ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਨੇ ਡਰਾਈਵਰ ਭਰਤੀ ਪ੍ਰੀਖਿਆ ਦੀ ਐਲਾਨੀ ਤਰੀਕ, ਇੰਝ ਭਰੋ ਫਾਰਮ

ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਨੇ ਡਰਾਈਵਰ ਭਰਤੀ ਪ੍ਰੀਖਿਆ ਦੀਆਂ ਤਰੀਕਾਂ ਜਾਰੀ ਕਰ ਦਿੱਤੀਆਂ ਹਨ। ਡਰਾਈਵਰ ਭਰਤੀ ਪ੍ਰੀਖਿਆ ਦਾ ਆਯੋਜਨ 21 ਦਸੰਬਰ 2022 ਨੂੰ ਕੀਤਾ ਜਾਵੇਗਾ ਨਾਲ ਹੀ ਐਡਮਿਟ ਕਾਰਡ ਅਗਲੇ ਹਫਤੇ ਜਾਰੀ ਕੀਤੇ ਜਾਣਗੇ।

ਪੰਜਾਬ ਤੇ ਹਾਈਕੋਰਟ ਡਰਾਈਵਰ ਪ੍ਰੀਖਿਆ 2022 ਲਈ ਐਡਮਿਟ ਕਾਰਡ 14 ਦਸੰਬਰ 2022 ਨੂੰ ਜਾਰੀ ਕੀਤਾ ਜਾਵੇਗਾ ਜਿਹੜੇ ਉਮੀਦਵਾਰਾਂ ਨੇ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੀ ਇਸ ਭਰਤੀ ਲਈ ਅਪਲਾਈ ਕੀਤਾ ਹੈ, ਉਹ ਹਾਈਕੋਰਟ ਦੀ ਅਧਿਕਾਰਕ ਵੈੱਬਸਾਈਟ www.highcourtchd.gov.in ਰਾਹੀਂ ਆਪਣਾ ਐਡਮਿਟ ਕਾਰਡ ਡਾਊਨਲੋਡ ਕਰ ਸਕਦੇ ਹਨ।

ਦੱਸ ਦੇਈਏ ਕਿ ਚੰਡੀਗੜ੍ਹ ਅਦਾਲਤ ਨੇ ਚੰਡੀਗੜ੍ਹ ਕੇਂਦਰ ਸ਼ਾਸਤ ਪ੍ਰਦੇਸ਼ (ਯੂਟੀ) ਦੀਆਂ ਅਧੀਨ ਅਦਾਲਤਾਂ ਵਿੱਚ ਡਰਾਈਵਰਾਂ ਦੀ ਭਰਤੀ ਲਈ ਆਨਲਾਈਨ ਅਰਜ਼ੀਆਂ ਮੰਗੀਆਂ ਸਨ। ਆਨਲਾਈਨ ਅਰਜ਼ੀ ਦੀ ਪ੍ਰਕਿਰਿਆ 21 ਅਕਤੂਬਰ 2022 ਨੂੰ ਸ਼ੁਰੂ ਹੋਈ ਸੀ। ਬਿਨੈ ਪੱਤਰ 10 ਨਵੰਬਰ 2022 ਤੱਕ ਭਰੇ ਗਏ ਸਨ। ਆਨਲਾਈਨ ਅਰਜ਼ੀ ਫਾਰਮ ਹਾਈ ਕੋਰਟ ਦੀ ਅਧਿਕਾਰਤ ਵੈੱਬਸਾਈਟ www.highcourtchd.gov.in ਤੋਂ ਭਰੇ ਗਏ ਸਨ। ਦੱਸ ਦੇਈਏ ਕਿ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਡਰਾਈਵਰ ਭਰਤੀ 2022 ਰਾਹੀਂ ਡਰਾਈਵਰ ਦੀਆਂ ਕੁੱਲ 18 ਅਸਾਮੀਆਂ ਭਰੀਆਂ ਜਾਣੀਆਂ ਹਨ। ਇਨ੍ਹਾਂ ਅਸਾਮੀਆਂ ‘ਤੇ ਚੁਣੇ ਗਏ ਨੂੰ 5910 ਤੋਂ 20200 ਰੁਪਏ ਅਤੇ ਗ੍ਰੇਡ ਪੇਅ 2400 ਰੁਪਏ ਮਿਲਣਗੇ।

ਪੰਜਾਬ ਅਤੇ ਹਰਿਆਣਾ ਡ੍ਰਾਈਵਰ ਪ੍ਰੀਖਿਆ 2022 ਵਿੱਚ, ਉਮੀਦਵਾਰਾਂ ਤੋਂ ਡਰਾਈਵਿੰਗ ਸੈਂਸ, ਟ੍ਰੈਫਿਕ ਨਿਯਮ ਅਤੇ ਚਿੰਨ੍ਹ, ਸਧਾਰਨ ਸੰਖਿਆਤਮਕ ਯੋਗਤਾ, ਆਮ ਗਿਆਨ ਆਦਿ ਨਾਲ ਸਬੰਧਤ ਪ੍ਰਸ਼ਨ ਪੁੱਛੇ ਜਾਣਗੇ। ਇਹ ਭਰਤੀ ਪ੍ਰੀਖਿਆ ਪੰਜਾਬ, ਹਰਿਆਣਾ ਅਤੇ ਚੰਡੀਗੜ੍ਹ ਵਿੱਚ ਆਯੋਜਿਤ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ : ਮੁਕਤਸਰ ‘ਚ ਔਰਤ ਨੇ ਬੱਚੇ ਸਣੇ ਨਹਿਰ ‘ਚ ਮਾਰੀ ਛਾਲ, ਬਚਾਅ ਲਈ ਆਇਆ ਵਿਅਕਤੀ ਵੀ ਔਰਤ ਨਾਲ ਰੁੜ੍ਹਿਆ

ਇੰਝ ਭਰੋ ਫਾਰਮ : ਸਭ ਤੋਂ ਪਹਿਲਾਂ ਉਮੀਦਵਾਰ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੀ ਵੈੱਬਸਾਈਟ sssc.gov.in ‘ਤੇ ਜਾਣ, ਫਿਰ ਹੋਮਪੇਜ ‘ਤੇ ਐਡਮਿਟ ਕਾਰਡ ਲਿੰਕ ‘ਤੇ ਕਲਿੱਕ ਕਰੋ, ਲਿੰਕ ‘ਤੇ ਕਲਿੱਕ ਕਰਦੇ ਹੀ ਨਵਾਂ ਪੇਜ ਖੁੱਲ੍ਹ ਜਾਵੇਗਾ। ਹੁਣ ਇੱਥੇ ਲੌਗਇਨ ਪ੍ਰਮਾਣ ਪੱਤਰ ਦਾਖਲ ਕਰੋ। ਅਜਿਹਾ ਕਰਨ ਨਾਲ ਐਡਮਿਟ ਕਾਰਡ ਖੁੱਲ ਜਾਵੇਗਾ। ਹੁਣ ਇਸਨੂੰ ਡਾਉਨਲੋਡ ਕਰੋ ਅਤੇ ਪ੍ਰੀਖਿਆ ਦੇ ਦਿਨ ਹੋਰ ਵਰਤੋਂ ਲਈ ਇਸਨੂੰ ਸੁਰੱਖਿਅਤ ਰੱਖੋ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “