ਗਵਾਲੀਅਰ ਵਿਚ ਇਕ ਟਿਊਸ਼ਨ ਟੀਚਰ ਦਾ ਥਰਡ ਡਿਗਰੀ ਟਾਰਚਰ ਸਾਹਮਣੇ ਆਇਆ ਹੈ। 5ਵੀਂ ਕਲਾਸ ਦਾ ਵਿਦਿਆਰਥੀ ਹੋਮਵਰਕ ਕਰਕੇ ਨਹੀਂ ਲਿਆਇਆ ਤਾਂ ਟਿਊਟਰ ਨੇ ਉਸ ਨੂੰ ਬੇਰਹਿਮੀ ਨਾਲ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਜਦੋਂ ਬੱਚੇ ਨੇ ਉਸ ਦਾ ਵਿਰੋਧ ਕੀਤਾ ਤਾਂ ਦੋਸ਼ੀ ਨੇ ਬੱਚੇ ਨੂੰ ਬੈੱਡ ‘ਤੇ ਉਲਟਾ ਲਿਟਾਇਆ ਤੇ ਫਿਰ ਲੋਹੇ ਦੀ ਲਾਟ ਨਾਲ ਕੁੱਟਿਆ। ਇਸ ਪਿਟਾਈ ਨਾਲ ਬੱਚੇ ਦੇ ਹਿਪਸ ਤੇ ਪਿੱਠ ਦੇ ਹਿੱਸੇ ਲਾਲ ਹੋ ਗਏ। ਉਸ ਦੇ ਸਰੀਰ ‘ਤੇ ਲਾਲ ਨਿਸ਼ਾਨ ਦੇ ਕੇ ਮਾਪੇ ਹੈਰਾਨ ਹੋ ਗਏ।
ਪੁੱਛਣ ‘ਤੇ ਬੱਚੇ ਨੇ ਟਿਊਸ਼ਨ ਟੀਚਰ ਦੀ ਸਾਰੀ ਕਰਤੂਤ ਦੱਸੀ। ਬੱਚੇ ਦੀ ਮਾਂ ਨੇ ਅੱਧੀ ਰਾਤ ਐੱਸਐੱਸਪੀ ਅਮਿਤ ਸਾਂਘੀ ਨੂੰ ਫੋਨ ਲਗਾਇਆ ਤੇ ਉਨ੍ਹਾਂ ਨੂੰ ਫੋਟੋ ਭੇਜੇ। ਇਸ ‘ਤੇ ਐੱਸਐੱਸਪੀ ਨੇ ਰਾਤ ਵਿਚ ਥਾਣਾ ਇੰਚਾਰਜ ਨੂੰ ਮਾਮਲਾ ਦਰਜ ਕਰਕੇ ਸਖਤ ਕਾਰਵਾਈ ਕਰਨ ਦੇ ਨਿਰਦੇਸ਼ ਦਿੱਤੇ। ਸਵੇਰੇ ਹਜੀਰਾ ਥਾਣੇ ਵਿਚ ਮਾਮਲਾ ਦਰਜ ਕਰਕੇ ਦੋਸ਼ੀ ਦੀ ਭਾਲ ਸ਼ੁਰੂ ਕਰਦਿੱਤੀ ਗਈ।
ਇਹ ਵੀ ਪੜ੍ਹੋ : ਜੇਲ੍ਹ ਤੋਂ ਰਿਹਾਅ ਹੋਏ ਸਾਬਕਾ ਮੰਤਰੀ ਸਾਧੂ ਸਿੰਘ ਧਰਮਸੋਤ, ਕਾਂਗਰਸੀ ਵਰਕਰਾਂ ਨੇ ਢੋਲ ਵਜਾ ਕੇ ਜਤਾਈ ਖੁਸ਼ੀ
ਬਲਵੰਤ ਨਗਰ ਵਿਚ ਰਹਿਣ ਵਾਲੇ ਯੋਗੇਂਦਰ ਰਾਣਾ ਆਪਣੇ ਬੱਚੇ ਨੂੰ ਜੀਕੇ ਦੀ ਤਿਆਰੀ ਲਈ ਚਾਰ ਸ਼ਹਿਰ ਦਾ ਨਾਕਾ ਸਥਿਤ ਟੀਚਰ ਯੋਗੇਸ਼ ਸ਼੍ਰੀਵਾਸਤਵ ਕੋਲ ਭੇਜਦੇ ਸਨ। ਪੁਲਿਸ ਨੂੰ ਕੀਤੀ ਗਈ ਸ਼ਿਕਾਇਤ ਵਿਚ ਉਨ੍ਹਾਂ ਨੇ ਦੱਸਿਆ ਕਿ ਬੀਤੇ ਦਿਨੀਂ ਜਦੋਂ ਬੱਚਾ ਟਿਊਸ਼ਨ ਪੜ੍ਹਨ ਗਿਆ ਤਾਂ ਟੀਚਰ ਨੇ ਹੋਮਵਰਕ ਪੂਰਾ ਨਾ ਕਰਨ ਨੂੰ ਲੈ ਕੇ ਬੱਚੇ ਨੂੰ ਝਿੜਕਿਆ ਤੇ ਜਦੋਂ ਬੱਤੇ ਨੇ ਟੀਚਰ ਨੂੰ ਗੁੱਸੇ ਨਾਲ ਦੇਖਿਆ ਤਾਂ ਟੀਚਰ ਨੇ ਬੱਚੇ ਨੂੰ ਬੈੱਡ ‘ਤੇ ਲਿਟਾ ਕੇ ਰੋਡ ਨਾਲ ਕੁੱਟਿਆ।
ਵੀਡੀਓ ਲਈ ਕਲਿੱਕ ਕਰੋ -:
“ਸਿੱਖ ਗੱਭਰੂ ਨੇ ਫੱਟੇ ਚੱਕ’ਤੇ ! ਕੈਨੇਡਾ ਦੀ Top University ਤੋਂ ਮਿਲੀ 2 ਕਰੋੜ ਦੀ ਸਕਾਲਰਸ਼ਿਪ ! ਪੁੱਤ ‘ਤੇ ਮਾਣ ਕਰਦੇ ਨੇ ਮਾਪੇ ! “
ਇਸ ‘ਤੇ ਐਸਐਸਪੀ ਨੇ ਤੁਰੰਤ ਕਾਰਵਾਈ ਕੀਤੀ। ਪਹਿਲਾਂ ਐੱਸਐੱਸਪੀ ਦੇ ਨਿਰਦੇਸ਼ਾਂ ‘ਤੇ ਦੋਸ਼ੀ ਅਧਿਆਪਕ ਯੋਗੇਸ਼ ਸ਼੍ਰੀਵਾਸਤਵ ਦੇ ਖਿਲਾਫ ਯੂਨੀਵਰਸਿਟੀ ਥਾਣੇ ‘ਚ ਮਾਮਲਾ ਦਰਜ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਮਾਮਲਾ ਹਜ਼ੀਰਾ ਥਾਣੇ ਵਿੱਚ ਤਬਦੀਲ ਕਰ ਦਿੱਤਾ ਗਿਆ। ਬੱਚੇ ਦੀ ਮਾਂ ਸੰਧਿਆ ਰਾਣਾ ਦੀ ਸ਼ਿਕਾਇਤ ‘ਤੇ ਹਜ਼ੀਰਾ ਥਾਣੇ ‘ਚ ਦੋਸ਼ੀ ਯੋਗੇਸ਼ ਸ਼੍ਰੀਵਾਸਤਵ ਦੇ ਖਿਲਾਫ ਕੇਅਰ ਐਂਡ ਪ੍ਰੋਟੈਕਸ਼ਨ ਆਫ ਚਿਲਡਰਨ ਐਕਟ 2015 ਦੀ ਧਾਰਾ 323 ਅਤੇ ਧਾਰਾ 75 ਅਤੇ 82 ਦੇ ਤਹਿਤ ਐੱਫ.ਆਈ.ਆਰ. ਫਿਲਹਾਲ ਪੁਲਸ ਨੇ ਸਬੂਤਾਂ ਦੇ ਆਧਾਰ ‘ਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਦੋਸ਼ੀ ਅਧਿਆਪਕ ਨੂੰ ਅਜੇ ਤੱਕ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ।
