ਜੰਮੂ-ਕਸ਼ਮੀਰ ਦੀ ਰਹਿਣ ਵਾਲੀ ਲੜਕੀ ਦਾ ਵਿਆਹ ਉਸ ਦੇ ਘਰਵਾਲਿਆਂ ਨੇ ਜ਼ਬਰਦਸਤੀ ਪਾਕਿਸਤਾਨ ਲੜਕੇ ਨਾਲ ਕਰਵਾ ਦਿੱਤਾ। ਜਦੋਂ ਲੜਕੀ ਨੂੰ ਉਸ ਦੀ ਸੱਚਾਈ ਦਾ ਪਤਾ ਲੱਗਾ ਤਾਂ ਉਸ ਨੇ ਇਕ ਨੋਟ ਲਿਖ ਕੇ ਛੱਡ ਦਿੱਤਾ ਤੇ ਆਪਣੇ ਦੋਸਤ ਕੋਲ ਭੋਪਾਲ ਆ ਗਈ। ਲੜਕੀ ਦਾ ਕਹਿਣਾ ਹੈ ਕਿ ਉਹ ਪਤੀ ਨਾਲ ਨਹੀਂ ਰਹਿਣਾ ਚਾਹੁੰਦੀ ਕਿਉਂਕਿ ਉਹ ਉਸ ਨੂੰ ਪਾਕਿਸਤਾਨ ਜਾਂ ਦੁਬਈ ਲੈ ਜਾਣਾ ਚਾਹੁੰਦਾ ਸੀ। ਲੜਕੀ ਆਪਣੇ ਦੋਸਤ ਨਾਲ ਰਹਿਣਾ ਚਾਹੁੰਦੀ ਹੈ।
ਊਧਮਪੁਰ ਦੀ ਰਹਿਣ ਵਾਲੀ 23 ਸਾਲ ਦੀ ਲੜਕੀ ਨੇ ਗੋਵਿੰਦਪੁਰਾ ਥਾਣੇ ਦੀ ਊਰਜਾ ਡੈਸਕ ਨੂੰ ਸ਼ਿਕਾਇਤ ਕੀਤੀ ਹੈ। ਇਸ ਵਿਚ ਉਸ ਨੇ ਕਿਹਾ ਕਿ ਉਸ ਦੀ ਮਰਜ਼ੀ ਦੇ ਬਿਨਾਂ ਉਸ ਦਾ ਵਿਆਹ ਕਰਵਾ ਦਿੱਤਾ ਗਿਆ। ਵਿਆਹ ਤੋਂ ਬਾਅਦ ਪਤਾ ਲੱਗਾ ਕਿ ਉਸ ਦਾ ਪਤੀ ਪਾਕਿਸਤਾਨੀ ਹਿੰਦੂ ਹੈ। ਹੁਣ ਉਹ ਉਸ ਨਾਲ ਨਹੀਂ ਰਹਿਣਾ ਚਾਹੁੰਦੀ। ਇਸ ਲਈ ਆਪਣੇ ਘਰ ‘ਤੇ ਨੋਟ ਛੱਡ ਕੇ ਆਪਣੇ ਦੋਸਤ ਕੋਲ ਭੋਪਾਲ ਆ ਗਈ ਹੈ।
ਜਦੋਂ ਲੜਕੀ ਭੋਪਾਲ ਆਪਣੇ ਦੋਸਤ ਕੋਲ ਆ ਗਈ ਤਾਂ ਉਸ ਦੇ ਪਰਿਵਾਰ ਵਾਲਿਆਂ ਨੇ ਜੰਮੂ ਪੁਲਿਸ ਨੂੰ ਗੁੰਮਸ਼ੁਦਗੀ ਦੀ ਸ਼ਿਕਾਇਤ ਕੀਤੀ। ਇਸ ਦੇ ਬਾਅਦ ਜੰਮੂ-ਪੁਲਿਸ ਨੇ ਲੜਕੀ ਤੇ ਉਸ ਦੇ ਦੋਸਤ ਨਾਲ ਸੰਪਰਕ ਕੀਤਾ। ਲੜਕੀ ਦੀ ਗੋਵਿੰਦਪੁਰਾ ਥਾਣੇ ਵਿਚ ਸ਼ਿਕਾਇਤ ਦੇ ਬਾਅਦ ਪੁਲਿਸ ਨੇ ਕਾਊਂਸਲਿੰਗ ਕਰਾਈ ਤੇ ਜੰਮੂ ਪੁਲਿਸ ਤੇ ਉਸ ਦੇ ਪਰਿਵਾਰ ਵਾਲਿਆਂ ਨੂੰ ਵੀ ਥਾਣੇ ਬੁਲਾਇਆ ਤੇ ਦੋਵਾਂ ਦੇ ਬਿਆਨ ਦਰਜ ਕਰਾਏ। ਇਸ ਦੇ ਬਾਅਦ ਲੜਕੀ ਨੇ ਕਿਹਾ ਕਿ ਉਹ ਆਪਣੇ ਦੋਸਤ ਨਾਲ ਭੋਪਾਲ ਰਹਿਣਾ ਚਾਹੁੰਦੀ ਹੈ
