ਗੂਗਲ ਨੇ ਕਾਲ ਰਿਕਾਰਡਿੰਗ ਐਪਸ ‘ਤੇ ਸ਼ਿਕੰਜਾ ਕੱਸਣ ਦਾ ਐਲਾਨ ਕੀਤਾ ਹੈ। 11 ਮਈ ਤੋਂ ਗੂਗਲ ਕਈ ਨਵੀਆਂ ਨੀਤੀਆਂ ਨੂੰ ਲਾਗੂ ਕਰੇਗਾ, ਜਿਸ ਦੇ ਤਹਿਤ ਥਰਡ ਪਾਰਟੀ ਐਪਸ ਐਂਡਰਾਇਡ ਸਮਾਰਟਫ਼ੋਨਸ ਵਿੱਚ ਕਾਲ ਰਿਕਾਰਡਿੰਗ ਨਹੀਂ ਕਰ ਸਕੇਗੀ।
ਗੂਗਲ ਦੀ ਇਸੇ ਨੀਤੀ ‘ਤੇ ਚੱਲਦੇ ਹੋਏ ਹੁਣ Truecaller ਨੇ ਵੀ ਪੁਸ਼ਟੀ ਕਰ ਦਿੱਤੀ ਹੈ ਕਿ ਹੁਣ Truecaller ਨਾਲ ਕਾਲ ਰਿਕਾਰਡਿੰਗ ਸੰਭਵ ਨਹੀਂ ਹੋਵੇਗੀ। ਦੱਸ ਦੇਈਏ ਕਿ ਟਰੂਕਾਲਰ ਦੀਆਂ ਸਭ ਤੋਂ ਵੱਡੀਆਂ ਵਿਸ਼ੇਸ਼ਤਾਵਾਂ ਵਿੱਚੋਂ ਇੱਕ ਕਾਲ ਰਿਕਾਰਡਿੰਗ ਦੀ ਫੀਚਰ ਹੈ।
ਭਾਰਤ ਵਿੱਚ ਵੀ ਲੋਕ Truecaller ਰਾਹੀਂ ਕਾਲ ਰਿਕਾਰਡ ਕਰਦੇ ਹਨ। ਹੁਣ ਨਵੀਂ ਨੀਤੀ ਦੇ ਆਉਣ ਨਾਲ ਇੱਥੇ ਵੀ ਇਸਦਾ ਅਸਰ ਪਵੇਗਾ। Truecaller ਦੇ ਮੁਤਾਬਕ ਹੁਣ ਕੰਪਨੀ ਦੁਨੀਆ ਭਰ ਵਿੱਚ ਕਾਲ ਰਿਕਾਰਡਿੰਗ ਦੀ ਆਪਸ਼ਨ ਦੇਣੀ ਬੰਦ ਕਰ ਦੇਵੇਗੀ।
ਤੁਹਾਨੂੰ ਦੱਸ ਦੇਈਏ ਕਿ ਜਿਨ੍ਹਾਂ ਸਮਾਰਟਫੋਨਸ ‘ਚ ਨੇਟਿਵ ਕਾਲ ਰਿਕਾਰਡਰ ਫੀਚਰ ਦਿੱਤਾ ਗਿਆ ਹੈ, ਉਹ 11 ਮਈ ਤੋਂ ਬਾਅਦ ਵੀ ਕਾਲ ਰਿਕਾਰਡ ਕਰਨਾ ਜਾਰੀ ਰੱਖ ਸਕਦੇ ਹਨ। ਪਰ ਜਿਨ੍ਹਾਂ ਸਮਾਰਟਫ਼ੋਨਾਂ ਵਿੱਚ ਕਾਲ ਰਿਕਾਰਡਿੰਗ ਲਈ ਇੱਕ ਵੱਖਰੀ ਐਪ ਡਾਊਨਲੋਡ ਕੀਤੀ ਗਈ ਹੈ, ਉਹ ਕਾਲ ਰਿਕਾਰਡਿੰਗ ਨਹੀਂ ਕਰ ਸਕਣਗੇ।
