ਪਾਕਿਸਤਾਨ ਸਥਿਤ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ ਦੀ ਪਵਿੱਤਰ ਧਰਤੀ ‘ਤੇ 1947 ਦੀ ਵੰਡ ਵਿੱਚ ਵਿਛੜੇ ਲੋਕ ਕਾਰੀਡੋਰ ਬਣਨ ਮਗਰੋਂ ਆਪਣੇ ਪਰਿਵਾਰ ਵਾਲਿਆਂ ਨੂੰ ਮਿਲ ਰਹੇ ਹਨ। ਇਸੇ ਕੜੀ ਵਿੱਚ ਸੋਮਵਾਰ ਨੂੰ ਜਲੰਧਰ ਦੇ ਰਹਿਣ ਵਾਲੇ 92 ਸਾਲਾ ਸਰਵਣ ਸਿੰਘ ਪਾਕਿਸਤਾਨ ਵਿੱਚ ਰਹਿੰਦੇ ਆਪਣੇ 82 ਸਾਲਾ ਭਤੀਜੇ ਅਬਦੁਲ ਖਾਲਿਕ (ਪੁਰਾਣਾ ਨਾਮ ਮੋਹਨ ਸਿੰਘ) ਨੂੰ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ ਵਿਖੇ ਮਿਲੇ।
ਸਰਵਣ ਸਿੰਘ ਆਪਣੀ ਧੀ ਰਛਪਾਲ ਕੌਰ ਨਾਲ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ ਵਿਖੇ ਨਤਮਸਤਕ ਹੋਣ ਆਏ ਸਨ। ਡੇਰਾ ਬਾਬਾ ਨਾਨਕ ਦੀ ਭਾਰਤ-ਪਾਕਿ ਸਰਹੱਦ ‘ਤੇ ਸਰਵਣ ਨੇ ਦੱਸਿਆ ਕਿ 1947 ‘ਚ ਦੇਸ਼ ਦੀ ਵੰਡ ‘ਚ ਉਹ ਪਰਿਵਾਰ ਤੋਂ ਵੱਖ ਹੋ ਗਿਆ ਸੀ। ਉਸ ਵੇਲੇ ਹੋਏ ਕਤਲੇਆਮ ਵਿਚ ਉਸ ਦੇ ਪਰਿਵਾਰ ਦੇ 22 ਮੈਂਬਰ ਮਾਰੇ ਗਏ ਸਨ। ਉਸ ਵੇਲੇ ਉਨ੍ਹਾਂ ਦਾ ਭਤੀਜਾ ਮੋਹਨ ਸਿੰਘ ਭੱਜਣ ਵਿੱਚ ਕਾਮਯਾਬ ਹੋ ਗਿਆ ਸੀ ਅਤੇ ਇੱਕ ਮੁਸਲਮਾਨ ਪਰਿਵਾਰ ਨੇ ਉਸਦੀ ਦੇਖਭਾਲ ਕੀਤੀ ਸੀ।
ਭਾਵੁਕ ਹੋਏ ਸਰਵਨ ਸਿੰਘ ਨੇ ਕਿਹਾ ਕਿ ਵੰਡ ਵਿੱਚ ਪਰਿਵਾਰ ਦੇ 22 ਲੋਕਾਂ ਦਾ ਕਤਲੇਆਮ ਹੋਇਆ ਸੀ। ਇਸ ਦੌਰਾਨ ਦੋ ਅੰਗੂਠਇਆਂ ਤੇ ਪੱਟ ‘ਤੇ ਬਣੇ ਕਾਲੇ ਧੱਬਿਆਂ ਨਾਲ ਪਾਕਿਸਤਾਨ ਵਿੱਚ ਰਹਿ ਰਹੇ ਅਬਦੁਲ (ਮੋਹਣ ਸਿੰਘ) ਨੂੰ ਚਾਚੇ ਨੇ ਪਛਾਣਿਆ।
