ਅੰਬਾਲਾ ਵਿੱਚ ਖੁਸ਼ੀ-ਖੁਸ਼ੀ ਘਰ ਨੂੰ ਪਰਤ ਰਹੇ ਪਰਿਵਾਰ ਨਾਲ ਭਿਆਨਕ ਹਾਦਸਾ ਹੋ ਗਿਆ, ਜਿਸ ਵਿੱਚ ਮਾਂ-ਪੁੱਤ ਦੀ ਮੌਤ ਹੋ ਗਈ। ਪਰਿਵਾਰ ਕਾਰ ‘ਚ ਲੁਧਿਆਣਾ ਦੇ ਮਾਛੀਵਾੜਾ ‘ਚ ਵਿਆਹ ਦੇ ਪ੍ਰੋਗਰਾਮ ਤੋਂ ਵਾਪਸ ਹਰਿਆਣਾ ਦੇ ਯਮੁਨਾਨਗਰ ਜਾ ਰਿਹਾ ਸੀ। ਇਸ ਦੌਰਾਨ ਕਾਰ ਅੰਬਾਲਾ ਦੇ ਯਮੁਨਾਨਗਰ ਰੋਡ ‘ਤੇ ਤੇਪਲਾ ਦੇ ਕੋਲ ਖੜ੍ਹੇ ਟਰਾਲੇ ਵਿੱਚ ਪਿੱਛੋਂ ਜਾ ਕੇ ਟਕਰਾਈ।
ਘਟਨਾ ‘ਚ 10 ਸਾਲਾ ਬੱਚੇ ਅਕੁਲ ਅਗਰਵਾਲ ਅਤੇ ਉਸ ਦੀ ਮਾਂ ਪੂਨਮ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਸ ਦੇ ਨਾਲ ਹੀ ਕਾਰ ਚਲਾ ਰਹੇ ਕਪਿਲ ਅਗਰਵਾਲ ਸਣੇ ਤਿੰਨ ਵਿਅਕਤੀ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਜ਼ਖਮੀਆਂ ਨੂੰ ਇਲਾਜ ਲਈ ਅੰਬਾਲਾ ਕੈਂਟ ਦੇ ਸਿਵਲ ਹਸਪਤਾਲ ਲਿਆਂਦਾ ਗਿਆ ਹੈ।
ਜਾਣਕਾਰੀ ਮੁਤਾਬਕ ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਜ਼ਖਮੀਆਂ ਦੇ ਰਿਸ਼ਤੇਦਾਰ ਵੀ ਅੰਬਾਲਾ ਛਾਉਣੀ ਦੇ ਸਿਵਲ ਹਸਪਤਾਲ ਪਹੁੰਚੇ। ਰਿਸ਼ਤੇਦਾਰ ਮਨਮੋਹਨ ਨੇ ਦੱਸਿਆ ਕਿ ਕਪਿਲ ਅਗਰਵਾਲ ਉਸ ਦਾ ਚਚੇਰਾ ਭਰਾ ਸੀ। ਉਹ ਆਪਣੀ ਪਤਨੀ ਪੂਨਮ, ਬੇਟੇ ਅਕੁਲ, ਮਾਂ ਸ਼ਸ਼ੀ ਅਗਰਵਾਲ ਅਤੇ ਬੇਟੀ ਸ਼ਾਨੂ ਪੰਜਾਬ ਦੇ ਵਿਆਹ ਸਮਾਗਮ ਤੋਂ ਯਮੁਨਾਨਗਰ ਪਰਤ ਰਹੇ ਸਨ। ਇਸ ਦੌਰਾਨ ਅੰਬਾਲਾ ਨੇੜੇ ਤੇਪਲਾ ਵਿਖੇ ਉਸ ਦੀ ਕਾਰ ਸੜਕ ਕੰਢੇ ਖੜ੍ਹੇ ਟਰਾਲੀ ਨਾਲ ਟਕਰਾ ਗਈ। ਹਾਦਸੇ ‘ਚ ਕਪਿਲ ਦੀ ਪਤਨੀ ਅਤੇ ਬੇਟੇ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਕਪਿਲ ਦੀ ਮਾਂ, ਧੀ ਅਤੇ ਕਪਿਲ ਜ਼ਖਮੀ ਹਨ।
ਸਾਹਾ ਨੇ ਥਾਣਾ ਇੰਚਾਰਜ ਯਸ਼ਦੀਪ ਸਿੰਘ ਡੱਲਬਾਲ ਸਮੇਤ ਮੌਕੇ ‘ਤੇ ਪਹੁੰਚ ਕੇ ਲੋਕਾਂ ਦੀ ਮਦਦ ਨਾਲ ਜ਼ਖਮੀਆਂ ਨੂੰ ਕਾਰ ‘ਚੋਂ ਬਾਹਰ ਕੱਢ ਕੇ ਅੰਬਾਲਾ ਕੈਂਟ ਹਸਪਤਾਲ ਪਹੁੰਚਾਇਆ। SHO ਯਸ਼ਦੀਪ ਸਿੰਘ ਨੇ ਦੱਸਿਆ ਕਿ ਸਵੇਰੇ ਡਾਇਲ 112 ਤੋਂ ਇੱਕ ਕਾਲ ਆਈ ਸੀ। ਦੋ ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਹ ਕਾਰ ਸਵਾਰ ਪੰਜਾਬ ਵਿੱਚ ਇੱਕ ਵਿਆਹ ਸਮਾਗਮ ਤੋਂ ਵਾਪਸ ਆ ਰਹੇ ਸਨ। ਉਨ੍ਹਾਂ ਕਿਹਾ ਕਿ ਸੜਕ ਕਿਨਾਰੇ ਖੜ੍ਹੇ ਵਾਹਨਾਂ ਨੂੰ ਨੋਟਿਸ ਦਿੱਤੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਟਰਾਲੀ ਸੜਕ ਦੇ ਬਾਹਰ ਸਾਈਡ ’ਤੇ ਖੜ੍ਹੀ ਸੀ, ਪਰ ਫਿਰ ਵੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਫਿਲਹਾਲ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
