ਛੱਤੀਸਗੜ੍ਹ ਦੇ ਜਾਂਜਗੀਰ-ਚਾਂਪਾ ਜ਼ਿਲ੍ਹੇ ਵਿਚ ਬੋਰਵੈੱਲ ਵਿਚ ਫਸੇ ਰਾਹੁਲ ਨੂੰ 106 ਘੰਟੇ ਚੱਲੇ ਰੈਸਕਿਊ ਆਪ੍ਰੇਸ਼ਨ ਤੋਂ ਬਾਅਦ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਰੈਸਕਿਊ ਦੇ ਫੋਰਨ ਬਾਅਦ ਉਸ ਨੂੰ ਬਿਲਾਸਪੁਰ ਦੇ ਅਪੋਲੋ ਹਸਪਤਾਲ ਭੇਜਿਆ ਗਿਆ। ਰਾਹੁਲ ਸ਼ੁੱਕਰਵਾਰ ਨੂੰ ਦੁਪਿਹਰ ਲਗਭਗ 2 ਵਜੇ 60 ਫੁੱਟ ਡੂੰਘੇ ਬੋਰਵੈੱਲ ਵਿਚ ਡਿੱਗ ਗਿਆ ਸੀ। ਪ੍ਰਸ਼ਾਸਨ, NDRF, SDRF ਤੇ ਫੌਜ ਨੇ ਇਸ ਮੁਹਿੰਮ ਨੂੰ ਬਿਨਾਂ ਰੁਕੇ ਤੇ ਬਿਨਾਂ ਥਕੇ ਅੰਜਾਮ ਦਿੱਤਾ। ਇਸ ਦੌਰਾਨ ਉਨ੍ਹਾਂ ਨੂੰ ਕਾਫੀ ਦਿੱਕਤਾਂ ਦਾ ਵੀ ਸਾਹਮਣਾ ਕਰਨਾ ਪਿਆ।
ਜਿਵੇਂ ਹੀ ਰਾਹੁਲ ਨੂੰ ਬਾਹਰ ਕੱਢਿਆ ਗਿਆ ਜਵਾਨਾਂ ਨੇ ਭਾਰਤ ਮਾਤਾ ਦੀ ਜੈ ਦੇ ਨਾਅਰੇ ਲਗਾਏ। ਲੋਕਾਂ ਨੇ ਰੈਸਕਿਊ ਟੀਮ ਲਈ ਤਾੜੀਆਂ ਵਜਾਈਆਂ ਤੇ ਪਟਾਖੇ ਚਲਾਏ। ਲੋਕਾਂ ਨੇ NDRF, SDRF ਤੇ ਫੌਜ ਦੇ ਜਵਾਨਾਂ ਨੂੰ ਗੋਦ ਵਿਚ ਚੁੱਕ ਲਿਆ।
5 ਦਿਨਾਂ ਵਿਚ ਰਾਹੁਲ ਦੀ ਨਿਗਰਾਨੀ ਸਪੈਸ਼ਲ ਕੈਮਰੇ ਨਾਲ ਕੀਤੀ ਜਾ ਰਹੀ ਸੀ। ਉਸ ਨੂੰ ਭੋਜਨ ਪਾਣੀ ਦਿੱਤਾ ਜਾ ਰਿਹਾ ਸੀ। ਹੌਸਲਾ ਬਣਾਏ ਰੱਖਣ ਲਈ ਲਗਾਤਾਰ ਉੁਸ ਨਾਲ ਗੱਲਾਂ ਕੀਤੀਆਂ ਜਾ ਰਹੀਆਂ ਸਨ। ਪੰਜ ਦਿਨ ਤੱਕ 60 ਫੁੱਟ ਹੇਠਾਂ ਦਬੇ ਰਹਿਣ ਕਾਰਨ ਤੇ ਗੱਡੀ ਵਿਚ ਪਾਣੀ ਭਰੇ ਹੋਣ ਕਾਰਨ ਉਸ ਦੇ ਸਰੀਰ ਵਿਚ ਕਮਜ਼ੋਰੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਨਵੀਂ ਐਕਸਾਈਜ਼ ਪਾਲਿਸੀ ‘ਤੇ ਮਨਜਿੰਦਰ ਸਿਰਸਾ ਨੇ ਖੋਲ੍ਹੇ ਭੇਦ ! 12% ਫਿਕਸ 1 ਦਾਰੂ ਦੀ ਬੋਤਲ ‘ਤੇ? ਦੇਖੋ “
ਫੌਜ ਦੇ ਜਵਾਨਾਂ ਨੇ ਰੈਸਕਿਊ ਦੀ ਕਮਾਨ ਆਪਣੇ ਹੱਥ ਵਿਚ ਲੈ ਲਈ ਸੀ। ਉਹ ਟਨਲ ਜ਼ਰੀਏ ਪਹਿਲਾਂ ਬੋਰਵੈੱਲ ਤੇ ਫਿਰ ਰਾਹੁਲ ਤੱਕ ਪਹੁੰਚੇ। ਬੱਚੇ ਦੇ ਅੰਦਰ ਹੋਣ ਕਾਰਨ ਚੱਟਾਨਾਂ ਨੂੰ ਡ੍ਰਿਲਿੰਗ ਮਸ਼ੀਨ ਤੋਂ ਨਾ ਕੱਟ ਕੇ ਹੱਥ ਨਾਲ ਤੋੜ ਗਿਆ ਫਿਰ ਅੰਦਰ ਦੀ ਮਿੱਟੀ ਹਟਾਈ ਗਈ। ਇਸ ਤੋਂ ਬਾਅਦ ਰੱਸੀ ਤੋਂ ਖਿੱਚ ਕੇ ਰਾਹੁਲ ਨੂੰ ਬਾਹਰ ਕੱਢਿਆ ਗਿਆ ਤੇ ਨਾਲ ਹੀ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
