ਮਾਰਚ ‘ਚ ਵਿਆਹ ਦੇ ਬੰਧਨ ‘ਚ ਬੱਝਣਗੇ ਗਲੇਨ ਮੈਕਸਵੈਲ-ਵਿਨੀ ਰਮਨ, ਕਾਰਡ ਹੋਇਆ ਵਾਇਰਲ

ਆਸਟ੍ਰੇਲੀਆ ਦੇ ਵਿਸਫੋਟਕ ਬੱਲੇਬਾਜ਼ ਗਲੇਨ ਮੈਕਸਵੇਲ ਮਾਰਚ ਦੇ ਅਖੀਰ ਵਿਚ ਵਿਆਹ ਦੇ ਬੰਧਨ ‘ਚ ਬੱਝਣ ਜਾ ਰਹੇ ਹਨ। ਉਨ੍ਹਾਂ ਨੇ ਸਾਲ 2020 ਵਿਚ ਹੀ ਭਾਰਤੀ ਲੜਕੀ ਵਿਨੀ ਰਮਨ ਨਾਲ ਸਗਾਈ ਕੀਤੀ ਸੀ। ਵਿਨੀ ਰਾਮਨ ਇਨ੍ਹੀਂ ਦਿਨੀਂ ਮੈਲਬੋਰਨ ਵਿਚ ਰਹਿੰਦੀ ਹੈ ਤੇ ਸਗਾਈ ਤੋਂ ਪਹਿਲਾਂ ਦੋਵੇਂ ਇਕ-ਦੂਜੇ ਨੂੰ ਲੰਬੇ ਸਮੇਂ ਤੋਂ ਡੇਟ ਕਰ ਰਹੇ ਸਨ। ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੇ ਵਿਆਹ ਦਾ ਕਾਰਡ ਖੂਬ ਵਾਇਰਲ ਹੋ ਰਿਹਾ ਹੈ।

ਵਿਆਹ ਦਾ ਇਹ ਕਾਰਡ ਤਮਿਲ ਭਾਸ਼ਾ ਵਿਚ ਛਪਿਆ ਹੈ ਪਰ ਇਹ ਵਿਆਹ ਮੈਲਬੋਰਨ ਵਿਚ ਆਯੋਜਿਤ ਹੋਵੇਗੀ। ਇਹ ਮੰਨਿਆ ਜਾ ਰਿਹਾ ਹੈ ਕਿ ਗਲੇਨ ਮੈਕਸਵੇਲ ਅਤੇ ਵਿਨੀ ਹਿੰਦੂ ਰੀਤੀ-ਰਿਵਾਜਾਂ ਨਾਲ ਵਿਆਹ ਚਲਾਉਣਗੇ ਕਿਉਂਕਿ 2 ਸਾਲ ਪਹਿਲਾਂ ਜਦੋਂ ਵਿਨੀ ਰਾਮਨ ਨੇ ਆਪਣੀ ਸਗਾਈ ਦਾ ਐਲਾਨ ਕੀਤਾ ਸੀ ਤਾਂ ਉਨ੍ਹਾਂ ਨੇ ਇਹ ਸਾਫ ਕਿਹਾ ਸੀ ਕਿ ਉਨ੍ਹਾਂ ਨੇ ਮੈਕਸਵੇਲ ਨੂੰ ਸਗਾਈ ਵਿਚ ਵਿਆਹ ਦਾ ਟੀਜਰ ਦੇ ਦਿੱਤਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“CM ਫੇਸ ਐਲਾਨੇ ਜਾਣ ਤੋਂ ਬਾਅਦ ਸੀਐਮ ਚੰਨੀ ਦਾ DAILY POST PUNJABI ‘ਤੇ ਪਹਿਲਾ EXCLUSIVE INTERVIEW”

ਗਲੇਮ ਮੈਕਸਵੇਲ ਨੇ 116 ਇੱਕ ਦਿਨਾ ਮੈਚ ਖੇਡੇ ਹਨ ਜਿਸ ਵਿਚ 125 ਤੋਂ ਵੱਧ ਦੀ ਸਟ੍ਰਾਈਕ ਰੇਟ ਤੋਂ ਇਕ ਦਿਨਾ ਕ੍ਰਿਕਟ ਵਿਚ 3000 ਤੋਂ ਵਧ ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਨੇ 81 ਟੀ-20 ਆਈ ਮੈਚਾਂ ਵਿਚ ਆਪਣੇ ਦੇਸ਼ ਦੀ ਅਗਵਾਈ ਕੀਤੀ ਹੈ ਤੇ 155.27 ਦੀ ਸਟ੍ਰਾਈਕ ਰੇਟ ਨਾਲ 1866 ਦੌੜਾਂ ਬਣਾਈਆਂ ਹਨ।

ਵਿਨੀ ਰਮਨ ਮੈਲਬੋਰਨ ਵਿਚ ਪੈਦਾ ਹੋਈ ਅਤੇ ਉਥੇ ਹੀ ਵੱਡੀ ਹੋਈ। ਉਹ ਇੱਕ ਤਮਿਲ ਪਰਿਵਾਰ ਨਾਲ ਸਬੰਧ ਰੱਖਦੀ ਹੈ।ਉਹ ਮੈਲਬੋਰਨ ਵਿਚ ਫਾਰਮਾਸਿਸਟ ਦੀ ਪ੍ਰੈਕਟਿਸ ਕਰ ਰਹੀ ਹੈ। ਗਲੇਨ ਮੈਕਸਵੇਲ ਤੇ ਵਿਨੀ ਰਮਨ ਨੇ ਫਰਵਰੀ 2020 ਵਿਚ ਸਗਾਈ ਕੀਤੀ।