ਗਲੀ ‘ਚ ਟਰੈਕਟਰ ਨੂੰ ਲੈ ਕੇ ਦੋ ਗੁੱਟਾਂ ‘ਚ ਫਾਇਰਿੰਗ, ਪਿਓ ਜ਼ਖਮੀ, ਮੁੰਡੇ ਨੇ ਰਸਤੇ ‘ਚ ਤੋੜਿਆ ਦਮ

ਮਮਦੋਟ ਦੇ ਪਿੰਡ ਬੋਦਲਾਂ ਵਿਚ ਮਾਮੂਲੀ ਵਿਵਾਦ ਨੇ ਖੂਨੀ ਰੂਪ ਧਾਰਨ ਕਰ ਲਿਆ। ਇਥੇ ਗਲੀ ਦੇ ਵਿੱਚ ਖੜ੍ਹੇ ਟਰੈਕਟਰ ਨੂੰ ਲੈ ਕੇ ਦੋ ਧੜਿਆਂ ਵਿਚਾਲੇ ਵਿਵਾਦ ਪੈਦਾ ਹੋ ਗਿਆ।

ਦੋਵੇਂ ਧਿਰਾਂ ਵੱਲੋਂ ਇੱਕ ਦੂਜੇ ‘ਤੇ ਗੋਲੀ ਚਲਾਈ ਗਈ। ਗੋਲੀਕਾਂਡ ਦੌਰਾਨ ਯਾਦਵਿੰਦਰ (ਪੱਗੜੀਧਾਰੀ) ਗੰਭੀਰ ਰੂਪ ਅਤੇ ਉਸ ਦਾ ਪਿਤਾ ਕੇਹਰ ਸਿੰਘ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਏ, ਜਿਨ੍ਹਾਂ ਨੂੰ ਫਿਰੋਜ਼ਪੁਰ ਵਿਖੇ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਫਰੀਦਕੋਟ ਵਿਖੇ ਰੈਫਰ ਕੀਤਾ ਗਿਆ ਅਤੇ ਯਾਦਵਿੰਦਰ ਸਿੰਘ ਨੇ ਰਸਤੇ ‘ਚ ਹੀ ਦਮ ਤੋੜ ਦਿੱਤਾ।

ਵੀਡੀਓ ਲਈ ਕਲਿੱਕ ਕਰੋ -:

Vegetable Soup Recipe | ਵੈਜ਼ੀਟੇਬਲ ਸੂਪ ਬਨਾਉਣ ਦਾ ਆਸਾਨ ਤਰੀਕਾ | Healthy Veg Soup | Health Diet

ਕੁਝ ਦੇਰ ਬਾਅਦ ਦੂਸਰੀ ਧਿਰ ਦੇ ਨੌਜਵਾਨ ਪਵਨ ਹਾਂਡਾ (ਪੰਮੂ) ਦੀ ਵੀ ਮੌਤ ਦੀ ਖ਼ਬਰ ਮਿਲੀ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਧਿਰਾਂ ਵਿਚਾਲੇ ਪੈਸਿਆਂ ਦੇ ਲੈਣ ਦੇਣ ਨੂੰ ਅਤੇ ਜ਼ਮੀਨੀ ਵਿਵਾਦ ਚੱਲ ਰਿਹਾ ਸੀ ਜਿਸ ਦੀ ਕੀਮਤ ਦੋਵਾਂ ਨੌਜਵਾਨਾਂ ਨੂੰ ਜਾਨ ਦੇ ਕੇ ਚੁਕਾਉਣੀ ਪਈ।