ਮਹਾਰਾਸ਼ਟਰ ਵਿਚ ਏਕਨਾਥ ਸ਼ਿੰਦੇ ਦੇ ਸੀਐੱਮ ਬਣਨ ਦੇ ਇਕ ਦਿਨ ਬਾਅਦ ਸਾਬਕਾ ਮੁੱਖ ਮੰਤਰੀ ਊਧਵ ਠਾਕਰੇ ਨੇ ਪ੍ਰੈੱਸ ਕਾਨਫਰੰਸ ਕੀਤੀ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਜੇਕਰ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਮੈਨੂੰ ਦਿੱਤਾ ਗਿਆ ਵਾਅਦਾ ਨਿਭਾਉਂਦੇ ਤਾਂ ਅੱਜ ਸੂਬੇ ਵਿਚ ਭਾਜਪਾ ਦਾ ਸੀਐੱਮ ਹੁੰਦਾ।
ਊਧਵ ਠਾਕਰੇ ਨੇ ਕਿਹਾ ਕਿ ਜੋ ਕੱਲ੍ਹ ਹੋਇਆ, 2019 ਵਿਚ ਗਠਜੋੜ ਦੌਰਾਨ ਮੈਂ ਅਮਿਤ ਸ਼ਾਹ ਨੂੰ ਇਹੀ ਕਿਹਾ ਸੀ ਕਿ ਢਾਈ ਸਾਲ ਸ਼ਿਵਸੈਨਾ ਦਾ ਮੁੱਖ ਮੰਤਰੀ ਹੋਇਆ ਅਤੇ ਉਹੀ ਹੋਇਆ। ਜੇਕਰ ਉਹ ਗੱਲ ਮੰਨ ਲੈਂਦੇ ਤਾਂ ਮਹਾਵਿਕਾਸ ਅਘਾੜੀ ਦਾ ਗਠਨ ਹੀ ਨਹੀਂ ਹੁੰਦਾ ਅਤੇ ਹੁਣ ਢਾਈ ਸਾਲ ਬਾਅਦ ਮਹਾਰਾਸ਼ਟਰ ਵਿਚ ਭਾਜਪਾ ਦਾ ਸੀਐੱਮ ਹੁੰਦਾ।
ਊਧਵ ਠਾਕਰੇ ਨੇ ਕਿਹਾ ਕਿ ਜਿਸ ਤਰ੍ਹਾਂ ਤੋਂ ਇਹ ਸਰਕਾਰ ਬਣੀ ਹੈ। ਇਹ ਸ਼ਿਵਸੈਨਾ ਵਰਕਰ ਨੂੰ ਸੀਐੱਮ ਬਣਾਇਆ ਗਿਆ। ਮੈਂ ਅਮਿਤ ਸ਼ਾਹ ਨੂੰ ਇਹੀ ਕਿਹਾ ਸੀ। ਇਹ ਸਨਮਾਨਪੂਰਵਕ ਕੀਤਾ ਜਾ ਸਕਦਾ ਸੀ। ਸ਼ਿਵਸੈਨਾ ਅਧਿਕਾਰਕ ਤੌਰ ‘ਤੇ ਤੁਹਾਡੇ ਕੋਲ ਸੀ। ਊਧਵ ਠਾਕਰੇ ਨੇ ਕਿਹਾ ਕਿ ਇਹ ਸੀਐੱਮ ਸ਼ਿਵਸੈਨਾ ਦਾ ਨਹੀਂ ਹੈ।
ਊਧਵ ਠਾਕਰੇ ਨੇ ਮੈਟ੍ਰੋ ਸ਼ੇਡ ਨੂੰ ਆਰੇ ਵਿਚ ਸ਼ਿਫਟ ਕਰਨ ਦੇ ਫੈਸਲੇ ਨੂੰ ਲੈ ਕੇ ਕਿਹਾ ਮੇਰਾ ਗੁੱਸਾ ਮੁੰਬਈ ਦੇ ਲੋਕਾਂ ‘ਤੇ ਨਾ ਕੱਢੋ। ਮੈਟ੍ਰੋ ਸ਼ੇਡ ਨੂੰ ਸ਼ਿਫਟ ਕਰਨ ਦਾ ਫੈਸਲਾ ਨਾ ਬਦਲੋ। ਮੁੰਬਈ ਦੇ ਵਾਤਾਵਰਣ ਨਾਲ ਨਾ ਖੇਡੋ। ਦਰਅਸਲ ਡਿਪਟੀ ਸੀਐੱਮ ਬਣਦੇ ਹੀ ਦੇਵੇਂਦਰ ਫੜਨਵੀਸ ਨੇ ਮੈਟ੍ਰੋ ਸ਼ੇਡ ਨੂੰ ਆਰੇ ‘ਚ ਸ਼ਿਫਟ ਕਰਨ ਦਾ ਹੁਕਮ ਦਿੱਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਸਾਵਧਾਨ ! ਲੋਕਾਂ ਦੇ ਘਰਾਂ ‘ਚ TV ਸੜ ਰਹੇ ਨੇ DS ਕੇਬਲ ਲਵਾਕੇ, ਸ਼ੀਤਲ ਵਿੱਜ ਤੇ ਉਸਦੇ ਗੁਰਗੇ ਉਤਰੇ ਗੁੰਡਾਗਰਦੀ ‘ਤੇ ! “
