‘ਆਪ’ ਦੇ ਰਾਜ ਸਭਾ ਮੈਂਬਰ ਰਾਘਵ ਚੱਢਾ ਨੇ ਅੱਜ ਰਾਤ ਕਰੀਬ 8 ਵਜੇ ਦਿੱਲੀ ਦੇ ਕਪੂਰਥਲਾ ਹਾਊਸ ‘ਚ ਸਿੱਖ ਰੀਤੀ-ਰਿਵਾਜਾਂ ਮੁਤਾਬਕ ਅਦਾਕਾਰਾ ਪਰਿਣੀਤੀ ਚੋਪੜਾ ਨਾਲ ਮੰਗਣੀ ਕਰਵਾ ਲਈ। ਮੰਗਣੀ ਤੋਂ ਬਾਅਦ ਦੋਹਾਂ ਨੇ ਤਸਵੀਰਾਂ ਸ਼ੇਅਰ ਕੀਤੀਆਂ, ਜਿਸ ‘ਚ ਦੋਵੇਂ ਇਕ-ਦੂਜੇ ਦੀਆਂ ਬਾਹਾਂ ‘ਚ ਗੁਆਚੇ ਨਜ਼ਰ ਆ ਰਹੇ ਹਨ।
ਦੋਵਾਂ ਨੇ ਪਰਿਵਾਰ ਤੇ ਦੋਸਤਾਂ ਦੀ ਮੌਜੂਦਗੀ ਵਿੱਚ ਇੱਕ-ਦੂਜੇ ਨੂੰ ਮੁੰਦਰੀ ਪੁਆਈ। ਖੁਸ਼ੀ ਦੇ ਮੌਕੇ ‘ਤੇ ਅਦਾਕਾਰਾ ਦੇ ਭਰਾ ਸਹਿਜ ਚੋਪੜਾ ਤੇ ਸ਼ਿਵਾਂਗ ਚੋਪੜਾ ਨੇ ਮਠਿਆਈ ਵੰਡ ਕੇ ਲੋਕਾਂ ਨਾਲ ਖੁਸ਼ੀਆਂ ਵੰਡੀਆਂ।
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ, ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਆਪਣੀ ਪਤਨੀ ਸਣੇ, ਕਾਂਗਰਸ ਨੇਤਾ ਕਪਿਲ ਸਿੱਬਲ, ਸਾਬਕਾ ਵਿੱਤ ਮੰਤਰੀ ਪੀ ਚਿਦੰਬਰਮ, ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਅਤੇ ਕਈ ਮਸ਼ਹੂਰ ਹਸਤੀਆਂ ਨੇ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਦੀ ਮੰਗਣੀ ਵਿੱਚ ਸ਼ਿਰਕਤ ਕੀਤੀ।
ਪਰਿਣੀਤੀ ਤੇ ਰਾਘਵ ਚੱਢਾ ਨੇ ਮੰਗਣੀ ਮਗਰੋਂ ਕੇਜਰੀਵਾਲ ਨਾਲ ਫੋਟੋ ਖਿਚਵਾਈ। ਤਸਵੀਰ ਵਿੱਚ ਸੀ.ਐੱਮ. ਕੇਜਰੀਵਾਲ ਦੇ ਨਾਲ ਉਨ੍ਹਾਂ ਦੀ ਪਤਨੀ ਸੁਨੀਤਾ ਕੇਜਰੀਵਾਲ, ਸੀ.ਐੱਮ. ਭਗਵੰਤ ਮਾਨ ਅਤੇ ਉਨ੍ਹਾਂ ਦੀ ਪਤਨੀ ਗੁਰਪ੍ਰੀਤ ਕੌਰ ਵੀ ਨਜ਼ਰ ਆਈ।
ਮੰਗਣੀ ਵੀਚ ਅਦਾਕਾਰਾ ਨੇ ਆਇਵਰੀ ਰੰਗ ਦਾ ਸੂਟ ਪਹਿਨਿਆ, ਉਥੇ ਹੀ ਰਾਘਵ ਚੱਢਾ ਵ੍ਹਾਈਟ ਕਲਰ ਦੇ ਕੁੜਤੇ ਪਜਾਮੇ ਵਿੱਚ ਪਰਿਣੀਤੀ ਨੂੰ ਕੰਪਲੀਟ ਕਰਦੇ ਦਿਸੇ। ਅਦਾਕਾਰਾ ਦੀ ਜਵੈਲਰੀ ਤੇ ਆਊਟਫਿਟ ਮਨੀਸ਼ ਮਲਹੋਤਰਾ ਨੇ ਡਿਜ਼ਾਈਨ ਕੀਤਾ ਸੀ, ਉਥੇ ਹੀ ਰਾਘਵ ਚੱਢਾ ਨੇ ਪਵਨ ਸਚਦੇਵ ਦਾ ਡਿਜ਼ਾਈਨ ਕੀਤਾ ਕੁੜਤਾ ਪਜਾਮਾ ਪਹਿਨਿਆ ਸੀ।
ਪਰਿਣੀਤੀ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਸ਼ੇਅਰ ਕੀਤੀਆਂ ਤਸਵੀਰਾਂ ‘ਚ ਦੋਵਾਂ ਦੀ ਜੋੜੀ ਕਾਫੀ ਸ਼ਾਨਦਾਰ ਲੱਗ ਰਹੀ ਹੈ। ਆਪਣੀ ਭੈਣ ਪਰਿਣੀਤੀ ਚੋਪੜਾ ਦੀ ਮੰਗਣੀ ‘ਚ ਸ਼ਾਮਲ ਹੋਣ ਲਈ ਖਾਸ ਅੰਦਾਜ਼ ‘ਚ ਪਹੁੰਚੀ। ਉਸ ਨੇ ਕਪੂਰਥਲਾ ਹਾਊਸ ਦੇ ਬਾਹਰ ਫੋਟੋਗ੍ਰਾਫਰਾਂ ਲਈ ਪੋਜ਼ ਵੀ ਦਿੱਤੇ।
ਸ਼ਿਵ ਸੈਨਾ ਨੇਤਾ ਆਦਿਤਿਆ ਠਾਕਰੇ ਅਤੇ ਸਾਬਕਾ ਵਿੱਤ ਮੰਤਰੀ ਪੀ ਚਿਦੰਬਰਮ ਵੀ ਵੀਆਈਪੀ ਮਹਿਮਾਨਾਂ ਦੀ ਸੂਚੀ ਵਿੱਚ ਸਨ। ਉਨ੍ਹਾਂ ਤੋਂ ਇਲਾਵਾ ਪ੍ਰਿਅੰਕਾ ਚਤੁਰਵੇਦੀ, ਕਪਿਲ ਸਿੱਬਲ, ਰਾਜੀਵ ਸ਼ੁਕਲਾ ਇਸ ਜੋੜੇ ਨੂੰ ਵਧਾਈ ਦੇਣ ਪਹੁੰਚੇ।
ਪਰਿਣੀਤੀ ਅਤੇ ਰਾਘਵ ਦੀ ਮੰਗਣੀ ਲਈ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਪਰਿਵਾਰ ਸਮੇਤ ਪਹੁੰਚੇ। ਹਾਲਾਂਕਿ ਉਹ ਮੀਡੀਆ ਲਈ ਨਹੀਂ ਰੁਕੇ ਅਤੇ ਉਨ੍ਹਾਂ ਦੀ ਗੱਡੀ ਸਿੱਧੀ ਗੇਟ ਦੇ ਅੰਦਰ ਚਲੀ ਗਈ।
ਪਰਿਣੀਤੀ ਅਤੇ ਰਾਘਵ ਦੀ ਮੰਗਣੀ ਦੀ ਰਸਮ ਲਈ ਨੋ ਫੋਨ ਪਾਲਿਸੀ ਲਾਗੂ ਕੀਤੀ ਸੀ ਤਾਂ ਜੋ ਕੋਈ ਵੀਡਿਓ ਅਤੇ ਤਸਵੀਰਾਂ ਲੀਕ ਨਾ ਹੋਣ। ਇਵੈਂਟ ਟੀਮ ਨੇ ਆਪਣੇ ਨਾਲ ਲੋਕਾਂ ਦੇ ਫੋਨ ਇਕੱਠੇ ਕੀਤੇ ਹਨ।
ਪਰਿਣੀਤੀ ਦੀ ਚਚੇਰੀ ਭੈਣ ਅਤੇ ਅਦਾਕਾਰਾ ਮਨਾਰਾ ਚੋਪੜਾ ਵੀ ਮੰਗਣੀ ਵਿੱਚ ਸ਼ਾਮਲ ਹੋਵੇਗੀ। ਉਹ ਪਰਿਵਾਰਕ ਮੈਂਬਰਾਂ ਨਾਲ ਪ੍ਰੋਗਰਾਮ ਵਾਲੀ ਥਾਂ ‘ਤੇ ਪਹੁੰਚ ਗਈ ਹੈ। ਨਾਲ ਹੀ ਪਰਿਣੀਤੀ ਦੇ ਦੋਸਤ ਥਾਮਸ ਡਰਾਕੋਵਿਚ ਨੂੰ ਵੀ ਕਪੂਰਥਲਾ ਘਰ ਦੇ ਬਾਹਰ ਦੇਖਿਆ ਗਿਆ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
ਇਹ ਵੀ ਪੜ੍ਹੋ : ਵਿਦਿਆਰਥੀਆਂ ਦੀ ਉਡੀਕ ਹੋਵੇਗੀ ਖ਼ਤਮ! ਮਈ ਦੇ ਅਖੀਰ ‘ਚ ਆ ਸਕਦੈ PSEB ਦਾ 10ਵੀਂ-12ਵੀਂ ਦਾ ਨਤੀਜਾ