ਇਸ ਮਾਮਲੇ ਵਿਚ ਐਡੀਸ਼ਨਲ ਡੀਸੀਪੀ ਜ਼ੋਨ-2 ਆਰਐੱਸ ਭਦੌਰੀਆ ਨੇ ਦੱਸਿਆ ਕਿ ਗੋਵਿੰਦਪੁਰਾ ਥਾਣਾ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਲੜਕਾ-ਲੜਕੀ ਬਾਹਰ ਤੋਂ ਆ ਕੇ ਇਥੇ ਰਹਿ ਰਹੇ ਹਨ। ਪੁਲਿਸ ਨੇ ਜਦੋਂ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਦੋਵੇਂ ਜੰਮੂ-ਕਸ਼ਮੀਰ ਦੇ ਰਹਿਣ ਵਾਲੇ ਹਨ। ਲੜਕੀ ਮਨਜੀਤ ਨਾਂ ਦੇ ਨੌਜਵਾਨ ਨਾਲ ਲਿਵ ਇਨ ਵਿਚ ਰਹਿ ਰਹੀ ਹੈ। ਮਨਜੀਤ ਵੀ ਜੰਮੂ-ਕਸ਼ਮੀਰ ਦਾ ਰਹਿਣ ਵਾਲਾ ਹੈ।
ਇਹ ਵੀ ਪੜ੍ਹੋ : ਹਮੀਰਪੁਰ ‘ਚ ਟ੍ਰਿਪਲ ਮਰਡਰ ਕੇਸ, ਸ਼ਰਾਬ ਲਈ ਪੈਸੇ ਨਾ ਦੇਣ ‘ਤੇ ਭਰਾ ਨੇ ਭੈਣ ਤੇ 2 ਭਾਣਜੀਆਂ ਦੀ ਕੀਤੀ ਹੱਤਿਆ
ਲੜਕੀ ਨੇ ਪੁਲਿਸ ਨੂੰ ਦੱਸਿਆ ਕਿ ਜਦੋਂ ਪਤੀ ਦੀ ਵਿਚਾਰਧਾਰਾ ਤੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਉਸ ਨੂੰ ਪਾਕਿਸਤਾਨੀ ਝੰਡਿਆਂ ਨਾਲ ਦੇਖਿਆ ਤਾਂ ਉਸ ਨੇ ਉਸ ਨਾਲ ਰਹਿਣ ਤੋਂ ਮਨ੍ਹਾ ਕਰ ਦਿੱਤਾ। ਉਸ ਨੇ ਕਿਹਾ ਕਿ ਮੈਂ ਭਾਰਤ ਛੱਡ ਕੇ ਨਹੀਂ ਜਾ ਸਕਦੀ। ਜੰਮੂ-ਕਸ਼ਮੀਰ ਦੀ ਰਹਿਣ ਵਾਲੀ ਹਾਂ। ਭਾਰਤ ਵਿਚ ਹੀ ਕਿਤੇ ਰਹਿ ਸਕਦੀ ਹਾਂ।
ਲੜਕੀ ਦਾ ਪਤੀ ਉਸ ਨੂੰ ਪਾਕਿਸਤਾਨ ਜਾਂ ਦੁਬਈ ਲਿਜਾਣਾ ਚਾਹੁੰਦਾ ਸੀ। ਇਸ ਦੇ ਬਾਅਦ ਲੜਕੀ ਆਪਣੇ ਪਤੀ ਨੂੰ ਛੱਡ ਕੇ ਆਪਣੇ ਇਕ ਦੋਸਤ ਨਾਲ ਭੋਪਾਲ ਵਿਚ ਰਹਿ ਰਹੀ ਹੈ। ਉਹ ਤਲਾਕ ਲੈ ਕੇ ਦੋਸਤ ਨਾਲ ਵਿਆਹ ਕਰਨ ਵਾਲੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
