ਭਾਰਤ ਦੇ ਚਾਰ ਨੌਜਵਾਨ ਖਿਡਾਰੀਆਂ ‘ਤੇ BCCI ਦਾ ਡੰਡਾ ਚੱਲਣ ਵਾਲਾ ਹੈ। ਵੱਡੀ ਖ਼ਬਰ ਹੈ ਕਿ ਇਨ੍ਹਾਂ ਚਾਰ ਖਿਡਾਰੀਆਂ ਨੇ IPL 2023 ਦੌਰਾਨ ਟੀਮ ਦੇ ਜ਼ਾਬਤੇ ਦੀ ਉਲੰਘਣਾ ਕੀਤੀ ਸੀ। ਇਹ ਖਿਡਾਰੀ ਟੀਮ ਹੋਟਲ ਤੋਂ ਬਿਨਾਂ ਇਜਾਜ਼ਤ ਗਾਇਬ ਹੋ ਜਾਂਦੇ ਸਨ, ਜਿਸ ਤੋਂ ਬਾਅਦ ਆਈਪੀਐਲ ਟੀਮ ਨੇ ਉਨ੍ਹਾਂ ਦੀ ਸ਼ਿਕਾਇਤ ਬੀਸੀਸੀਆਈ ਨੂੰ ਕੀਤੀ।
ਰਿਪੋਰਟਾਂ ਵਿੱਚ ਇਹ ਵੀ ਖੁਲਾਸਾ ਹੋਇਆ ਹੈ ਕਿ ਇਹ ਚਾਰੇ ਖਿਡਾਰੀ IPL ਦੀ ਉੱਤਰੀ ਭਾਰਤ ਫਰੈਂਚਾਈਜ਼ੀ ਦੇ ਖਿਡਾਰੀ ਹਨ। ਉੱਤਰੀ ਭਾਰਤ ਦੀ ਫਰੈਂਚਾਇਜ਼ੀ ਦਾ ਮਤਲਬ ਹੈ ਕਿ ਸਾਰੇ ਚਾਰ ਖਿਡਾਰੀ ਲਖਨਊ ਸੁਪਰਜਾਇੰਟਸ, ਪੰਜਾਬ ਕਿੰਗਜ਼, ਦਿੱਲੀ ਕੈਪੀਟਲਜ਼ ਜਾਂ ਰਾਜਸਥਾਨ ਰਾਇਲਜ਼ ਨਾਲ ਸਬੰਧਤ ਹਨ।
ਉੱਤਰੀ ਭਾਰਤ ਦੀ ਫਰੈਂਚਾਇਜ਼ੀ ਦੇ ਮਾਲਕ ਨੇ ਖੁਦ ਖੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਦੇ ਖਿਡਾਰੀਆਂ ਨੇ ਆਈਪੀਐਲ ਦੌਰਾਨ ਚਾਰ ਵਾਰ ਜ਼ਾਬਤਾ ਤੋੜਿਆ ਹੈ।
ਇੱਕ ਰਿਪੋਰਟ ਮੁਤਾਬਕ ਵੈਸਟਇੰਡੀਜ਼ ਦੌਰੇ ਲਈ ਚੁਣੀ ਗਈ ਵਨਡੇ ਅਤੇ ਟੈਸਟ ਟੀਮ ‘ਚ ਨਾ ਸਿਰਫ ਪ੍ਰਦਰਸ਼ਨ ਦੇਖਿਆ ਗਿਆ। ਸਗੋਂ ਖਿਡਾਰੀਆਂ ਦੇ ਮੈਦਾਨ ਤੋਂ ਬਾਹਰ ਦੇ ਵਿਹਾਰ ਲਈ ਵੀ ਇੱਕ ਮਾਪਦੰਡ ਰੱਖਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਕੇਂਦਰ ਨਾਲ ਆਰ-ਪਾਰ ਦੀ ਲੜਾਈ, ਸੁਪਰੀਮ ਕੋਰਟ ਜਾਏਗੀ ਮਾਨ ਸਰਕਾਰ! ਪਹਿਲਾਂ PM ਮੋਦੀ ਨੂੰ ਮਿਲਣਗੇ CM ਮਾਨ
ਸ਼ਾਇਦ ਇਹੀ ਕਾਰਨ ਹੈ ਕਿ ਕੁਝ ਖਿਡਾਰੀਆਂ ਨੂੰ ਵਨਡੇ ਅਤੇ ਟੈਸਟ ਟੀਮ ਵਿੱਚ ਨਹੀਂ ਚੁਣਿਆ ਗਿਆ ਹੈ। ਹਾਲਾਂਕਿ ਇਨ੍ਹਾਂ ਖਿਡਾਰੀਆਂ ਦੇ ਨਾਂ ਉਦੋਂ ਹੀ ਸਪੱਸ਼ਟ ਹੋਣਗੇ ਜਦੋਂ ਵੈਸਟਇੰਡੀਜ਼ ਟੀ-20 ਸੀਰੀਜ਼ ਲਈ ਟੀਮ ਦਾ ਐਲਾਨ ਹੋਵੇਗਾ। ਕਿਉਂਕਿ BCCI ਇਨ੍ਹਾਂ ਮਾਮਲਿਆਂ ‘ਚ ਜਿਸ ਤਰ੍ਹਾਂ ਦੀ ਸਖਤੀ ਬਰਕਰਾਰ ਰੱਖਦਾ ਹੈ, ਉਸ ਨੂੰ ਵੇਖ ਕੇ ਲੱਗਦਾ ਹੈ ਕਿ ਦੋਸ਼ੀ ਖਿਡਾਰੀਆਂ ਦਾ ਵੈਸਟਇੰਡੀਜ਼ ਦੀ ਟੀ-20 ਸੀਰੀਜ਼ ‘ਚ ਵੀ ਖੇਡਣਾ ਮੁਸ਼ਕਿਲ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
