ਸ੍ਰੀ ਆਨੰਦਪੁਰ ਸਾਹਿਬ ‘ਚ ਗੈਂਗਵਾਰ! ਤੇਜ਼ਧਾਰ ਹਥਿਆਰ ਨਾਲ ਵੱਢਿਆ ਨੌਜਵਾਨ

ਸ੍ਰੀ ਆਨੰਦਪੁਰ ਸਾਹਿਬ ਵਿੱਚ ਬੀਤੀ ਰਾਤ ਨੂੰ ਵੱਡੀ ਵਾਰਦਾਤ ਵਾਪਰ ਗਈ। ਇਥੇ ਦੇ ਸਰਹੱਦੀ ਪਿੰਡ ਨਾਰਦ ਨੇੜੇ ਸੋਮਵਾਰ ਰਾਤ 10 ਵਜੇ ਦੇ ਕਰੀਬ ਦੋ ਧਿਰਾਂ ਵਿਚਾਲੇ ਝਗੜਾ ਹੋ ਗਿਆ। ਇਸ ਦੌਰਾਨ ਇੱਕ ਨੌਜਵਾਨ ਦੇ ਕੁਹਾੜੀ ਨਾਲ ਵਾਰ ਕਰ ਦਿੱਤਾ ਗਿਆ, ਜਦਕਿ ਦੂਜਾ ਨੌਜਵਾਨ ਗੰਭੀਰ ਜ਼ਖ਼ਮੀ ਹੋ ਗਿਆ।

ਜ਼ਖਮੀਆਂ ਨੂੰ ਸਿਵਲ ਹਸਪਤਾਲ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਦਾਖਲ ਕਰਵਾਇਆ ਗਿਆ ਹੈ। ਮ੍ਰਿਤਕ ਦੀ ਪਛਾਣ ਸੁਖਦੇਵ ਸਿੰਘ ਉਰਫ ਸੋਨੂੰ ਅਤੇ ਜ਼ਖਮੀ ਦੀ ਪਛਾਣ ਉਸ ਦੇ ਭਤੀਜੇ ਰੋਹਿਤ ਪੁੱਤਰ ਦੇਸਰਾਜ ਵਜੋਂ ਹੋਈ ਹੈ।

ਸੋਮਵਾਰ ਰਾਤ ਕਰੀਬ 10 ਵਜੇ ਰੋਹਿਤ ਦੀ ਕੁਝ ਨੌਜਵਾਨਾਂ ਨਾਲ ਬਹਿਸ ਹੋ ਗਈ। ਇਸ ’ਤੇ ਉਸ ਨੇ ਆਪਣੇ ਮਾਮੇ ਸੋਨੂੰ ਨੂੰ ਫੋਨ ਕੀਤਾ। ਝਗੜੇ ਦੌਰਾਨ ਨੌਜਵਾਨਾਂ ਨੇ ਸੋਨੂੰ ਦਾ ਕੁਹਾੜੀ ਨਾਲ ਵਾਰ ਕਰ ਕੇ ਕਤਲ ਕਰ ਦਿੱਤਾ।

ਘਟਨਾ ਦੀ ਜਾਂਚ ਐਸਐਚਓ ਗੌਰਵ ਭਾਰਦਵਾਜ, ਥਾਣਾ ਕਚਹਿਰੀ, ਕਲਹੂਰ, ਹਿਮਾਚਲ ਪ੍ਰਦੇਸ਼ ਕਰ ਰਹੇ ਹਨ। ਮਾਮਲੇ ਵਿੱਚ ਚਾਰ ਨੌਜਵਾਨਾਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ ਜਦਕਿ ਕੁਝ ਅਣਪਛਾਤੇ ਵੀ ਸ਼ਾਮਲ ਦੱਸੇ ਜਾ ਰਹੇ ਹਨ। ਸੂਤਰਾਂ ਮੁਤਾਬਕ ਮਾਮਲਾ ਗੈਂਗ ਵਾਰ ਦਾ ਹੈ। ਸੋਨੂੰ ਦਾ ਸਬੰਧ ਮਸ਼ਹੂਰ ਗੁੱਟੀ ਗੈਂਗ ਨਾਲ ਸੀ।

ਇਹ ਵੀ ਪੜ੍ਹੋ : 28,000 ਫੁਟ ਦੀ ਉਚਾਈ ‘ਤੇ ਏਅਰਕ੍ਰਾਫਟ ਦਾ ਇੰਜਣ ਫ਼ੇਲ! ਪੈਰਾਸ਼ੂਟ ਨੇ ਕ੍ਰੈਸ਼ ਹੋਣ ਤੋਂ ਬਚਾਇਆ ਜਹਾਜ਼

ਜ਼ਿਕਰਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਸੋਨੂੰ ਦੀ ਗੁੱਟੀ ਕਤਲ ਕੇਸ ਵਿੱਚ ਪੈਰੋਲ ’ਤੇ ਆਏ ਨੌਜਵਾਨ ਭੂਰੇ ਨਾਲ ਲੜਾਈ ਹੋਈ ਸੀ। ਮ੍ਰਿਤਕ ਸੋਨੂੰ ਖਿਲਾਫ ਕਈ ਮਾਮਲੇ ਵੀ ਦਰਜ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “