ਸਿੰਗਲ ਡੋਜ਼ ਵਾਲੀ ਵੈਕਸੀਨ ਨਾਲ ਕੋਰੋਨਾ ਹੋਵੇਗਾ ਛੂਮੰਤਰ, ਦਸੰਬਰ ‘ਚ ਹੋਵੇਗੀ ਲਾਂਚਿੰਗ

ਕੋਰੋਨਾ ਵਾਇਰਸ ਦੇ ਖਿਲਾਫ ਲੜਾਈ ‘ਚ ਭਾਰਤ ਨੂੰ ਇਸ ਸਾਲ ਦੇ ਅੰਤ ਤੱਕ ਸਪੂਤਨਿਕ-ਲਾਈਟ ਵੈਕਸੀਨ ਦੇ ਰੂਪ ‘ਚ ਇਕ ਹੋਰ ਵੱਡਾ ਹਥਿਆਰ ਮਿਲਣ ਜਾ ਰਿਹਾ ਹੈ। ਬੁੱਧਵਾਰ ਨੂੰ, ਰਸ਼ੀਅਨ ਡਾਇਰੈਕਟ ਇਨਵੈਸਟਮੈਂਟ ਫੰਡ (ਆਰਡੀਆਈਐਫ) ਦੇ ਸੀਈਓ ਕਿਰਿਲ ਦਿਮਿਤਰੀਵ ਨੇ ਕਿਹਾ ਕਿ ਸਪੂਤਨਿਕ ਲਾਈਟ ਟੀਕਾ ਦਸੰਬਰ ਤੱਕ ਭਾਰਤ ਵਿੱਚ ਲਾਂਚ ਕੀਤਾ ਜਾਵੇਗਾ। Sputnik Lite ਇੱਕ ਸਿੰਗਲ ਖੁਰਾਕ ਵੈਕਸੀਨ ਹੈ।

ਸਪੂਤਨਿਕ ਲਾਈਟ ਵਿੱਚ ਵੀ ਉਹੀ ਕੰਪੋਨੈਂਟ ਹਨ, ਜੋ ਸਪੂਤਨਿਕ-ਵੀ ਵਿਚ ਹਨ। Sputnik V ਭਾਰਤ ਅਤੇ ਹੋਰ ਥਾਵਾਂ ‘ਤੇ ਐਮਰਜੈਂਸੀ ਵਰਤੋਂ ਲਈ ਅਧਿਕਾਰਤ ਕੀਤਾ ਗਿਆ ਹੈ। ਲਾਈਟ ਵੈਕਸੀਨ ਨੂੰ ਵੀ ਕਈ ਦੇਸ਼ਾਂ ‘ਚ ਮਨਜ਼ੂਰੀ ਮਿਲ ਚੁੱਕੀ ਹੈ ਪਰ ਭਾਰਤੀ ਮਾਹਿਰ ਇਹ ਪਤਾ ਲਗਾਉਣ ‘ਚ ਲੱਗੇ ਹੋਏ ਹਨ ਕਿ ਇਹ ਵੈਕਸੀਨ ਭਾਰਤੀਆਂ ‘ਤੇ ਠੀਕ ਕੰਮ ਕਰ ਰਹੀ ਹੈ ਜਾਂ ਨਹੀਂ।

ਵੀਡੀਓ ਲਈ ਕਲਿੱਕ ਕਰੋ -:

“ਪੇਂਡੂ ਤਰੀਕੇ ਨਾਲ ਬਣਾਉ ਸਰੋਂ ਦਾ ਸਾਗ “

ਸਪੂਤਨਿਕ ਲਾਈਟ ਵੈਕਸੀਨ ਨੂੰ ਭਾਰਤੀ ਆਬਾਦੀ ‘ਤੇ ਤੀਜੇ ਪੜਾਅ ਦੀ ਬ੍ਰਿਜਿੰਗ ਟਰਾਇਲ ਕਰਨ ਲਈ ਡਰੱਗਜ਼ ਕੰਟਰੋਲਰ ਜਨਰਲ ਆਫ ਇੰਡੀਆ (DCGI) ਤੋਂ ਪਹਿਲਾਂ ਹੀ ਮਨਜ਼ੂਰੀ ਮਿਲ ਚੁੱਕੀ ਹੈ। ਡਾ. ਰੈੱਡੀਜ਼ ਲੈਬਾਰਟਰੀਆਂ ਨੇ ਪਿਛਲੇ ਸਾਲ ਭਾਰਤ ਵਿੱਚ ਸਪੂਤਨਿਕ V ਵੈਕਸੀਨ ਦੇ ਫੇਜ਼ III ਟਰਾਇਲ ਕਰਨ ਲਈ ਰੂਸੀ ਡਾਇਰੈਕਟ ਇਨਵੈਸਟਮੈਂਟ ਫੰਡ (RDIF) ਨਾਲ ਸਾਂਝੇਦਾਰੀ ਕੀਤੀ ਸੀ।