ਮੁੱਖ ਮੰਤਰੀ ਭਗਵੰਤ ਮਾਨ ਤੇ ਕੈਬਨਿਟ ਮੰਤਰੀ ਹਰਭਜਨ ਸਿੰਘ ਈਟੀਓ ਦੀ ਅਗਵਾਈ ਵਿਚ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਵੱਲੋਂ ਸੂਬੇ ਵਿਚ ਬਿਜਲੀ ਚੋਰੀ ਰੋਕਣ ਲਈ ਬਿਜਲੀ ਤੇ ਲੋਕ ਨਿਰਮਾਣ ਮੰਤਰੀ ਪੰਜਾਬ ਦੀ ਮੁਹਿੰਮ ਦੇ ਚੰਗੇ ਨਤੀਜੇ ਮਿਲ ਰਹੇ ਹਨ।
ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਆਪ੍ਰੇਸ਼ਨ ਬਾਰਡਰ ਜ਼ੋਨ, ਇੰਜ. ਬਾਲ ਕ੍ਰਿਸ਼ਨ ਦੇ ਮੁੱਖ ਇੰਜੀਨੀਅਰ ਨੇ ਕਿਹਾ ਕਿ ਅੱਜ ਤਰਨਤਾਰਨ ਜ਼ਿਲ੍ਹੇ ਦੇ ਵੱਖ-ਵੱਖ ਥਾਵਾਂ ‘ਤੇ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਦੀਆਂ ਟੀਮਾਂ ਨੇ ਬਿਜਲੀ ਚੋਰੀ ਰੋਕਣ ਲਈ ਵੱਖ-ਵੱਖ ਖਪਤਕਾਰਾਂ ਦੇ 650 ਘਰਾਂ ਦਾ ਦੌਰਾ ਕੀਤਾ ਜਿਸ ਤਹਿਤ 75 ਖਪਤਕਾਰਾਂ ਨੂੰ 15.40 ਲੱਖ ਦਾ ਜੁਰਮਾਨਾ ਲਗਾਇਆ ਗਿਆ।
ਅਲਾਵਲਪੁਰ ਵਿਚ ਸਾਈਂ ਕ੍ਰਿਪਾ ਨਾਂ ਦਾ ਇਕ ਪੈਟਰੋਲ ਪੰਪ ਕੈਪੇਸੀਟਰ ਲਗਾ ਕੇ ਬਿਜਲੀ ਚੋਰੀ ਕਰਦਾ ਦੇਖਿਆ ਗਿਆ ਜਿਸ ਦਾ ਲੋਡ 9 ਕਿਲੋਵਾਟ ‘ਤੇ ਚੱਲ ਰਿਹਾ ਪਾਇਆ ਗਿਆ ਤੇ ਬਿਜਲੀ ਚੋਰੀ ਦੇ ਦੋਸ਼ ਵਿਚ 3.47 ਲੱਖ ਦਾ ਜੁਰਮਾਨਾ ਕੀਤਾ ਗਿਆ ਤੇ ਮੌਕੇ ‘ਤੇ ਹੀ ਕਨੈਕਸ਼ਨ ਕੱਟ ਦਿੱਤਾ ਗਿਆ ਤੇ ਇਸ ਦੇ ਤੁਰੰਤ ਬਾਅਦ ਬਿਜਲੀ ਚੋਰੀ ਦੀ ਪੂਰੀ ਰਕਮ ਉਪਭੋਗਤਾ ਵੱਲੋਂ ਜਮ੍ਹਾ ਕਰਾਈ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
“Fastway ਤੋਂ 3 ਕਰੋੜ ਮੰਗਦਾ ਸੀ GST ਇੰਸਪੈਕਟਰ! ਹੁਣ ਹੱਥਾਂ ‘ਚ ਹੱਥਕੜੀਆਂ ਨੇ, Sting ਓਪਰੇਸ਼ਨ ਨੇ ਲਿਆਂਦਾ “
ਇੰਜੀਨੀਅਰ ਜੀ. ਐੱਸ. ਖਹਿਰਾ ਉਪ ਮੁਖੀ ਆਈਐੱਨਜੀ ਪੀਐੱਸਪੀਐੱਸਐੱਲ ਨੇ ਦੱਸਿਆ ਕਿ ਤਰਤਾਰਨ ਸਰਕਲ ਵਿਚ ਲਗਭਗ 50 ਫੀਸਦੀ ਬਿਜਲੀ ਚੋਰੀ ਹੋ ਰਹੀ ਹੈ। ਭਿਖੀਵਿੰਡ ਤੇ ਪੱਟੀ ਖੇਤਰ ਵਿਚ ਬਿਜਲੀ ਚੋਰੀ ਅਜੇ ਵੀ ਉੱਚ ਪੱਧਰ ‘ਤੇ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਬਿਜਲੀ ਚੋਰੀ ਰੋਕਣ ਲਈ ਭਵਿੱਖ ਵਿਚ ਵੀ ਇਸੇ ਤਰ੍ਹਾਂ ਛਾਪੇਮਾਰੀ ਜਾਰੀ ਰਹੇਗੀ। ਪੂਰੇ ਖੇਤਰ ਵਿਚ ਖੰਭਿਆਂ ਦੇ ਬਕਸਿਆਂ ਦੀ ਸੀਲਿੰਗ ਤੇ ਲਾਕਿੰਗ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਲੋਕਾਂ ਨੂੰ ਬਿਜਲੀ ਚੋਰੀ ਨਾ ਕਰਨ ਤੇ ਬਿਜਲੀ ਦਾ ਸਹੀ ਇਸਤੇਮਾਲ ਕਰਨ ਦੀ ਵੀ ਅਪੀਲ ਕੀਤੀ।
