ਰਾਜਸਥਾਨ ਵਿਚ ਵਧਦੇ ਕੋਰੋਨਾ ਸੰਕਰਮਣ ਦਰਮਿਆਨ ਇਸ ਸਾਲ ਨਵੇਂ ਸਾਲ ਦੇ ਜਸ਼ਨ ‘ਚ ਖੂਬ ਸ਼ਰਾਬ ਪੀਤੀ ਗਈ। ਇਕੱਲੇ 31 ਦਸੰਬਰ ਨੂੰ ਰਾਜਸਥਾਨ ‘ਚ 77 ਕਰੋੜ 82 ਲੱਖ ਰੁਪਏ ਦੀ ਸ਼ਰਾਬ ਵਿਕੀ। ਇਸ ‘ਚ 12 ਕਰੋੜ 60 ਲੱਖ ਰੁਪਏ ਦੀ ਬੀਅਰ ਅਤੇ 65 ਕਰੋੜ 13 ਲੱਖ ਰੁਪਏ ਦੀ ਅੰਗਰੇਜ਼ੀ ਸ਼ਰਾਬ ਸ਼ਾਮਲ ਹੈ। ਆਬਕਾਰੀ ਵਿਭਾਗ ਦੇ ਅੰਕੜਿਆਂ ‘ਤੇ ਨਜ਼ਰ ਮਾਰੀਏ ਤਾਂ ਪਿਛਲੇ ਸਾਲ ਯਾਨੀ ਸਾਲ 2020 ‘ਚ ਇਹ ਅੰਕੜਾ 70 ਕਰੋੜ ਸੀ। ਰੋਜ਼ ਦੀ ਤਰ੍ਹਾਂ 31 ਦਸੰਬਰ ਦੀ ਰਾਤ 8 ਵਜੇ ਤੱਕ ਹੀ ਸ਼ਰਾਬ ਦੀਆਂ ਦੁਕਾਨਾਂ ਖੁੱਲ੍ਹੀਆਂ ਸਨ।
ਆਬਕਾਰੀ ਵਿਭਾਗ ਮੁਤਾਬਕ ਦੇਸ਼ ਭਰ ਦੇ ਕਈ ਸੂਬਿਆਂ ‘ਚ ਨਵੇਂ ਸਾਲ ਦੇ ਜਸ਼ਨ ‘ਤੇ ਰੋਕ ਸੀ। ਅਜਿਹੇ ‘ਚ ਵੱਡੀ ਗਿਣਤੀ ‘ਚ ਸੈਲਾਨੀ ਰਾਜਸਥਾਨ ਪੁੱਜੇ ਸਨ। ਸ਼ਰਾਬ ਦੀ ਵਿਕਰੀ ‘ਚ ਵਾਧੇ ਦੀ ਵੀ ਇਹੀ ਵਜ੍ਹਾ ਹੈ।
ਆਬਕਾਰੀ ਵਿਭਾਗ ਦਾ ਡਾਟਾ ਦੇਖੀਏ ਤਾਂ ਇਸ ਵਾਰ ਲੋਕਾਂ ਨੇ ਬੀਅਰ ਦੀ ਬਜਾਏ ਅੰਗਰੇਜ਼ੀ ਸ਼ਰਾਬ ਨੂੰ ਜ਼ਿਆਦਾ ਪਸੰਦ ਕੀਤਾ ਹੈ। ਸਾਲ 2019 ‘ਚ ਲਗਭਗ 30 ਕਰੋੜ ਰੁਪਏ ਦੀ ਬੀਅਰ ਵਿਕੀ ਸੀ। ਇਸ ਵਾਰ ਇਹ ਅੰਕੜਾ ਸਿਰਫ 12 ਕਰੋੜ 60 ਲੱਖ ਰਹਿ ਗਿਆ। ਇਸ ਤੋਂ ਸਾਫ ਹੈ ਕਿ ਇਸ ਵਾਰ ਅੰਗਰੇਜ਼ੀ ਸ਼ਰਾਬ ਦੀ ਡਿਮਾਂਡ ਜ਼ਿਆਦਾ ਰਹੀ।
ਵੀਡੀਓ ਲਈ ਕਲਿੱਕ ਕਰੋ -:
“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”
ਇਹ ਵੀ ਪੜ੍ਹੋ : PM ਮੋਦੀ ਨੇ ਜਿੰਮ ‘ਚ ਅਜ਼ਮਾਇਆ ਹੱਥ, ਮੇਰਠ ‘ਚ ਖੇਡ ਯੂਨੀਵਰਸਿਟੀ ਦਾ ਰੱਖਿਆ ਨੀਂਹ ਪੱਥਰ, ਦੇਖੋ ਵੀਡੀਓ
ਸਾਲ 2019 ਦੀ ਗੱਲ ਕਰੀਏ ਤਾਂ ਉਸ ਸਮੇਂ ਨਵੇਂ ਸਾਲ ਦੇ ਸਵਾਗਤ ਦਾ ਜਸ਼ਨ ਮਨਾਉਣ ‘ਚ ਰਾਜਸਥਾਨ ਪਿੱਛੇ ਨਹੀਂ ਰਿਹਾ ਸੀ। ਇਥੇ 31 ਦਸੰਬਰ 2019 ਦੀ ਰਾਤ ਤੱਕ ਪੂਰੇ ਸੂਬੇ ‘ਚ 1 ਅਰਬ 4 ਕਰੋੜ ਦੀ ਸ਼ਰਾਬ ਵਿਕੀ ਸੀ। ਉਸ ਸਮੇਂ ਆਯੋਜਨ ‘ਤੇ ਕਿਸ ਤਰ੍ਹਾਂ ਦੀ ਪਾਬੰਦੀ ਨਹੀਂ ਸੀ। ਲੋਕਾਂ ਨੇ ਹੋਟਲ, ਪਬ, ਫਾਰਮ ਹਾਊਸ, ਰਿਜ਼ਾਰਟ ‘ਚ ਖੂਬ ਜਾਮ ਛਲਕਾਏ ਸਨ। ਉਸ ਸਮੇਂ ਤਾਂ ਆਬਕਾਰੀ ਵਿਭਾਗ ਨੇ ਹੋਟਲ, ਰੈਸਟੋਰੈਂਟ ਤੇ ਕਲੱਬਾਂ ਦੀਆਂ ਪਾਰਟੀਆਂ ‘ਚ ਸ਼ਰਾਬ ਪਰੋਸਣ ਲਈ ਅਸਥਾਈ ਲਾਇਸੈਂਸ ਵੀ ਜਾਰੀ ਕੀਤੇ ਸਨ।