ਸਰਵਣ ਸਿੰਘ ਨੇ ਦੱਸਿਆ ਕਿ ਸਿੱਖ ਲੇਖਕ ਸੁਖਦੀਪ ਸਿੰਘ ਬਰਨਾਲਾ ਨੇ ਵੰਡ ਦੇ ਦੁਖਾਂਤ ‘ਤੇ ਡਾਕੂਮੈਂਟਰੀ ਫਿਲਮ ਬਣਾਈ ਸੀ। ਡਾਕੂਮੈਂਟਰੀ ਵਿੱਚ ਵੰਡ ਤੋਂ ਪੀੜਤ ਸਰਵਣ ਸਿੰਘ ਦੇ ਪਰਿਵਾਰ ਅਤੇ ਹੋਰਨਾਂ ਬਾਰੇ ਦੱਸਿਆ ਗਿਆ ਸੀ। ਆਸਟ੍ਰੇਲੀਆ ਵਿਚ ਰਹਿ ਰਹੇ ਗੁਰਦੇਵ ਸਿੰਘ ਨੇ ਇਹ ਡਾਕੂਮੈਂਟਰੀ ਵੇਖੀ ਅਤੇ ਸਰਵਨ ਨੂੰ ਉਨ੍ਹਾਂ ਦੇ ਭਤੀਜੇ ਨਾਲ ਮਿਲਾਉਣ ਦੀ ਕੋਸ਼ਿਸ਼ ਕੀਤੀ। ਡਾਕੂਮੈਂਟਰੀ ਵਿਚ 6 ਸਾਲ ਦੇ ਮੁੰਡੇ ਦੇ ਦੋ ਅੰਗੂਠਿਆਂ ਅਤੇ ਇਕ ਪੱਟ ‘ਤੇ ਧੱਬੇ ਵਿਖਾਏ ਗਏ ਸਨ।
ਇਹ ਵੀ ਪੜ੍ਹੋ : ਮੂਸੇਵਾਲਾ ਦੇ ਦੋਸਤ ਨੂੰ ਗੈਂਗਸਟਰਾਂ ਤੋਂ ਧਮਕੀਆਂ, ਸਕਿਓਰਿਟੀ ਨੂੰ ਲੈ ਕੇ ਪੰਜਾਬ ਸਰਕਾਰ ਨੂੰ ਮਿਲੇ ਹੁਕਮ
ਪਾਕਿਸਤਾਨੀ ਪੱਤਰਕਾਰ ਨਾਲ ਸੰਪਰਕ ਕਰਕੇ ਮੋਹਨ ਸਿੰਘ ਦਾ ਸੁਰਾਗ ਲੱਭਣ ਵਿੱਚ ਮਦਦ ਮੰਗੀ ਤਾਂ ਅਬਦੁਲ ਖਾਲਿਕ ਬਾਰੇ ਵੀ ਅਜਿਹਾ ਹੀ ਦੱਸਿਆ ਗਿਆ। ਆਸਟ੍ਰੇਲੀਆ ‘ਚ ਰਹਿੰਦੇ ਗੁਰਦੇਵ ਨੇ ਪਾਕਿਸਤਾਨ ਦੇ ਅਬਦੁਲ ਖਾਲਿਕ ਦਾ ਫੋਨ ਲੱਭਿਆ ਤੇ ਦੋਵਾਂ ਦੀ ਗੱਲ ਕਰਾਈ। ਸੋਮਵਾਰ ਨੂੰ ਗੁਰਦੇਵ ਸਿੰਘ ਕਰਕੇ ਚਾਚਾ-ਭਤੀਜਾ ਮਿਲ ਸਕੇ। ਸਰਵਨ ਨੇ ਦੱਸਿਆ ਕਿ ਉਨ੍ਹਾਂ ਦੇ ਭਤੀਜੇ ਅਬਦੁਲ ਖਾਲਿਕ ਉਰਫ ਮੋਹਨ ਸਿੰਘ ਦਾ ਆਪਣਾ ਪਰਿਵਾਰ ਵੀ ਹੈ। ਭਤੀਜੇ ਦੇ 6 ਪੁੱਤਰ ਹਨ।
ਵੀਡੀਓ ਲਈ ਕਲਿੱਕ ਕਰੋ -: