ਪੰਜਾਬ ‘ਚ ਸਸਤੀ ਸ਼ਰਾਬ ਦੇਣ ਦੇ ਦਾਅਵਿਆਂ ਵਿਚਾਲੇ ਸ਼ਰਾਬ ਦੇ ਮਹਿੰਗੇ ਹੋ ਜਾਣ ਦੀ ਖਬਰ ਸਾਹਮਣੇ ਆਈ ਹੈ। ਖੁੱਲ੍ਹੀ ਛੋਟ ਕਾਰਨ ਸੂਬੇ ਦੇ ਥੋਕ ਸ਼ਰਾਬ ਕਾਰੋਬਾਰੀਆਂ ਨੇ ਕਈ ਵੱਡੇ ਸ਼ਹਿਰਾਂ ਦੇ ਰੈਸਟੋਰੈਂਟਾਂ-ਬਾਰਾਂ ਅਤੇ ਮੈਰਿਜ ਪੈਲੇਸਾਂ ਲਈ ਆਪਣੇ ਪੱਧਰ ‘ਤੇ ਸ਼ਰਾਬ ਦੀਆਂ ਕੀਮਤਾਂ ‘ਚ 25 ਤੋਂ 30 ਫ਼ੀਸਦੀ ਤੱਕ ਦਾ ਵਾਧਾ ਕਰ ਦਿੱਤਾ ਹੈ। ਖਾਸ ਕਰਕੇ ਲੁਧਿਆਣਾ ਵਿੱਚ ਥੋਕ ਵਿਕਰੇਤਾਵਾਂ ਨੇ ਆਪਣੀ ਵੱਖਰੀ ਰੇਟ ਲਿਸਟ ਜਾਰੀ ਕਰ ਦਿੱਤੀ ਹੈ।
ਬਾਰਾਂ, ਰੈਸਟੋਰੈਂਟਾਂ, ਹੋਟਲਾਂ ਅਤੇ ਮੈਰਿਜ ਪੈਲੇਸਾਂ ਦੇ ਮਾਲਕਾਂ ਨੂੰ ਵੱਡਾ ਝਟਕਾ ਦਿੰਦੇ ਹੋਏ ਸ਼ਰਾਬ ਕਾਰੋਬਾਰੀਆਂ ਨੇ ਆਪਣੀ ਮਰਜ਼ੀ ਨਾਲ ਕੀਮਤਾਂ ਵਧਾ ਦਿੱਤੀਆਂ ਹਨ। ਸ਼ਰਾਬ ਵਿਕਰੇਤਾਵਾਂ ਵੱਲੋਂ ਤੈਅ ਕੀਤੀਆਂ ਗਈਆਂ ਨਵੀਆਂ ਦਰਾਂ ਵਿੱਚ 25 ਤੋਂ 30 ਫੀਸਦੀ ਤੱਕ ਦਾ ਵਾਧਾ ਕੀਤਾ ਗਿਆ ਹੈ, ਜਦਕਿ ਘੱਟ ਸਾਮਾਨ ਖਰੀਦਣ ਲਈ ਉਨ੍ਹਾਂ ਨੂੰ ਬੋਤਲ ਦੀ ਉਹੀ ਕੀਮਤ ਤੈਅ ਕਰਨੀ ਪਵੇਗੀ ਜੋ ਪ੍ਰਚੂਨ ਖਪਤਕਾਰਾਂ ‘ਤੇ ਲਾਗੂ ਹੁੰਦੀ ਹੈ। ਇੰਨਾ ਹੀ ਨਹੀਂ ਸ਼ਰਾਬ ਕਾਰੋਬਾਰੀਆਂ ਨੇ ਇਹ ਸ਼ਰਤ ਵੀ ਰੱਖੀ ਹੈ ਕਿ ਹੋਟਲ ਸੰਚਾਲਕਾਂ ਨੂੰ ਸ਼ਰਾਬ ਨਜ਼ਦੀਕੀ ਦੁਕਾਨ ਤੋਂ ਹੀ ਖਰੀਦਣੀ ਪਵੇਗੀ। ਹਾਲ ਹੀ ਵਿੱਚ ਲੁਧਿਆਣਾ, ਅੰਮ੍ਰਿਤਸਰ ਆਦਿ ਸ਼ਹਿਰਾਂ ਵਿੱਚ ਸ਼ਰਾਬ ਕਾਰੋਬਾਰੀਆਂ ਦੇ ਵੱਖ-ਵੱਖ ਗਰੁੱਪਾਂ ਵੱਲੋਂ ਅਜਿਹੀ ਓਵਰਚਾਰਜ ਕੀਤੀ ਜਾ ਰਹੀ ਹੈ।
ਹੋਟਲ, ਬਾਰ, ਰੈਸਟੋਰੈਂਟ ਅਤੇ ਮੈਰਿਜ ਪੈਲੇਸ ਮਾਲਕਾਂ ਲਈ ਤਿਆਰ ਕੀਤੀ ਰੇਟ ਲਿਟ ਮੁਤਾਬਕ 100 ਪਾਈਪਰਸ (12 ਈਅਰ ਏਜਡ), ਟੀਚਰਜ਼-50, ਬੰਬੇ ਸੈਫਾਇਰ ਅਤੇ ਹੋਰ ਸਮਾਨ ਬ੍ਰਾਂਡਾਂ ਦੇ ਇੱਕ ਡੱਬੇ ਦੀ ਕੀਮਤ ਹੁਣ 15,600 ਰੁਪਏ ਦੀ ਬਜਾਏ 20,000 ਰੁਪਏ ਰੱਖੀ ਗਈ ਹੈ। ਜੇਕਰ ਉਹੀ ਬ੍ਰਾਂਡ ਇੱਕ ਪੇਟੀ ਤੋਂ ਘੱਟ ਵਿੱਚ ਖਰੀਦੇ ਜਾਂਦੇ ਹਨ ਤਾਂ ਤੁਹਾਨੂੰ 1300 ਰੁਪਏ ਦੀ ਬਜਾਏ 2,000 ਰੁਪਏ ਦੇਣੇ ਪੈਣਗੇ, ਇਸੇ ਤਰ੍ਹਾਂ ਸ਼ਿਵਾਜ਼ ਰੀਗਲ, ਜੇਡਬਲਯੂ ਬਲੈਕ ਲੇਬਲ, ਗ੍ਰੇ ਗੂਜ਼ ਅਤੇ ਹੋਰ ਬ੍ਰਾਂਡਾਂ ਦੀ ਕੀਮਤ ਹੁਣ 23,000 ਰੁਪਏ ਦੀ ਥਾਂ 30,000 ਰੁਪਏ ਪ੍ਰਤੀ ਪੇਟੀ ਕਰ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ : ਦੁਨੀਆ ਲਈ ਵੱਡਾ ਖ਼ਤਰਾ! ਧਰਤੀ ‘ਤੇ ਵਾਪਸ ਡਿੱਗ ਰਿਹਾ 23 ਟਨ ਭਾਰ ਵਾਲਾ ਚੀਨੀ ਰਾਕੇਟ
ਇਕ ਹੋਟਲ ਮਾਲਕ ਨੇ ਆਪਣਾ ਨਾਂ ਗੁਪਤ ਰੱਖਣ ਦੀ ਸ਼ਰਤ ‘ਤੇ ਦੱਸਿਆ ਕਿ ਜਦੋਂ ਤੋਂ ਸੂਬੇ ‘ਚ ਨਵੀਂ ਆਬਕਾਰੀ ਨੀਤੀ ਲਾਗੂ ਹੋਈ ਹੈ, ਉਦੋਂ ਤੋਂ ਸ਼ਰਾਬ ਦੀ ਲਾਬੀ ਦੀ ਮਨਮਾਨੀ ਚੱਲ ਰਹੀ ਹੈ।
ਦੂਜੇ ਪਾਸੇ ਵਰੁਣ ਰੂਜ਼ਮ, ਰਾਜ ਆਬਕਾਰੀ ਅਤੇ ਕਰ ਕਮਿਸ਼ਨਰ ਦਾ ਕਹਿਣਾ ਹੈ ਕਿ ਸ਼ਰਾਬ ਦੇ ਵਪਾਰੀ ਆਪਣੇ ਪੱਧਰ ‘ਤੇ ਸ਼ਰਾਬ ਦੀ ਕੀਮਤ ਨਹੀਂ ਵਧਾ ਸਕਦੇ। ਜੇ ਅਜਿਹਾ ਹੈ ਤਾਂ ਮਾਮਲੇ ਦੀ ਜਾਂਚ ਕੀਤੀ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
