ਨਾਨਾ ਬਣੇ ਮੁਕੇਸ਼ ਅੰਬਾਨੀ, ਧੀ ਈਸ਼ਾ ਅੰਬਾਨੀ ਨੇ ਦਿੱਤਾ ਜੁੜਵਾਂ ਬੱਚਿਆਂ ਨੂੰ ਜਨਮ

ਮੁਕੇਸ਼ ਅੰਬਾਨੀ ਤੇ ਨੀਤਾ ਅੰਬਾਨੀ ਨਾਨਾ-ਨਾਮੀ ਬਣ ਗਏ ਹਨ। ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਤੇ ਦਾਮਾਦ ਆਨੰਦ ਪੀਰਾਮਲ ਦੇ ਜੁੜਵਾਂ ਬੱਚੇ ਹੋਏ ਹਨ। ਅੰਬਾਨੀ ਵੱਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸਾਨੂੰ ਇਹ ਦੱਸਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਈਸ਼ਾ ਤੇ ਆਨੰਦ ਨੂੰ 19 ਨਵੰਬਰ 2022 ਜੁੜਵਾਂ ਬੱਚਿਆਂ ਦਾ ਆਸ਼ੀਰਵਾਦ ਮਿਲਿਆ ਹੈ।

ਬਿਆਨ ਵਿਚ ਕਿਹਾ ਗਿਆ ਕਿ ਈਸ਼ਾ ਤੇ ਆਨੰਦ ਨੂੰ ਇਕ ਲੜਕਾ ਤੇ ਇਕ ਲੜਕੀ ਹੋਈ ਹੈ। ਬੇਟੇ ਦਾ ਨਾਂ ਕ੍ਰਿਸ਼ਨ ਤੇ ਬੇਟੀ ਦਾ ਨਾਂ ਆਦੀਆ ਰੱਖਿਆ ਗਿਆ ਹੈ। ਦੋਵੇਂ ਸਿਹਤਮੰਦ ਹਨ। ਦੱਸ ਦੇਈਏ ਕਿ ਈਸ਼ਾ ਨੇ 12 ਦਸੰਬਰ 2018 ਨੂੰ ਆਨੰਦ ਪੀਰਾਮਲ ਨਾਲ ਵਿਆਹ ਕੀਤਾ ਸੀ। ਦੋਵੇਂ ਲੰਬੇ ਸਮੇਂ ਤੋਂ ਦੋਸਤ ਹਨ। ਹੁਣੇ ਜਿਹੇ ਮੁਕੇਸ਼ ਅੰਬਾਨੀ ਨੇ ਆਪਣੀ ਧੀ ਨੂੰ ਰਿਲਾਇੰਸ ਇੰਡਸਟਰੀਜ਼ ਵਿਚ ਵੱਡੀ ਜ਼ਿੰਮੇਵਾਰੀ ਸੌਂਪੀ ਹੈ।ਈਸ਼ਾ ਰਿਲਾਇੰਸ ਰਿਟੇਲ ਦੀ ਕਮਾਲ ਸੰਭਾਲ ਰਹੀ ਹੈ।

ਆਨੰਦ ਪੀਰਾਮਲ ਪੈਨਸਿਲਵੇਨੀਆ ਯੂਨੀਵਰਸਿਟੀ ਤੋਂ ਅਰਥ ਸ਼ਾਸਤਰ ਵਿੱਚ ਗ੍ਰੈਜੂਏਟ ਹੈ। ਉਸਨੇ ਹਾਰਵਰਡ ਬਿਜ਼ਨਸ ਸਕੂਲ ਤੋਂ ਬਿਜ਼ਨਸ ਐਡਮਿਨਿਸਟ੍ਰੇਸ਼ਨ ਦੀ ਡਿਗਰੀ ਵੀ ਹਾਸਲ ਕੀਤੀ ਹੈ। ਈਸ਼ਾ ਅਤੇ ਆਨੰਦ ਦੋਵੇਂ ਆਈਵੀ ਲੀਗ ਦੇ ਪਾਸ ਆਊਟ ਹਨ। ਜਦੋਂ ਈਸ਼ਾ ਨੇ ਸਟੈਨਫੋਰਡ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕੀਤੀ, ਆਨੰਦ ਆਪਣੀ ਐਮਬੀਏ ਕਰਨ ਲਈ ਹਾਰਵਰਡ ਗਿਆ।

ਇਹ ਵੀ ਪੜ੍ਹੋ : ਰਿੰਦਾ ਦੀ ਮੌਤ ਦੀ ਖ਼ਬਰ ‘ਤੇ ਲੰਡਾ ਤੇ ਡੱਲਾ ਆਹਮੋ-ਸਾਹਮਣੇ, ਗੈਂਗਸਟਰਾਂ ਦੇ ਵੱਖੋ-ਵੱਖ ਦਾਅਵੇ

ਆਨੰਦ ਪੀਰਾਮਲ ਰੀਅਲਟੀ ਦਾ ਸੰਸਥਾਪਕ ਹੈ, ਜੋ ਭਾਰਤ ਦੀਆਂ ਸਭ ਤੋਂ ਵੱਧ ਮੰਨੀ ਜਾਂਦੀ ਰੀਅਲ ਅਸਟੇਟ ਫਰਮਾਂ ਵਿੱਚੋਂ ਇੱਕ ਹੈ। ਪੀਰਾਮਲ ਰਿਐਲਟੀ ਤੋਂ ਪਹਿਲਾਂ ਆਨੰਦ ਨੇ ਪੀਰਾਮਲ ਹੈਲਥ ਦੀ ਸਥਾਪਨਾ ਕੀਤੀ ਸੀ। ਇਹ ਕੰਪਨੀ ਹਰ ਰੋਜ਼ 40,000 ਤੋਂ ਵੱਧ ਮਰੀਜ਼ਾਂ ਦਾ ਇਲਾਜ ਕਰਦੀ ਹੈ। ਆਨੰਦ ਗਲੋਬਲ ਕਾਰੋਬਾਰੀ ਸਮੂਹ ਪੀਰਾਮਲ ਗਰੁੱਪ ਦੇ ਕਾਰਜਕਾਰੀ ਨਿਰਦੇਸ਼ਕ ਵੀ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “