੰਦੇ ਹਨ ਜਿਨ੍ਹਾਂ ਨੂੰ ਉਥੋਂ ਦੇ ਲੋਕ ਮੰਨਦੇ ਹਨ ਪਰ ਕਈ ਵਾਰ ਉਸੇ ਦੇਸ਼ ਵਿਚ ਕੁਝ ਅਜਿਹੇ ਇਲਾਕੇ ਵੀ ਹੁੰਦੇ ਹਨ ਜਿਨ੍ਹਾਂ ਵਿਚ ਦੇਸ਼ ਦੇ ਨਿਯਮ ਤੋਂ ਵੱਖਰਾ ਕਾਨੂੰਨ ਦਾ ਪਾਲਣ ਕੀਤਾ ਜਾਂਦਾ ਹੈ। ਕੋਈ ਨਹੀਂ ਜਾਣਦਾ ਉਨ੍ਹਾਂ ਨੂੰ ਕਦੋਂ ਤੋਂ ਬਣਾਇਆ ਗਿਆ ਪਰ ਲੋਕ ਪ੍ਰੰਪਰਾ ਦੀ ਤਰ੍ਹਾਂ ਉਸ ਨੂੰ ਮੰਨਦੇ ਆਉਂਦੇ ਹਨ। ਅਜਿਹਾ ਹੀ ਨਿਯਮ ਬ੍ਰਿਟੇਨ ਦੇ ਇਕ ਪਿੰਡ ਵਿਚ ਵੀ ਹੈ। ਇਸ ਪਿੰਡ ਨੂੰ ਬਹੁਤ ਸਖਤ ਨਿਯਮਾਂ ਵਾਲਾ ਮੰਨਿਆ ਜਾਂਦਾ ਹੈ ਜਿਸ ਨੂੰ ਭੁੱਲ ਕੇ ਵੀ ਇਥੋਂ ਦੇ ਲੋਕ ਨਹੀਂ ਬਦਲਦੇ।
ਵੇਂਟਵਰਥ ਨਾਂ ਦੇ ਬ੍ਰਿਟਿਸ਼ ਪਿੰਡ ਵਿਚ ਅਜੀਬੋ-ਗਰੀਬ ਨਿਯਮ ਹੈ। ਇਸ ਦਾ ਪਾਲਣ ਲੋਕ ਇਸ ਲਈ ਕਰਦੇ ਹਨ ਜਿਸ ਨਾਲ ਉਹ ਉਥੋਂ ਦੇ ਆਰਕੀਟੈਕਚਰ ਨੂੰ ਬਚਾ ਸਕਣ ਤੇ ਪ੍ਰੰਪਰਾਵਾਂ ਨੂੰ ਅੱਗੇ ਤੱਕ ਲਈ ਜਾਰੀ ਰੱਖ ਸਕਣ। ਪਿੰਡ ਵਿਚ ਸਿਰਫ ਇਕ ਹੀ ਦੁਕਾਨ ਹੈ, ਦੋ ਪੱਬ ਹਨ ਤੇ ਇਕ ਰੈਸਟੋਰੈਂਟ ਹੈ। ਇਥੇ ਲੋਕ ਬਿਲਕੁਲ ਵੀ ਹੜਬੜੀ ਵਿਚ ਨਹੀਂ ਰਹਿੰਦੇ ਹਨ। ਪਿੰਡ ਕਾਫੀ ਖਾਲੀ ਹੈ ਪਰ ਖੂਬਸੂਰਤ ਹੈ ਤੇ ਅਜਿਹਾ ਹੀ ਇਥੋਂ ਦੇ ਲੋਕਾਂ ਨੂੰ ਪਸੰਦ ਵੀ ਹਨ।
ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਨੇ ਵਿਧਾਨ ਸਭਾ ਦੇ ਪਾਸ ਕੀਤੇ ਗਏ 2 ਅਹਿਮ ਬਿੱਲ ਰਾਜਪਾਲ ਕੋਲ ਮਨਜ਼ੂਰੀ ਲਈ ਭੇਜੇ
ਵੇਂਟਵਰਥ ਪਿੰਡ ਵਿਚ ਘੁੰਮਣ ਲਈ ਕਈ ਲੋਕ ਆਉਂਦੇ ਹਨ ਪਰ ਇਥੇ ਬਦਲਾਅ ਦੀ ਕੋਈ ਗੁੰਜਾਇਸ਼ ਨਹੀਂ ਹੈ। ਪਿੰਡ ਵਿਚ ਗ੍ਰੀਨ-ਡੋਨ ਪਾਲਿਸੀ ਦਾ ਪਾਲਣ ਕੀਤਾ ਜਾਂਦਾ ਹੈ। ਹਰ ਦਰਵਾਜ਼ਾ ਹਰੇ ਰੰਗ ਦਾ ਹੁੰਦਾ ਹੈ। ਪਿੰਡ ਦਾ ਸੰਚਾਲਨ ਇਕ ਟਰੱਸਟ ਕਰਦਾ ਹੈ ਜੋ ਇਥੇ ਕੋਈ ਬਦਲਾਅ ਨਹੀਂ ਕਰਨਾ ਚਾਹੁੰਦਾ। ਇਸ ਨੂੰ ਉਂਝ ਹੀ ਰੱਖਣਾ ਚਾਹੁੰਦਾ ਹੈ ਜਿਵੇਂ ਇਹ ਹਮੇਸ਼ਾ ਤੋਂ ਸੀ। ਪਿੰਡ ਵਿਚ 1400 ਲੋਕ ਰਹਿੰਦੇ ਹਨ। 300 ਤੋਂ ਵਧ ਸਾਲਾਂ ਤੋਂ, ਟਰੱਸਟ ਦੇ ਕੋਲ ਖੇਤਰ ਵਿਚ ਫੈਸਲਾ ਲੈਣ ਦੀ ਤਾਕਤ ਹੈ, ਜਿਸ ਕਾਰਨ 95% ਜਾਇਦਾਦਾਂ ਦੀ ਮਾਲਕੀ ਹੋ ਚੁੱਕੀ ਹੈ, ਜਦਕਿ ਪਿੰਡ ਵਾਸੀਆਂ ਕੋਲ ਅਸਲ ਵਿੱਚ ਆਪਣੇ ਮਕਾਨ ਨਹੀਂ ਹਨ, ਯਾਨੀ ਕਿ ਉਹ ਉਨ੍ਹਾਂ ਮਕਾਨਾਂ ਦੇ ਮਾਲਕ ਨਹੀਂ ਹਨ। ਇਸ ਦੀ ਬਜਾਏ ਉਹ ਕਿਰਾਏਦਾਰ ਹਨ ਅਤੇ ਮਕਾਨਾਂ ਦੀ ਮਲਕੀਅਤ ਦਾ ਦਾਅਵਾ ਕਰਨ ਵਿੱਚ ਅਸਮਰੱਥ ਹਨ, ਅਤੇ ਜਦੋਂ ਇੱਕ ਪਰਿਵਾਰ ਦੇ ਸਾਰੇ ਮੈਂਬਰਾਂ ਦੀ ਮੌਤ ਹੋ ਜਾਂਦੀ ਹੈ ਤਾਂ ਕਿਰਾਏ ਵੱਧ ਜਾਂਦੇ ਹਨ, ਭਾਵ ਖੂਨ ਦੀ ਲਾਈਨ ਕੱਟ ਦਿੱਤੀ ਜਾਂਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
