ਹਰਿਆਣਾ ਦੇ ਬਿਜਲੀ ਮੰਤਰੀ ਰਣਜੀਤ ਸਿੰਘ ਚੌਟਾਲਾ ਨੇ ਪੰਜਾਬ ਕੈਬਨਿਟ ਤੇ ਆਪ ਵਿਧਾਇਕਾਂ ‘ਤੇ ਵਿਵਾਦਿਤ ਬਿਆਨ ਦਿੱਤਾ ਹੈ। ਰਣਜੀਤ ਸਿੰਘ ਨੇ ਕਿਹਾ ਕਿ ਪੰਜਾਬ ਵਿਧਾਨ ਸਭਾ ਵਿਚ ਮੋਬਾਈਲ ਰਿਪੇਅਰ ਅਤੇ ਆਟੋ ਚਲਾਉਣ ਵਾਲੇ ਪਹੁੰਚ ਗਏ ਹਨ। ਉਨ੍ਹਾਂ ਨੇ ਕਦੇ ਵਿਧਾਨ ਸਭਾ ਨਹੀਂ ਦੇਖ। ਉਨ੍ਹਾਂ ਦੇ ਇਸ ਬਿਆਨ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਲੋਕ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ। ਹਰਿਆਣਾ ਇੰਚਾਰਜ ਨੇ ਕਿਹਾ ਕਿ ਆਪ ਚਾਹੁੰਦੇ ਹਨ ਕਿ ਖਾਨਦਾਨ ਤੋਂ ਬਾਹਰ ਦਾ ਕੋਈ ਵਿਅਕਤੀ ਵਿਧਾਇਕ ਨਾ ਬਣੇ ਜਦੋਂ ਕਿ ਪੰਜਾਬ ਦੇ ਆਪ ਵਿਧਾਇਕ ਨੇ ਉਨ੍ਹਾਂ ਨੂੰ ਜਵਾਬ ਦਿੱਤਾ ਕਿ ਭ੍ਰਿਸ਼ਟਾਚਾਰ ਨੂੰ ਛੱਡ ਕੇ ਸਾਨੂੰ ਪਤਾ ਹੈ ਕਿ ਸਰਕਾਰ ਕਿਵੇਂ ਚੱਲਦੀ ਹੈ।
ਬਿਜਲੀ ਮੰਤਰੀ ਨੇ ਕਿਹਾ ਕਿ ਪੰਜਾਬ ਦੀ ਵਿੱਤੀ ਸਥਿਤੀ ਬਹੁਤ ਖਰਾਬ ਹੈ। ‘ਆਪ’ ਕੈਬਨਿਟ ਨੂੰ ਤਜਰਬਾ ਨਹੀਂ ਹੈ। ਇਨ੍ਹਾਂ ਦਾ ਕੋਈ ਸਿਆਸੀ ਕਰੀਅਰ ਨਹੀਂ ਹੈ। ਸਰਕਾਰ ਚਲਾਉਣਾ ਇਕ ਜ਼ਿੰਮੇਵਾਰੀ ਦਾ ਕੰਮ ਹੁੰਦਾ ਹੈ, ਜਦੋਂ ਕਿ ਪੰਜਾਬ ਕੈਬਨਿਟ ਵਿਚ 90 ਫੀਸਦੀ ਤੋਂ ਵੱਧ ਲੋਕਾਂ ਨੇ ਵਿਧਾਨ ਸਭਾ ਹੀ ਨਹੀਂ ਦੇਖੀ ਹੈ।
‘ਆਪ’ ਇੰਚਾਰਜ ਸੁਸ਼ੀਲ ਗੁਪਤਾ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਦੇ ਕੈਬਨਿਟ ਮੰਤਰੀ ਰਾਜਾ ਦੇ ਬੇਟੇ ਨੂੰ ਰਾਜਾ ਬਣਾਉਣਾ ਚਾਹੁੰਦੇ ਹਨ। ਉਹ ਚਾਹੁੰਦੇ ਹਨ ਕਿ ਖਾਨਦਾਨ ਦੇ ਬਾਹਰ ਦਾ ਵਿਅਕਤੀ ਵਿਧਾਇਕ ਨਾ ਬਣ। ਇਸ ਗਲਤੀ ਨੂੰ ਤੁਸੀਂ 75 ਸਾਲ ਤੋਂ ਦੋਹਰਾ ਰਹੇ ਹੋ। ਆਮ ਜਨਤਾ ਨੂੰ ਕਮਜ਼ੋਰ ਨਾ ਸਮਝੋ। ਆਮ ਜਨਤਾ ਦੇ ਸਾਂਸਦ ਬਣਨ, ਵਿਧਾਇਕ ਬਣਨ ਦਾ ਸਮਾਂ ਆ ਗਿਆ ਹੈ। ‘ਆਪ’ ਲੋਕਾਂ ਨੂੰ ਵੀ ਜਨਤਾ ਦੀ ਤਾਕਤ ਸਮਝਣੀ ਪਵੇਗੀ ਤਾਂਕਿ ਹਿੰਦੋਸਤਾਨ ਦਾ ਲੋਕਤੰਤਰ ਸਹੀ ਮਾਇਣਿਆਂ ਵਿਚ ਮਜ਼ਬੂਤ ਹੋ ਸਕੇ।
ਵੀਡੀਓ ਲਈ ਕਲਿੱਕ ਕਰੋ -:
“PTC ਦੇ MD ਨੂੰ ਤਿੱਖੇ ਸਵਾਲ, ਇੱਕਲਾ ਪੀਟੀਸੀ ਹੀ ਕਿਉਂ ਕਰਦੈ ਸ਼੍ਰੀ ਦਰਬਾਰ ਸਾਹਿਬ ਤੋਂ ਗੁਰਬਾਣੀ ਦਾ ਪ੍ਰਸਾਰਣ ?”
ਇਹ ਵੀ ਪੜ੍ਹੋ : ਸਾਂਸਦ ਔਜਲਾ ਨੇ SGPC ਨੂੰ ਚਿੱਠੀ ਲਿਖ ਸੂਚਨਾ ਤੇ ਪ੍ਰਸਾਰਣ ਮੰਤਰਾਲੇ ਨੂੰ ਭੇਜੀ ਅਰਜ਼ੀ ਦੀ ਮੰਗੀ ਕਾਪੀ
ਬਿਜਲੀ ਮੰਤਰੀ ਚੌਟਾਲਾ ਦੇ ਇਸ ਬਿਆਨ ਤੋਂ ਬਾਅਦ ਪੰਜਾਬ ਦੇ ‘ਆਪ’ ਵਿਧਾਇਕ ਮਨਵਿੰਦਰ ਸਿੰਘ ਗਿਆਸਪੁਰਾ ਨੇ ਕਿਹਾ ਕਿ ਮੰਤਰੀ ਦਾ ਕਹਿਣਾ ਠੀਕ ਹੈ ਅਸੀਂ ਕਦੇ ਵਿਧਾਨ ਸਭਾ ਨਹੀਂ ਦੇਖੀ। ਸਾਡੇ 12 MLA ਡਾਕਟਰ ਹਨ, 14 ਐਡਵੋਕੇਟ ਹਨ, 16 ਇੰਜੀਨੀਅਰ ਹਨ, ਭ੍ਰਿਸ਼ਟਾਚਾਰ ਨੂੰ ਛੱਡ ਕੇ ਸਾਨੂੰ ਪਤਾ ਹੈ ਕਿ ਸਰਕਾਰ ਕਿਵੇਂ ਚੱਲਦੀ ਹੈ।