Truecaller ਨੇ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ ਯੂਜ਼ਰਸ ਦੇ ਰਿਸਪਾਂਸ ਤੋਂ ਬਾਅਦ ਅਸੀਂ ਐਂਡਰਾਇਡ ਸਮਾਰਟਫੋਨ ਲਈ ਕਾਲ ਰਿਕਾਰਡਿੰਗ ਫੀਚਰ ਲਾਂਚ ਕੀਤਾ ਸੀ, ਪਰ ਹੁਣ ਗੂਗਲ ਦੀ ਅਪਡੇਟ ਕੀਤੀ ਨੀਤੀ ਤੋਂ ਬਾਅਦ ਗੂਗਲ ਕਾਲ ਰਿਕਾਰਡਿੰਗ ਦੀ ਇਜਾਜ਼ਤ ਨੂੰ ਸੀਮਤ ਕਰ ਦੇਵੇਗਾ ਅਤੇ ਇਸ ਲਈ ਟਰੂਕਾਲਰ ਤੋਂ ਕਾਲ ਰਿਕਾਰਡਿੰਗ ਵੀ ਨਹੀਂ ਹੋਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“ਬਠਿੰਡੇ ਦੀ ਜੱਟੀ ਟੋਹਰ ਨਾਲ ਚਲਾਉਂਦੀ ਐ ਟੈਂਕਰ ਤੇ ਟਰਾਲੇ, ਦੇਖੋ ਸਫ਼ਲ ਲੇਡੀ ਟਰਾਂਸਪੋਰਟਰ ਕਿਵੇਂ ਪਹੁੰਚੀ ਅਰਸ਼ਾਂ ‘ਤੇ !”
ਤੁਹਾਨੂੰ ਦੱਸ ਦੇਈਏ ਕਿ ਐਪਲ ਹਮੇਸ਼ਾ ਆਪਣੇ ਆਈਫੋਨ ‘ਚ ਇਨਬਿਲਟ ਕਾਲ ਰਿਕਾਰਡਿੰਗ ਦਾ ਫੀਚਰ ਨਹੀਂ ਦਿੰਦਾ ਹੈ। ਐਪ ਸਟੋਰ ‘ਤੇ ਕੁਝ ਕਾਲ ਰਿਕਾਰਡਰ ਐਪਸ ਵੀ ਮਿਲਣਗੀਆਂ, ਪਰ ਉਹ ਠੀਕ ਤਰ੍ਹਾਂ ਕੰਮ ਨਹੀਂ ਕਰਦੀਆਂ ਅਤੇ ਕੁਝ ਪੇਡ ਐਪਸ ਵੀ ਹਨ।
ਕਾਲ ਰਿਕਾਰਡਿੰਗ ਨੂੰ ਲੈ ਕੇ ਕਈ ਦੇਸ਼ਾਂ ਵਿੱਚ ਵੱਖ-ਵੱਖ ਕਾਨੂੰਨ ਹਨ। ਕਈ ਦੇਸ਼ਾਂ ‘ਚ ਕਾਲ ਰਿਕਾਰਡਿੰਗ ਨੂੰ ਵੀ ਗੈਰ-ਕਾਨੂੰਨੀ ਕਰਾਰ ਦਿੱਤਾ ਗਿਆ ਹੈ, ਪ੍ਰਾਈਵੇਸੀ ਇਸ ਦਾ ਇਕ ਕਾਰਨ ਹੈ, ਜਿਸ ਨਾਲ ਹੁਣ ਐਂਡਰਾਇਡ ‘ਚ ਵੀ ਕਾਲ ਰਿਕਾਰਡਿੰਗ ਨੂੰ ਮੁਸ਼ਕਿਲ ਬਣਾਇਆ ਜਾ ਰਿਹਾ ਹੈ।
